Jonas 1:4 - Chol: I T’an Dios

⁴ Lac Yum tsi' choco tilel p'ʌtʌl bʌ ic' ti colem ñajb. Tsa' wen tejchi jini p'ʌtʌl bʌ ic' ti ñajb jinto yomix jejmel jini barco.

Chol de Tumbalá Bible

⁴ Lac Yum tsi' choco tilel p'ʌtʌl bʌ ic' ti colem ñajb. Tsa' wen tejchi jini p'ʌtʌl bʌ ic' ti ñajb jinto yomix jejmel jini barco.

Jonas 1:4 Iomraidhean Croise

Salmos 135:6

Lac Yum mi' mel pejtel chuqui yom i pusic'al Ti panchan yic'ot ti pañimil, ti ñajb yic'ot ti aban.

Salmos 135:7

Lac Yum mi' ch'uy letsel tocal c'ʌlʌl ti junwejl pañimil. Mi' choc tilel chajc yic'ot ja'al. Mi' loc'san ic' ti' yotlel ba' lotol i ye'tijib.

Salmos 148:8

Yic'ot c'ajc yic'ot tuñija' yic'ot i ña'al tsʌñal, Yic'ot jini p'ʌtʌl bʌ ic'. Mi' laj jac'ben i t'an.

Exodo 10:13

Jini cha'an Moisés tsi' letsa i barate'. Tsi' sʌts'ʌ i c'ʌb ti' lumal egiptojob. Lac Yum tsi' choco tilel ic' loq'uen bʌ ba' mi' pasel q'uin. Jump'ejl q'uin yic'ot jump'ejl ac'ʌlel tsa' ñumi ic'. Che' ti sʌc'ajel jini ic' tsi' wets'e tilel sajc'.

Exodo 10:19

Lac Yum tsi' choco tilel p'ʌtʌl bʌ ic' loq'uen bʌ ba' mi' bʌjlel q'uin. Tsi' wets'e majlel sajc' c'ʌlʌl ti Chʌchʌc bʌ Ñajb ba' tsa' chʌmi ti ja'. Ma'anic tsa' cʌle mi juncojtic sajc' ti pejtelel Egipto.

Exodo 14:21

Moisés tsi' sʌts'ʌ i c'ʌb ti' pam ñajb. Lac Yum tsi' wets'e majlel jini ñajb jump'ejl ac'ʌlel ti p'ʌtʌl bʌ ic' loq'uem bʌ ba' mi' pasel q'uin. Tsa' cajli jini ja'. Tiquin tsa' cʌle lum ba' tsa' cajli ñajb.

Exodo 15:10

Tsa' wujtayob ti ic'. Tsa' mujlʌyiyob ti jini colem ñajb. Tsa' yajliyob che' bajche' tsucu taq'uin che' bʌ tsi' jats'ʌyob ja'.

Jeremias 51:16

Che' mi' cha'len t'an mi' yubintel i jajts ti panchan. Mi yʌc' ti letsel i yowix ja' ti pejtelel pañimil. Mi' mel chajc yic'ot ja'al. Mi' pʌy loq'uel ic' ya' ba' lotol i cha'an.

Amos 4:13

Come jiñʌch Dios tsa' bʌ i mele wits yic'ot ic'. Mi' yʌc' ti tsictiyel chuqui woli' ña'tañob winicob ti' pusic'al. Mi' sutq'uin i sʌclel pañimil ti ic'chipan bʌ. Mi' cha'len xʌmbal ti' chañilel pañimil. I c'aba' lac Yum, i Dios Panchan yic'ot Pañimil.

Numeros 11:31

Lac Yum tsi' choco tilel p'ʌtʌl bʌ ic' tsa' bʌ i wets'e tilel bajc'ʌl xculucap. Tsa' wejliyob tilel ti' pam ñajb. Tsa' jubiyob ti' tojlel israelob yic'ot ti' joytʌlel ya' ba'añob. Baqui jach tsa' loq'uiyob winicob, tsa' majli i chucob. Jump'ejl q'uin xʌmbal ti jujunwejl c'ʌlʌl ba' jaxʌl. Pec' jach tsa' wejliyob c'otel, ya jump'ejl jach metro i chanlel.