Joel 3:16 - Chol: I T’an Dios

¹⁶ Lac Yum mi caj i cha'len c'am bʌ t'an ya' ti' Templo ti Jerusalén. Mi caj i tilel yujquel lum. Mi caj i ñijcʌyel panchan. Pero wen uts lac Yum ti' tojlel i cha'año' bʌ. I xuctilelʌch jini israelob.

Chol de Tumbalá Bible

¹⁶ Lac Yum mi caj i cha'len c'am bʌ t'an ya' ti' Templo ti Jerusalén. Mi caj i tilel yujquel lum. Mi caj i ñijcʌyel panchan. Pero wen uts lac Yum ti' tojlel i cha'año' bʌ. I xuctilelʌch jini israelob.

Joel 3:16 Iomraidhean Croise

Salmos 18:2

Lajalʌch lac Yum bajche' ch'entun ba' mi lac puts'el. Jiñʌch ts'ajcʌbil bʌ cotot. Jiñʌch caj Coltaya. C Diosʌch. Lajalʌch bajche' wen xuc'ul bʌ xajlel. Jiñʌch c mʌctʌjib, jini p'ʌtʌl bʌ mu' bʌ i coltañon. Lajalʌch lac Yum bajche' chan bʌ ts'ajc ba' mi cochel.

Salmos 29:11

Lac Yum mi' yʌq'ueñob i p'ʌtʌlel i cha'año' bʌ. Lac Yum mi' yʌq'ueñob i ñʌch'tʌlel i pusic'al.

Salmos 61:3

Come c puts'ibet. Lajalet bajche' ts'ajquibil bʌ otot ba' mach mejlicob ti ochel j contrajob.

Proverbios 18:10

I c'aba' lac Yum i wentajʌch p'ʌtʌl bʌ otot ts'ajquibil bʌ. Muq'uix i ñochtan ti ajñel jini toj bʌ. Muq'uix i yochel i taj i coltʌntel.

Isaias 33:16

Jini mi caj i chumtʌl ti' pam xajlel ya' ba' xuc'ul. Ya' mi caj i taj i coltʌntel. Mi caj i yʌq'uentel i bʌl i ñʌc' yic'ot i ya'al. Ma'anic chubʌ yom i cha'an, che'en.

Isaias 33:21

Come ya' mi caj i yajñel lac Yum la quic'ot. Mi caj i cha'len ñuc bʌ yumʌl. Lajal mi caj i joy mʌctañonla che' bajche' ñoja' ba' mach c'axicob laj contrajob.

Isaias 42:13

Lac Yum mi' loq'uel ti guerra che' bajche' p'ʌtʌl bʌ soldado. Mi' bʌx'an ti' ye'tel. C'am mi' cha'len oñel cha'an mi' chajpañob i bʌ i pi'ʌlob. Mi' mʌjlel i cha'an ti' tojlel i contrajob.

Isaias 51:16

Tsa'ix c lich'i panchan. Tsac xuc'choco jini pañimil ti' yajñib. Tsa'ix cotsa c t'an ti a wej cha'an ma' sub. Tsaj cʌntayet tic p'ʌtʌlel. Tsac sube Sion: “Jatet c tejclumet”. Che' tsi' yʌlʌ lac Yum.

Jeremias 16:19

C Yum, ma'anic c bajñel p'ʌtʌlel. An jach c p'ʌtʌlel ti jatet. I wentajet ts'ajquibil bʌ otot tic joytʌlel. C puts'ibet ti' yorajlel wocol. Mi caj i tilelob ba' añet winicob ti jujunwejl pañimil. Mi caj i yʌlob: Tsi' ñopoyob lot c tat lojon. Tsi' lon tsajcayob jini mach bʌ isujmic, mach bʌ anic i c'ʌjñibal. Che' mi caj i yʌlob.

Jeremias 17:17

Mach ma' bʌc'tesañon. C puts'ibet ti' yorajlel c tic'lʌntel.

Ezequiel 38:19

Come tic mich'lel yic'ot ti' tsʌytsʌyñʌyel c pusic'al mi caj c ñijcan i lumal Israel ti jim bʌ q'uin.

Oseas 11:10

Mi caj i ñopon. Joñon mi caj c cha'len oñel che' bajche' bajlum. Tsiltsilñayob ti bʌq'uen mi caj i tilelob calobilob loq'uemo' bʌ ti' bʌjlibal q'uin.

