Jonas 1:5 - Chol: I T’an Dios

⁵ Tsa' cajiyob ti bʌq'uen x'e'telob ti barco. Ti jujuntiquil tsi' yotayob i dioste'. Tsi' t'ox loc'sʌbeyob i cuch barco cha'an mi' sejb'an. Ñololix Jonás ya' ba' tsa' jubi ti cojix bʌ i yebal barco. Woli ti wʌyel.

Chol de Tumbalá Bible

⁵ Tsa' cajiyob ti bʌq'uen x'e'telob ti barco. Ti jujuntiquil tsi' yotayob i dioste'. Tsi' t'ox loc'sʌbeyob i cuch barco cha'an mi' sejb'an. Ñololix Jonás ya' ba' tsa' jubi ti cojix bʌ i yebal barco. Woli ti wʌyel.

Jonas 1:5 Iomraidhean Croise

1 Reyob 18:26

Che' jini tsi' ch'ʌmʌyob jini tat wacax tsa' bʌ i yʌq'ueyob. Tsi' pejcayob Baal ti sʌc'ajel c'ʌlʌl ti xinq'uiñil. Tsi' yʌlʌyob: Baal, jac'beñon lojon, che'ob. Pero ma'anic tsi' jac'ʌ. Tsi' cha'leyob tijp'el ti' joytilel i pulʌntib i majtan Baal.

Job 2:4

Satanás tsi' yʌlʌ: Junlajal winicob, mi' bajñel c'uxbiñob i bʌ. Che'ʌch ja'el Job. Anquese ma'anix i chubʌ'an, chʌn tijicna i pusic'al cha'an c'oc' to i bʌc'tal.

Salmos 107:25

Mi' tejchel p'ʌtʌl bʌ ic' cha'an ti' mandar lac Yum. Mi' wec'ulan jini ja' c'ʌlʌl ti tocal.

Salmos 148:8

Yic'ot c'ajc yic'ot tuñija' yic'ot i ña'al tsʌñal, Yic'ot jini p'ʌtʌl bʌ ic'. Mi' laj jac'ben i t'an.

Isaias 45:20

Much'quin la' bʌ ba' añon. Tempan la' bʌ pejteletla mach bʌ anic tsa' jisʌntiyetla cha'an Ciro, cha'an mi la' wubin jini mu' bʌ caj c subeñetla. Ma'anic i ña'tʌbal winicob mu' bʌ i q'uechob ñumel i diosob. Mi' lon c'ajtibeñob i coltʌntel ti' tojlel dioste' tac mach bʌ yujilic coltaya.

Jeremias 2:28

Sʌclan a diosob tsa' bʌ a mele. ¿Baqui añob che' ti' yorajlel a wocol? La' ch'ojyicob che' woliyet ti wocol, mi yujilob coltaya. Tsiqui a diosob, Judá. Wen cabʌlob ti tsic che' bajche' a tejclumob.

Oseas 7:14

Che' cañal i wut ti' wʌyib cha'an tsic pusic'al, ma'anic mi' c'ajtibeñoñob i coltʌntel. Mi' lon ch'ujutesañob yambʌ dios. Mi' lon c'ajtiñob ixim yic'ot vino yic'ot pejtel chuqui yom ti pañimil. Mi' tsepob i bʌ. Mi' ñusañob c t'an.

Jonas 1:14

Jini cha'an c'am tsi' pejcayob lac Yum: A wocolic mic subeñet lojon, c Yum lojon, mach a wʌc'on lojon ti jilel cha'an ili winic. Mach a q'uelon lojon ti stsʌnsa mi tsac choco lojon ochel jini winic ti ñajb cha'an mi' ñʌjch'el ja', come a wentajʌch, c Yum lojon, cha'an tsa' choco tilel jini ic', che'ob.

Jonas 1:16

Jini cha'an jini winicob tsa' caji i wen bʌc'ñañob lac Yum. Tsi' pulbeyob i majtan lac Yum. Tsi' yʌc'ʌyob i t'an cha'an mux caj i chʌn ch'ujutesañob Dios mi tsi' coltayob cha'an mi' c'otelob ti lum.

Jonas 1:6

I yum barco tsa' tili ba'an Jonás. Tsi' sube: ¿Chucoch woliyet ti wʌyel? Ch'ojyen. Pejcan a Dios. Tic'ʌl mux i p'untañonla Dios ame jiliconla, che'en.

Mateo 25:5

Che' bʌ tsa' jale xñujpuñijel, tsi' cha'leyob ñʌcʌb. Tsa' cajiyob ti wʌyel.

Mateo 26:43

Tsa' cha' tili. Wʌyʌlob tsi' cha' tajayob come suts'ob jax i wut.

Mateo 26:45

Tsa' cha' tili ba'an xcʌnt'añob i cha'an. Tsi' subeyob: Cha'lenla wʌyel. C'aja la' wo. Awilan, tsa'ix c'oti i yorajlel, i Yalobil Winic woli' yʌjq'uel ti' c'ʌb xmulilob.

Hechos 27:38

Che' ñajobix tsi' sejb'esayob jini barco. Tsi' chocoyob ochel c'uxbil bʌ i wut jam ti colem ñajb.

Juezob 16:19

Jini x'ixic tsa' caji' wʌysan Sansón ti' ya'. Tsi' pʌyʌ tilel juntiquil winic cha'an mi' set'ben jini wuct'ujm tam bʌ i tsutsel i jol. Che' bʌ tsa' ujti, tsa' caji i tic'lan. Tsiquil ma'anix i p'ʌtʌlel, come tsa'ix jili i wersa.

1 Samuel 24:3

Che' woli ti xʌmbal majlel, Saúl tsa' c'oti ba' an corral cha'an tiñʌme'. Ya'an tam bʌ ch'en ba' tsa' ochi cha'an mi' majlel ti wutstʌl. Ya' mucul David ti' mal jini ch'en yic'ot i winicob.