Joel 3:19 - Chol: I T’an Dios

¹⁹ Mi caj i jisʌntel Egipto yic'ot Edom cha'an i jontolil ti' contra i p'olbal Judá, come tsi' tsʌnsayob winicob x'ixicob mach bʌ añobic i mul.

Chol de Tumbalá Bible

¹⁹ Mi caj i jisʌntel Egipto yic'ot Edom cha'an i jontolil ti' contra i p'olbal Judá, come tsi' tsʌnsayob winicob x'ixicob mach bʌ añobic i mul.

Joel 3:19 Iomraidhean Croise

Salmos 137:7

C Yum, ña'tʌbeñob i mul jini edomob tsa' bʌ i contrajiyob Jerusalén che' woli ti wocol. Tsi' yʌlʌyob: Jisanla, jisanla c'ʌlʌl ti' c'ʌclib tac, che'ob.

Isaias 11:14

Temel mi caj i majlel i jisañob jini filisteojob ya' ti' lumal ba' mi' bʌjlel q'uin. Temel mi caj i jisañob jini año' bʌ ti lum tac ba' mi' pasel q'uin. Mi caj i cha' ch'ʌmob i lum tsa' bʌ i chilbeyob Edom yic'ot Moab yic'ot Amón. Mi caj i yumʌntelob i cha'añob.

Isaias 11:15

Lac Yum mi caj i tiquesan jini Chʌchʌc bʌ Ñajb am bʌ ti Egipto. Mi caj i sʌts' i c'ʌb ya' ti colem ja' i c'aba' Eufrates cha'an mi' t'oxtʌl ti wucts'ijt i xʌc' jini ja', cha'an mi' c'axelob winicob.

Jeremias 49:17

Jini xñumelob mi caj i p'ajet. Mi caj i toj sajtelob i pusic'al che' mi' q'uelob pejtelel a wocol.

Jeremias 51:35

La' cha' sutq'uibentic che' bajche' tsi' melbeyonla ya' ti Jerusalén. La' i tojob i mul jini chumulo' bʌ ti Caldea, che'ob.

Lamentaciones 4:21

Tijicñayetla i yalobiletla Edom ya' ba' chumuletla ti' lumal Uz. Pero mi caj la' wʌq'uentel wocol ja'el. Mi caj i tajetla i mich'ajel Dios.

Abdias 1:1

Jiñʌch tsa' bʌ i q'uele Abdías ti espíritu. Lac Yum Dios tsi' cha'le t'an ti' contra Edom. Jiñʌch tsa' bʌ la cubi tilem bʌ ti lac Yum. Tsi' choco tilel i winic ti' tojlel winicob x'ixicob ti jujump'ejl lum. Tsi' yʌlʌ jini subt'an: Ch'ojyenla. Conla ti guerra ti' contra Edom, che'en.

Habacuc 2:17

Che' bajche' tsa' seq'ue jubel jini te' ti Líbano, che' ja'el mi caj a tsejpel jubel. Che' bajche' tsa' jisa winicob, che' ja'el mi caj i jisañet jini bʌte'el, cha'an ti' caj pejtelel a tsʌnsa yic'ot a jontolil ti pejtelel pañimil.

Zacarias 10:10

Joñon mi caj c cha' pʌyob tilel loq'uel ti' lumal Egipto yic'ot ti Asiria. Mi caj c cha' pʌyob ti chumtʌl ti Israel wʌ' ti Galaad yic'ot ti Líbano. Che' cha' wʌ'ix añob mach ñuquic jini lum yubil cha'an cabʌlob.

2 Tesalonicenses 1:6

Come Dios mi caj i melob ti toj. Mi caj i yʌq'ueñob wocol jini woli bʌ i yʌq'ueñetla wocol.