Jonas 1:3 - Chol: I T’an Dios

³ Jonás tsi' chajpa i bʌ cha'an mi' puts'el loq'uel ti' tojlel lac Yum cha'an mach yomic majlel ti Nínive. Tsa' jubi majlel ti Jope ba' tsi' taja colem barco woli bʌ i majlel ti Tarsis. Tsi' tojo i yochib. Tsa' ochi cha'an mi' majlel ti Tarsis yic'ot jini año' bʌ ti barco cha'an mi' loq'uel ti' tojlel lac Yum.

Chol de Tumbalá Bible

³ Jonás tsi' chajpa i bʌ cha'an mi' puts'el loq'uel ti' tojlel lac Yum cha'an mach yomic majlel ti Nínive. Tsa' jubi majlel ti Jope ba' tsi' taja colem barco woli bʌ i majlel ti Tarsis. Tsi' tojo i yochib. Tsa' ochi cha'an mi' majlel ti Tarsis yic'ot jini año' bʌ ti barco cha'an mi' loq'uel ti' tojlel lac Yum.

Jonas 1:3 Iomraidhean Croise

Genesis 3:8

Tsi' yubiyob woli ti t'an lac Yum Dios che' woli ti xʌmbal ti pʌc'ʌbʌl che' wolix ti bʌjlel q'uin. Jini winic yic'ot i yijñam tsi' puts'tayob lac Yum Dios ya' ti te'el am bʌ ti pʌc'ʌbʌl.

Genesis 4:16

Caín tsa' loq'ui majlel ti' tojlel lac Yum. Tsa' chumle ti lum i c'aba' Nod am bʌ ti' tojel Edén ba' mi' pasel q'uin.

1 Reyob 19:3

Elías tsi' bʌc'ña. Tsa' puts'i cha'an ma'anic mi' tsʌnsʌntel. Tsa' c'oti ti Beerseba am bʌ ti Judá. Ya' tsi' cʌyʌ i winic.

1 Reyob 19:9

Ya' tsa' ochi ti ch'en ba' tsi' ñusa jump'ejl ac'ʌlel. Tsa' c'oti i t'an lac Yum ti' tojlel: ¿Chuqui woli a mel ilayi? che'en.

2 Cronicas 2:15

Jini cha'an, c yum, choco tilel jini trigo, yic'ot cebada, yic'ot aceite, yic'ot i ya'lel ts'usub che' bajche' tsa' wʌlʌ.

2 Cronicas 2:16

Mi caj c loc'san lojon jini te' ya' ti Líbano che' bajche' c'amel a wom. Mi caj c ts'ʌl cʌch lojon jini te' cha'an mic chocbeñet lojon majlel ya' ti colem ja' c'ʌlʌl ti Jope. Ya' mi caj i ch'ʌmob a winicob cha'an mi' jexbañob majlel ti Jerusalén. Che' tsi' yʌlʌ Hiram.

2 Cronicas 9:21

An colem barco tac i cha'an jini rey Salomón. Tsi' ñijcayob majlel i winicob Hiram. Uxp'ejl jab tsi' chocoyob majlel ti Tarsis cha'an mi' ch'ʌmob tilel oro yic'ot plata, yic'ot i bʌquel i yej elefante, yic'ot bats', yic'ot xyʌx ac'ach.

Esdras 3:7

Tsi' pʌyʌyob ti e'tel jini xjuc' te'ob yic'ot jini xmel ts'ajcob. Tsi' mʌñʌyob ch'ujte' am bʌ ti Líbano. Tsi' tojoyob yic'ot i bʌl ñʌc'ʌl yic'ot aceite yic'ot vino cha'an mi' ch'ʌmob tilel jini sidoñojob yic'ot tirojob. Tsi' ñijcayob tilel jini te' ti' ti' colem ñajb c'ʌlʌl tsa' c'otiyob ti Jope am bʌ ti' ti' ñajb. Tsa' lu' mejli che' bajche' tsi' yʌc'ʌ mandar Ciro yumʌl bʌ ti Persia.

Job 1:12

Lac Yum tsi' sube: Wolix cʌq'ueñet pejtel chuqui an i cha'an Job. Lu' an ti a p'ʌtʌlel cha'an ma' tic'lan. Cojach jini c winic mach mejlic a tʌl, che'en Dios. Che' jini tsa' majli Satanás. Tsa' loq'ui ti' tojlel lac Yum.

Job 2:7

Jini cha'an tsa' loq'ui Satanás ti' tojlel lac Yum. Tsi' yʌq'ue i c'amʌjel Job. Tsa' pasi tsoy ti' cotol, ti' xinjol c'ʌlʌl ti' mal i yoc.

Salmos 107:23

Winicob mi' cha'leñob xʌmbal ti barco tac ya' ti colem ñajb Cha'an mi' cha'leñob mʌñoñel choñoñel ti ñajtʌl.

Isaias 2:16

Mi caj i jisan pejtel jini colem barco ya' ti Tarsis, yic'ot jini wen i t'ojol tac bʌ barco ba' mi' cha'leñob xʌmbal jini wen chumulo' bʌ.

Isaias 23:1

Jiñʌch i t'an Dios ti' contra Tiro. Obol jax i bʌ jini barco tac loq'uemo' bʌ ti Tarsis, come jisʌbilix Tiro yic'ot pejtel i yotot. Ma'anix i yajñib barco tac ya' ba' i tilel mi' c'otelob. Isujm jini t'an tsa' bʌ pam subentiyob ti Cipro.

