Joel 3:2 - Chol: I T’an Dios

² mi caj c pʌy majlel soldadojob año' bʌ ti pañimil ya' ti joctʌl am bʌ i c'aba' Lac Yum Mi' Cha'len Meloñel. Mi caj c tsictesʌbeñob i mul cha'an tsi' tic'layob c tejclumob. Tsi' pucuyob c cha'año' bʌ ti ñajt bʌ lum. Tsi' t'oxbeyob i bʌ jini c lum.

Chol de Tumbalá Bible

² mi caj c pʌy majlel soldadojob año' bʌ ti pañimil ya' ti joctʌl am bʌ i c'aba' Lac Yum Mi' Cha'len Meloñel. Mi caj c tsictesʌbeñob i mul cha'an tsi' tic'layob c tejclumob. Tsi' pucuyob c cha'año' bʌ ti ñajt bʌ lum. Tsi' t'oxbeyob i bʌ jini c lum.

Joel 3:2 Iomraidhean Croise

2 Cronicas 20:26

Ti' chʌmp'ejlel q'uin tsi' tempayob i bʌ ya' ti joctʌl i c'aba' Bendición, come ya' tsi' ch'ujutesayob lac Yum. Jini cha'an c'ʌlʌl ti ili ora mi' pejcʌntel jini joctʌl ti Bendición.

Isaias 66:16

Lac Yum mi caj i jisañob ti c'ajc yic'ot ti espada che' mi' melob ti' tojlel pejtel winicob. Cabʌlob mi caj i tsʌnsʌntelob cha'an lac Yum.

Isaias 66:18

Come cʌmbil c cha'an i pensar yic'ot i melbal pejtelel winicob. Jini cha'an mi caj c tempan tilel pejtelel winicob yujilo' bʌ t'an ti chajp ti chajp. Mi caj i tilelob cha'an meloñel. Mi caj i q'uelob c ñuclel.

Jeremias 12:14

Lac Yum mi' yʌl: Ubin chuqui mi caj c tumben jini xjontolilob ñajt bʌ ch'oyolob mu' bʌ i tilelob cha'an mi' jisʌbeñob i lumal c tejclum Israel, jini lum tsa' bʌ cʌq'ueyob. Mi caj c chocob loq'uel ti' lumal jini israelob che' bajche' mi caj c choc loq'uel Judá.

Jeremias 25:31

Ti ñajt bʌ pañimil mi caj i yubintel i t'an guerra. Come añob i mul pejtel tejclum tac ti pañimil. Lac Yum woli' pʌyob ti meloñel. Mi caj i yʌc'ob ti tsʌnsʌntel jini xjontolilob.

Jeremias 49:1

¿Chuqui woli la' mel? ¿Chucoch wʌ' chumuletla ti' tejclum tac Israel? ¿Mach ba añobic israelob cha'an mi' bajñel chumtʌlob ilayi? Jatetla mu' bʌ la' ch'ujutesan la' dios Milcom, ¿chucoch tsa' la' choco loq'uel jini chumulo' bʌ ti' lumal Gad?

Jeremias 50:17

Pam pujquemob israelob che' bajche' tiñʌme' ajñesʌbil ti bajlum. Ñaxan tsi' cha'le jisaya Asiria. Wi'il tsi' cha'le jisaya jini rey Nabucodonosor ti Babilonia.

Ezequiel 25:8

Lac Yum Dios woli' yʌl: An i mul Moab yic'ot Seir. Tsi' yʌlʌyob lajal Judá bajche' pejtelel tejclum ti pañimil.

Ezequiel 34:6

Tsa'ix laj sajtiyob jini c tiñʌme' ti mate'el yic'ot ti chan tac bʌ wits ti pejtelel pañimil. Tsa' pam pujquiyob. Ma'anic majch tsi' chʌn sajcayob. Ma'anic majch tsi' chʌn ña'tayob ti' pusic'al.

Ezequiel 35:10

Tsa' la' lon alʌ: Jini cha'p'ejl tejclum yic'ot jini cha'pejt lum mi caj i yochel tic wenta lojon. Mi caj c ch'ʌm lojon tic wenta, lon che'etla, anquese ya'an Dios yic'otob.

Ezequiel 36:1

I yalobil winic, yom ma' subeñob jini t'an jini año' bʌ ti wits ti Israel: “Jatetla chumulet bʌ la ti wits, ñich'tanla i t'an lac Yum:

Ezequiel 36:5

Wen mich'on ti' contra Edom yic'ot i pi'ʌlob ti yan tac bʌ tejclum tsa' bʌ i lon tijicñesayob i pusic'al che' bʌ tsi' ch'ʌmʌyob c lum. Ti pejtelel i pusic'al yic'ot i ch'ejlel tsi' ña'tayob i jisan bajche' i colojm.

