Joel 3:17 - Chol: I T’an Dios

¹⁷ Mi caj la' cʌñon la' Yumon, la' Dioson, che'en. Wʌ' chumulon ti Sion jini ch'ujul bʌ wits c cha'an. Jerusalén c cha'añʌch ti pejtelel ora. Tal i yorajlel ma'anix mi caj i chʌn ñumelob soldadojob ch'oyolo' bʌ ti ñajtʌl.

Chol de Tumbalá Bible

¹⁷ Mi caj la' cʌñon la' Yumon, la' Dioson, che'en. Wʌ' chumulon ti Sion jini ch'ujul bʌ wits c cha'an. Jerusalén c cha'añʌch ti pejtelel ora. Tal i yorajlel ma'anix mi caj i chʌn ñumelob soldadojob ch'oyolo' bʌ ti ñajtʌl.

Joel 3:17 Iomraidhean Croise

Job 15:19

Jini lum i bajñel cha'añob jach yic'ot i pi'ʌlob. Ma'anic tsa' aq'uentiyob yaño' bʌ mach bʌ i pi'ʌlobic.

Salmos 76:2

Ya' chumul Dios ti Jerusalén, Ya'an i chumlib ti Sion.

Salmos 9:11

C'ʌyinla i ñuclel lac Yum chumul bʌ ti Sion. Subula i melbal lac Yum ti' tojlel winicob x'ixicob.

Isaias 11:9

Ya' ti ch'ujul bʌ wits c cha'an ma'anix chuqui mi' lojwel, ma'anix chuqui mi' yʌc' ti asiyel. Che' bajche' mi' bujt'el i ch'eñal lum ti ja' lajal mi caj i bujt'el pañimil ti winicob x'ixicob mu' bʌ i cʌñob lac Yum.

Isaias 12:6

Winicob chumulet bʌ la ti Jerusalén, yom mi la' pam sub ñumel ti' tijicñʌyel la' pusic'al. Come ñucatax ti la' tojlel jini Ch'ujul Bʌ ti Israel.

Isaias 35:8

Ya'i mi caj i ñumel colem bij. Jini bij mi caj i yotsʌbentel i c'aba' Ch'ujul bʌ bij. Come ma'anic mi caj i xʌñob jini año' bʌ i mul. Lac Yum mi caj i cha'len xʌmbal a wic'ot ti jini bij. Ma'anic mi caj i chʌn sajtel jini mu' bʌ i cha'len xʌmbal ya'i anquese ma'anic i ña'tʌbal.

Isaias 46:13

Mi caj c ch'ʌmbeñetla tilel la' coltʌntel ti la' tojlel. Mach ñajtic an. Mach jalix mic tilel cha'an mij coltañetla. Mi caj c cha' wen mel Jerusalén yic'ot Israel. Mi caj cʌq'uen c ñuclel.

Isaias 52:1

Ch'ojyen, ch'oyenla añet bʌ la ti Jerusalén. Wen p'ump'un tsa' ajniyetla. P'ʌtesan la' bʌ. Lʌpʌx la' pislel, jini c'ax uts'at bʌ, cha'an mi la' wajñel ti ch'ujul. Mach chʌn talobix jini xmulilob mach bʌ i cʌñʌyobic Dios.

Isaias 56:7

mi caj c pʌyob tilel ti ch'ujul bʌ c wits ya' ti Jerusalén. Tal i yorajlel, mi caj cʌq'uen i tijicñʌyelob i pusic'al ti' yotlel oración ba' mi' pejcañoñob. Mi caj c ch'ʌmbeñob i yofrenda yic'ot pulbil bʌ c majtan ja'el, come jini cotot mi caj i pejcʌntel ti' yotlel oración i cha'an winicob x'ixicob ti pejtelel lum tac.

Jeremias 31:23

I Yum Panchan yic'ot Pañimil, i Dios Israel, woli' yʌl: Cha' wa'chocbilix i yumʌntel Israel. Mi' caj ti cha' ajlel: “Wʌ' ti ch'ujul bʌ wits ba' mi' melob chuqui toj, la' i yʌq'ueñetla i yutslel la' pusic'al lac Yum”. Che'ʌch mi' caj ti ajlel.

Jeremias 31:40

C cha'añʌch pejtel jini joctʌl ba' muculob ch'ujlelʌl ya' ba'an i tʌñil c'ajc loc'sʌbil bʌ ti pulʌntib. Ch'ujul ja'el tic tojlel jini jamil tac c'ʌlʌl ti jini joctʌl Cedrón ya' ti' pasibal q'uin. Ma'anix mi caj i chʌn chijlel. Ma'anix mi' chʌn jisʌntel, che'en lac Yum.

