Joel 3:13 - Chol: I T’an Dios

¹³ I yorajlelix meloñel. C'ʌnix i wut ts'usubil. La'ix tejchic ti tujq'uel. Wilts'unixla i yʌjts'ib, come wen cabʌl i jontolil winicob.

Chol de Tumbalá Bible

¹³ I yorajlelix meloñel. C'ʌnix i wut ts'usubil. La'ix tejchic ti tujq'uel. Wilts'unixla i yʌjts'ib, come wen cabʌl i jontolil winicob.

Joel 3:13 Iomraidhean Croise

Genesis 13:13

Wen jontolob winicob ti Sodoma. An cabʌl i mul ti' wut lac Yum.

Genesis 15:16

Jixcu a p'olbal jal mi caj i yajñelob ti yambʌ lum. Ti wi'il mi caj i cha' tilelob ilayi che' i yorajlelix mi cʌq'ueñob i toj i mul amorreojob che' cʌlʌxix, che'en lac Yum.

Genesis 18:20

Lac Yum tsi' sube: Junyajlel sojquem jini año' bʌ ti Sodoma yic'ot Gomorra. Cabʌlob i mul.

Isaias 17:5

Mi caj i cʌytʌl Israel che' bajche' cholel che' lotbilix i wut, che' bajche' juntejc cha'tejc ixim ya' ti joctʌl i c'aba' Refaim che' ujtemix c'ajbal.

Isaias 63:3

Dios tsi' jac'ʌ: C Bajñel jach tsac pets' t'uchta loq'uel i ya'lel ts'usub ti Edom, come ma'anic c pi'ʌl ti e'tel. Tic mich'ajel tsac pets' t'uchta j contrajob. Tsac teñeyob tic mich'ajel. Jini cha'an tsi' wijts'ayon i ch'ich'el. Tsa' laj pʌjq'ui c pislel.

Jeremias 51:33

I Yum Panchan yic'ot Pañimil, i Dios Israel, woli' yʌl: Tsa'ix sujti Babilonia che' bajche' i jajts'ib trigo ti' yorajlel c'ajbal. Mach jalix tal i yorajlel c'ajbal ti Babilonia che' mi' chojquel ochel ti c'ajc pejtel i sujl, che'en.

Lamentaciones 1:15

Lac Yum tsi' jisʌbeyob i p'ʌtʌlel pejtel jini ch'ejlo' bʌ tic tojlel lojon. Tsi' pʌyʌ tilel jini ñajt bʌ ch'oyolob cha'an mi' jisañob jini ch'iton winicob. Lac Yum tsi' juch'teq'ue Judá che' bajche' mi lac pets'ben loq'uel i ya'lel ts'usub.

Oseas 6:11

Lajal a mul Judá. Jini cha'an mi caj a toj che' ti' yorajlel.

Mateo 13:39

Jini xcontra tsa' bʌ i wejch'u pac' mach bʌ wenic jiñʌch xiba. I yorajlel c'ajbal che' mi' lojtel jini jam jiñʌch i jilibal pañimil. Jini x'e'telob jiñʌch ángelob.

Marcos 4:29

Che' c'ʌñix i wut, ti ora jini winic mi' tsep ti machit che' i yorajlelix mi' lojtel i wut, che'en Jesús.

Deuteronomio 16:9

Ti jim bʌ ora che' mi la' tech la' tuc' i wut trigo, i tejchibalʌch wucp'ejl semana. Che' bʌ tsa'ix ñumi wucp'ejl semana,

Apocalipsis 14:14

Awilan, tsaj q'uele tocal wen sʌsʌc bʌ. Ya' buchul ti tocal tsaj q'uele i Yalobil Winic. C'ʌcʌl ti' jol i corona melbil bʌ ti oro. Chucul ti' c'ʌb locol bʌ machit, jay bʌ i yej.

Apocalipsis 19:15

Mi' loq'uel junts'ijt jay bʌ espada ti' yej. Mi caj i c'ʌn jini espada i low jini año' bʌ ti tejclum tac. Mi caj i c'ʌn vara melbil bʌ ti tsucu taq'uin che' mi' cha'len yumʌl. Mi caj i t'uchtan i yʌjts'ib ts'usub yilal ti tsʌts bʌ i mich'ajel Dios Mach bʌ Anic i P'isol i P'ʌtʌlel.