Joel 3:8 - Chol: I T’an Dios

⁸ Mi caj c chon la' walobilob ba'an c winicob ti Judá mu' bʌ caj i cha' choñob ti ñajtʌl ba'an sabeojob. Che'ʌch tsi' yʌlʌ lac Yum.

Chol de Tumbalá Bible

⁸ Mi caj c chon la' walobilob ba'an c winicob ti Judá mu' bʌ caj i cha' choñob ti ñajtʌl ba'an sabeojob. Che'ʌch tsi' yʌlʌ lac Yum.

Joel 3:8 Iomraidhean Croise

Job 1:15

Tsa' tiliyob sabeojob ti leto. Tsi' laj xujch'iyob majlel. Tsi' tsʌnsayob a winicob ti machit. Joñon jach tsa' mejliyon ti put'sel. Tsa' tili c subeñet, che'en.

Salmos 72:10

Jini reyob año' bʌ ti' ti' colem ñajb mi caj i yochelob ti' wenta. Jini reyob ti Tarsis, yic'ot ti Sabá, yic'ot ti Seba mi caj i ch'ʌmbeñob tilel i majtan.

Isaias 60:14

Jini yumʌlob tsa' bʌ i tic'layetla mi caj i tilel i peq'uesañob i bʌ ti la' tojlel. Mi caj i ñoctʌlob ti la' woc pejtel tsa' bʌ i ts'a'leyetla. Mi' caj ti ajlel Jerusalén, “I Tejclum lac Yum” yic'ot “Jini Ñuc bʌ Wits i Cha'an jini Ch'ujul Bʌ ti Israel”.

Jeremias 30:16

Pero mi caj c laj jisan a contrajob mu' bʌ i jisañet. Mi caj i cʌjchelob majlel ti majtan e'tel ti' wenta i yumob. Jini mu' bʌ i tic'lañet mi caj i tic'lʌntelob. Jini mu' bʌ i chilbeñet a chubʌ'an mi caj i chilbentel i chubʌ'an.

Jeremias 6:20

Lolom jach mi la' ch'ʌmbeñon tilel pom ch'oyol bʌ ti Seba yic'ot canela ch'oyol bʌ ti ñajtʌl. Mach uts'atic mij q'uel c majtan ti la' c'ʌb. Lolom jach mi la' wʌq'ueñon c majtan ti pulʌntib. Mach xojocñayic mi cubin, che'en.

Ezequiel 23:42

Ya' tsa' wubibeyob i t'an cabʌl winicob yic'ot xyʌc'ajelob woli bʌ i tijicñesañob i pusic'al, tilemo' bʌ ti Sabá ya' ti colem bʌ i tiquiñal pañimil. Tsi' yʌc'ʌyob alʌ cadena ti' bic' a c'ʌb, yic'ot jump'ejl corona ti a jol.

Ezequiel 38:13

Jini Saba yic'ot Dedán, yic'ot pejtel jini xchoñoñelob ti Tarsis, yic'ot x'e'telob i cha'an mi caj i c'ajtibeñet: ¿Tsa' ba tili a ch'ʌm pejtel jini chubʌ'añʌl? ¿Tsa' ba a tempa cabʌl a winicob cha'an ma' lu' ch'ʌm majlel, yic'ot plata, yic'ot oro, yic'ot wacax? che'ob.

Deuteronomio 32:30

Juntiquil jach i contra mi caj i yajñesan jump'ejl mil israelob. Cha'tiquil jach mi caj i puts'tesan lujump'ejl mil, Come jini Xajlel i cha'an israelob tsi' cʌyʌyob. Lac Yum tsi' yʌc'ʌyob ti jisʌntel.

Juezob 2:14

Tsa' tili i mich'ajel lac Yum ti' contra Israel. Tsi' yʌc'ʌyob ti' c'ʌb xujch'ob tsa' bʌ i chilbeyob i chubʌ'an. Tsi' choñoyob ti' c'ʌb i contrajob año' bʌ ti' joytilel. Ma'anic tsa' mejliyob ti leto yic'otob i contra.

Juezob 4:2

Jini cha'an lac Yum tsi' yʌc'ʌyob ti' wenta Jabín jini rey ti Canaán tsa' bʌ i mele i ye'tel ya' ti Hazor. I yum soldadojob ti Canaán jiñʌch Sísara tsa' bʌ chumle ti Harosetgoim.

Juezob 4:9

Débora tsi' jac'ʌ: Mu' cu c majlel a wic'ot, pero yambʌ mi caj i q'uejlel ti ñuc che' mi' mʌjlel lac cha'an. Come lac Yum woli' yʌc' Sísara ti' c'ʌb x'ixic, che'en. Tsa' majli Débora yic'ot Barac che' bʌ tsa' sujti ti Cedes.