Isaias 23:10

Winicob añet bʌ la ti Tarsis, librejetixla come ma'añobix la' yum ya' ti Tiro.

Isaias 23:6

Cucula, sʌclan la' wotot ti Tarsis, winicob chumulet bʌ la ti' ti' ñajb. Cha'lenla uq'uel cha'an la' lumal.

Isaias 60:9

Ñaxan mi' c'otelob colem barco tac loq'uemo' bʌ ti Tarsis. Woli' pʌyob tilel la' walobilob loq'uemo' bʌ ti ñajt tac bʌ tejclum. Woli' cuchob tilel i chubʌ'añob yic'otob. Come jini Ch'ujul Bʌ ti Israel tsa'ix i yʌq'ueyetla la' ñuclel ti' wutob jini año' bʌ ti pañimil.

Jeremias 10:9

Ch'oyol ti Tarsis jini tsucu taq'uin, ch'oyol ti Ufaz jini oro, mi' ch'ʌmob tilel. Jini wen yujilo' bʌ mi' melob ejtalʌl. Mi' xojbeñob chʌchʌc bʌ yic'ot chʌccojan bʌ i pislel, wen letsem bʌ i tojol. Laj i melbalob winicob yujilo' bʌ i melol.

Ezequiel 2:8

Pero jatet i yalobilet bʌ winic, ñich'tan chuqui mic subeñet. Mach yomic ma' chañ'esan a bʌ che' bajche' jini xñusa t'añob. Cawa a wej cha'an ma' c'ux chuqui mi cʌq'ueñet. Che' tsi' yʌlʌ Dios.

Ezequiel 27:12

Jini ch'oyolo' bʌ ti Tarsis tsi' chombeyet plata, tsucu taq'uin, sʌsʌc taq'uin, yic'ot plomo tac, come wen chumulet. Tsi' mʌñʌyob a chubʌ'an.

Ezequiel 3:14

Jini Espíritu tsi' ch'uyuyon majlel ya' ti Tel Abib am bʌ ti' ti' ñoj ja' i c'aba' Quebar. Ya' añob c pi'ʌlob tsa' bʌ cʌjchiyob majlel. Wen ch'ijiyemon cha'an jini wocol tsa' bʌ i pʌsbeyon lac Yum. Wucp'ejl q'uin tsa' ajniyon yic'otob che' ma'añonic ti pañimil yubil, che' toj sajtem c pusic'al.

Jonas 1:10

Jini winicob tsa' wen cajiyob ti bʌq'uen che' ña'tibilix i cha'añob woli' puts'el loq'uel Jonás ti' tojlel lac Yum. Tsi' subeyob: ¿Chucoch tsa' lon mele bajche' jini? che'ob.

Jonas 4:2

Tsi' pejca lac Yum ti oración. Tsi' sube: ¡Aj! c Yum, mic pejcañet. ¿Mach ba jiniqui tsa' bʌ c wʌn ña'ta che' bʌ ya'to añon tic lumal? Tsa cʌlʌ tic pusic'al ma'anic mi caj a jisañob come cujil Dioset, cujil cabʌl i yutslel a pusic'al. Ma' p'untan winicob x'ixicob. Jal ma' cuchbeñob i mul. Wen cabʌl a c'uxbiya. Mi' cha' uts'an a pusic'al che' wola' ña'tan a choc tilel wocol. Jini cha'an tsac ñopo puts'el majlel ti Tarsis.

Lucas 9:62

Jesús tsi' sube: Jini mu' bʌ i q'uel i pat che' woli' top' lum, ma'anic i c'ʌjñibal ti' yumʌntel Dios, che'en.

Hechos 15:38

Pablo mach yomic i pʌy majlel yic'otob, come Marcos tsi' cʌyʌyob ya' ti Panfilia che' ma'anic tsa' majli ti e'tel yic'otob.

Hechos 26:19

Jini cha'an, mic subeñet, rey Agripa, ma'anic tsac ñusa jini tsa' bʌ pʌsbentiyon ch'oyol bʌ ti panchan.

Hechos 9:36

Ya' ti Jope an xcʌnt'an i c'aba' Tabita, jiñʌch Dorcas. Jini x'ixic bʌxatax ti wen bʌ i ye'tel tsa' bʌ i cha'le. Tsi' yʌq'ueyob i chubʌ'an jini mach bʌ añobic i cha'an.

Hechos 9:38

Lʌc'ʌl an Lida ti Jope. Jini xcʌnt'añob che' bʌ tsi' yubiyob ya'an Pedro ti Jope, tsi' chocoyob majlel cha'tiquil winicob ba'an. Tsi' subeyob: Awocolic mach ma' chʌn jalijel ilayi. La' ti ora ba' añon lojon, che'ob.

Hechos 9:42

Tsa' caji ti cʌjñel ti pejtelel Jope. Cabʌl tsi' ñopoyob lac Yum.

Hechos 9:43

Ya' tsa' jale Pedro cabʌl q'uin ti Jope ti' yotot Simón, jini sts'aj pʌchi.

1 Corintios 9:16

Anquese mic sub jini wen t'an, mach mejlic c sub c bʌ ti ñuc, come wersa ñijcʌbil c pusic'al cha'an mic sub jini wen t'an. Mi caj c taj wocol mi ma'anic mic sub.

2 Tesalonicenses 1:9

Mi caj i tojob i mul ti c'ajc ti pejtelel ora. Ma'anic mi caj i chʌn q'uelob lac Yum mi i ñuclelic i p'ʌtʌlel.