Ezequiel 20:40

Ya' ti Jerusalén ti jini ch'ujul bʌ wits, pejtelel israelob mi caj i ch'ujutesañoñob. Mi caj i yumañoñob ya' ti jini lum. Ya'i mi caj c ch'ʌmetla tic wenta. Ya'i mi caj j c'ajtibeñetla ofrenda tac yic'ot ñaxan tac bʌ i wut la' pʌc'ʌb, yic'ot pejtelel chuqui tac mi la' wʌq'ueñon.

Ezequiel 37:6

Mi caj c cha' aq'ueñetla i colem chijil la' bʌc'tal yic'ot la' pʌchʌlel. Mi caj cotsʌbeñetla la' ch'ujlel cha'an mi la' cha' cuxtiyel. Che' jini mux caj la' ña'tan la' Yumon”, che'en.

Ezequiel 43:12

Jiñʌch ili mandar cha'an Templo: C'ax Ch'ujulʌch mi' yajñel ya' ti' pam jini wits, yic'ot ya' ti' mal tac jini Templo, yic'ot ti' joytʌlel. Awilan jiñʌch ili mandar cha'an jini Templo.

Ezequiel 44:9

Che'ʌch woli' yʌl jini lac Yum Dios: Mi an yambʌ i yalobil winic, mach bʌ tsepbilic i pʌchʌlel, yic'ot mach bʌ anic mi' c'uxbin lac Yum, mach mejlic i yochel ya' ti Ch'ujul bʌ Ajñibʌl c cha'an.

Ezequiel 48:35

Ti' joytʌlel jini tejclum an bolomp'ejl kilómetro i tamlel. I c'aba' jini tejclum jiñʌch I Tejclum Dios, che'en lac Yum Dios.

Daniel 11:45

Che' jini mi caj i wa'chocon i buchlib ti' yʌxñʌlel pisil bʌ otot ya' ti ojlil bij ti' tojel colem ñajb, yic'ot ti' tojel jini ch'ujul bʌ wits Jerusalén. Ti jim bʌ ora mi caj i jilel. Ma'anic majch mi mejlel i coltan.

Daniel 9:16

C Yum, cujil lojon cabʌl ma' cha'len p'untaya. Jini cha'an la' lajmic a mich'ajel ti' tojlel a tejclum Jerusalén, come jiñʌch ch'ujul bʌ a wits. Come ti pejtelel pañimil mi' wajleñob Jerusalén cha'an ti' caj c mul lojon, ti' caj i mul c ñojte'el lojon.

Joel 2:27

Mi caj la' ña'tan wʌ' añon ti' tojlel winicob x'ixicob ti Israel. Joñon jach la' Yumon la' Dioson. Ma'anix ba' ora mi caj la' chʌn tic'lʌntel.

Joel 3:21

Mi caj j q'uextʌbeñob i jontolil pejtelel tsa' bʌ i tsʌnsayob c cha'año' bʌ. Ma'anic mi caj c ñusʌbeñob i mul tsa' bʌ i tic'layob. Come woliyon ti chumtʌl wʌ' ti Jerusalén quic'ot c cha'año' bʌ, che'en lac Yum.

Miqueas 4:7

Mi caj c cha' p'ʌtesan jini ts'a'lebilo' bʌ. Mi caj i yochelob tic tejclum. Wen p'ʌtʌl mi' majlel. Joñon mi caj cochel ti rey ti' tojlelob. Mi caj c cha'len yumʌl ya' ti wits Sion. Mach jilic c yumʌntel ti pejtelel ora.

Nahum 1:15

Awilanix tilel ti wits tac jini mu' bʌ i cha'leñob subt'an. Talob ti ajñel cha'an mi' subob jini tijicña bʌ t'an cha'an tsa'ix lajmi guerra. Jini cha'an, cha'lenla q'uiñijel añet bʌ la ti Judá. Ts'ʌctesan la' t'an tsa' bʌ la' subu ti' tojlel Dios. Come ma'anix mi caj i cha' ñumelob ti jisaya la' contrajob. Jini jontolo' bʌ mi caj i junyajlel jisʌntelob. Suben la' Yum wocolix i yʌlʌ.

Zacarias 8:3

Mi caj c cha' sujtel ti Jerusalén cha'an mic chumtʌl ya'i. Che' jini mi caj i pejcʌntel Jerusalén ti xuc'ul bʌ Tejclum, Ch'ujul bʌ Wits, jini Wits i cha'an i Yum Panchan yic'ot Pañimil, che'en.

Apocalipsis 21:27

Ma'anic mi caj i wis ochel chuqui tac bibi' mi jini mu' bʌ i cha'len jontolil yic'ot lot. Cojach mi caj i yochelob jini ts'ijbubilo' bʌ i c'aba' ti' juñilel Tiñʌme' ba' ts'ijbubil i c'aba' jini año' bʌ i cuxtʌlel.