Amos 1:2

Tsa' caji' yʌl: Lac Yum mi' cha'len t'an ya' ti Sion che' bajche' i t'an bajlum. Mi' cha'len c'am bʌ t'an ti Jerusalén. Jini cha'an obol i bʌ jini potrero tac. Tsa' caji ti tiquin i pam wits i c'aba' Carmelo, che'en.

Amos 3:8

Jini bajlum mi' cha'len oñel. ¿Mach ba yomic mi lac bʌc'ñan? Lac Yum Dios tsa'ix i cha'le t'an. ¿Mach ba yomic mic cha' sub?

Nahum 1:7

Pero wen uts lac Yum ti' tojlel i cʌñʌyo' bʌ mu' bʌ i pijtañob. Wen xuc'ul mi' coltañob ti' yorajlel wocol. Mi' wen cʌn pejtel mu' bʌ i yʌc'ob i bʌ ti' wenta.

Hageo 2:6

Come woli' yʌl i Yum Panchan yic'ot Pañimil: Ti jumuc' to mi caj c ñijcan panchan yic'ot pañimil, yic'ot colem ñajb yic'ot lum.

Hageo 2:7

Mi caj c ñijcan pejtel colem tejclum tac. Mi caj i tilel jini C'ax i T'ojol jax bʌ mu' bʌ i pijtañob winicob x'ixicob ti pejtelel pañimil. Mi caj c bujt'esan ili cotot tic ñuclel, che'en i Yum Panchan yic'ot Pañimil.

Zacarias 10:12

Mi caj i tajob i p'ʌtʌlel ti' Yum Dios. Mi caj i cha'leñob xʌmbal tic bijlel. Mi caj c wen cʌntañob, che'en lac Yum.

Zacarias 10:6

Joñon mi caj c ch'ejl'esan jini año' bʌ ti Judá yic'ot ti Israel. Mi caj c cha' wa'chocoñob ti' lumal, come c'ux mi cubiñob anquese tsac poj chocoyob. Mi caj i yajñelob quic'ot che' bajche' c cha'añob ti pejtelel ora, come joñon i Yumon i Dioson. Jini cha'an mi caj c jac'beñob i t'an.

Zacarias 9:12

La' la pejtel cʌchʌlet bʌ la, come an la' pijtaya ba' mi la' taj la' coltʌntel. Mic subeñetla mi caj j coltañetla. Cha' ñumel mi caj cʌq'ueñetla i tijicñʌyel la' pusic'al cha'an pejtel la' wocol.

Hebreos 12:26

Che' bʌ tsi' cha'le t'an Dios ya' ti wits tsi' ñijca pañimil ti' t'an. Pero wʌle che' bʌ tsi' yʌq'ueyonla i t'an tsi' yʌlʌ: “Junyajl to mi caj c ñijcan pañimil yic'ot panchan, mach jinic jach pañimil”. Che' tsi' yʌlʌ.

Apocalipsis 11:13

Ti jim bʌ ora tsa' tili colem yujquel. Tsa' t'oxle yilal tejclum ti lujumpejt. Jumpejt tsa' jili. Tsa' chʌmiyob ojlil i waxʌclujumbajc' (7,000) winicob cha'an jini yujquel. Jini cuxulob to bʌ tsa' wen cajiyob ti bʌq'uen. Tsi' subuyob ñuc Dios am bʌ ti panchan.

Apocalipsis 11:19

Tsa' jajmi i templo Dios ya' ti panchan. I caxajlel jini trato bʌ i t'an Dios tsa' q'uejli ti' mal templo. Tsa' caji ti tsictiyel i xu'il chajc tac, yic'ot c'am bʌ t'an tac, yic'ot i t'an tac chajc, yic'ot yujquel lum, yic'ot colem tuñija'.

Apocalipsis 16:18

Tsa' tsictiyi i xu'il chajc yic'ot ju'ucña bʌ t'an yic'ot i t'an chajc. Tsa' tili wen p'ʌtʌl bʌ yujquel lum. C'ʌlʌl ti' cajibal winicob ti pañimil ma'anic p'ʌtʌl bʌ yujquel che' bajche' jini.

1 Samuel 15:29

Jini Dios i ñuclel bʌ Israel mach yujilic lot. Ma'anic mi' yʌn i t'an, come mach lajalic Dios bajche' winic mu' bʌ i cha' wi'il q'uextan i t'an, che'en.