Ezequiel 38:22

Joñon mi caj j contrajiñetla yic'ot espada, yic'ot jontol tac bʌ c'amʌjel, yic'ot but'ja'lel, yic'ot tuñija' lajal bʌ bajche' alʌ xajlel, yic'ot c'ajc, yic'ot azufre.

Ezequiel 39:11

Ti jim bʌ ora mi caj c chajpʌben Gog ba' mi' cajel ti mujquel yic'ot i pi'ʌlob ti' lumal Israel, ya' ti' bijlel wits ti' tojel i pasibal q'uin ya' ti' ti' jini Chʌmen bʌ Ñajb. Mi caj i mʌctañob jini yomo' bʌ c'axel ya'i, come ya'i mi caj i mujquel Gog yic'ot pejtel i winicob. Mi caj i yotsʌbentel i c'aba' jini lum Jini Joctʌl i cha'an i Soldadojob Gog.

Joel 3:12

Lac Yum tsi' jac'ʌ: Tempan la' bʌ, winicob ti pejtelel lum tac. La'la ti joctʌl i c'aba' Lac Yum Mi' Cha'len Meloñel. Come ya'i mi caj c mel pejtelel winicob ti pañimil, che'en lac Yum.

Joel 3:14

Bajc'ʌl winicob x'ixicob añobix ti joctʌl Melobʌjʌl. Come lʌc'ʌlix tal i Q'uiñilel lac Yum ya' ti Joctʌl Ba' Mi Caj i Melob i Bʌ.

Amos 1:11

Lac Yum woli' yʌl: Cabʌlix i jontolil Edom. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' yajñesayob i pi'ʌlob ti espada. Ma'anic tsi' p'untayob i pi'ʌlob. Tsi' lotoyob i mich'ajel ti' pusic'al. Ma'anic tsa' lajmi i mich'ajel.

Miqueas 4:12

Pero mach yujilobic chuqui woli' ña'tan i mel lac Yum. Ma'anic mi' ch'ʌmbeñob isujm mi woli' much'quiñob tilel che' bajche' trigo mu' bʌ caj i jajts'el.

Sofonias 3:8

Jini cha'an ña'tanla tal jini q'uin che' mi caj c melob. Pijtanla come tsa cʌc'ʌ c t'an cha'an mic tempan tilel winicob ti pejtelel pañimil parte tac bʌ i lumal, cha'an mi cʌq'ueñob i toj i mul. Mi caj i yubiñob c mich'ajel. Mi caj i laj jilelob ti pejtelel pañimil cha'an cʌlʌx jax c mich'ajel. Woli ti pulel che' bajche' c'ajc.

Apocalipsis 11:18

Mich'ob jini año' bʌ ti pejtelel pañimil. Wolix a pʌs a mich'lel. I yorajlelix ma' mel jini chʌmeño' bʌ. I yorajlelix ma' wʌq'ueñob i chobejtʌbal a winicob yic'ot x'alt'añob a cha'an, yic'ot pejtel a cha'año' bʌ mu' bʌ i bʌc'ñañob a c'aba', jini ch'o'ch'oco' bʌ yic'ot jini ñuco' bʌ. I yorajlelix ma' jisan jini mu' bʌ i jisañob pañimil. Che' tsi' yʌlʌyob.

Apocalipsis 16:14

Jini espíritujob jiñʌch xibajob mu' bʌ i pʌs tacob i yejtal i p'ʌtʌlel. Mi' majlelob ba'an reyob ti pejtelel pañimil cha'an mi' tempañob tilel ti guerra mu' bʌ caj i yujtel ti jini ñuc bʌ q'uin, i q'uiñilel Dios Mach bʌ Anic i P'isol i P'ʌtʌlel.

Apocalipsis 16:16

Jini espíritujob tsi' tempayob tilel jini reyob ti lum, i c'aba' Armagedón ti' t'an hebreo.

Apocalipsis 16:6

Come tsi' bec'beyob i ch'ich'el i cha'año' bʌ Dios yic'ot i ch'ich'el jini x'alt'añob. Wʌle tsa'ix a wʌq'ueyob i japob ch'ich'. Che'ʌch yom cha'an i mulob, che'en.

Apocalipsis 20:8

Mi caj i loq'uel tilel i lotin jini tejclumob año' bʌ ti pejtelel pañimil yic'ot Gog yic'ot Magog cha'an mi' tempañob tilel ti guerra. Che'ʌch i tsicol bajche' i ji'il colem ñajb.