Joel 3:10 - Chol: I T’an Dios

¹⁰ Yom mi la' wulmesan top'o' lum cha'an mi la' pʌntesan ti espada. Jats'ʌla jini e'tijibʌl cha'an pora cha'an mi' pʌntʌyel ti lanza. La' p'ʌtacob jini c'uño' bʌ.

Chol de Tumbalá Bible

¹⁰ Yom mi la' wulmesan top'o' lum cha'an mi la' pʌntesan ti espada. Jats'ʌla jini e'tijibʌl cha'an pora cha'an mi' pʌntʌyel ti lanza. La' p'ʌtacob jini c'uño' bʌ.

Joel 3:10 Iomraidhean Croise

2 Cronicas 25:8

Mi wersa a wom a pʌyob majlel ti guerra, ma'anic mi caj i mʌjlel a cha'an anquese ma' ch'ejl'esan a bʌ cha'an guerra. Lac Yum mi caj i yʌq'uet ti yajlel ti' p'ʌtʌlel a contrajob, come an i p'ʌtʌlel lac Yum ti coltaya yic'ot ti jisaya, che'en.

Isaias 2:4

Lac Yum mi caj i cha'len meloñel ti' tojlel pejtelel winicob x'ixicob cha'an mi' lajmel leto ti' tojlelob. Jini e'tijibʌl cha'an guerra mi caj i sujtel ti e'tijibʌl cha'an cholel. Ma'anix mi caj i chʌn cha'len contra jump'ejl tejclum ti' tojlel yambʌ. Ma'anix mi caj i chʌn ñopob guerra.

Jeremias 51:11

Jujchinla i te'el jalʌjb. Lʌpʌla la' pislel cha'an guerra. Lac Yum tsi' xic'beyob i pusic'al jini reyob ti Media cha'an mi' tilelob i jisan Babilonia che' bajche' tsi' wʌn ña'ta, come woli' yʌq'ueñob i toj i mul cha'an tsi' jisʌbeyob i Templo lac Yum.

Miqueas 4:3

Lac Yum mi caj i mel winicob tilemo' bʌ ti cabʌl lum. Mi caj i toj'esan cabʌl tejclumob año' bʌ i yumʌntel ti ñajt bʌ pañimil. Jini yumʌlob mi caj i sutq'uiñob i yespada ti azadón. Jini puñal am bʌ i c'ʌjñibal ti guerra mi caj i sutq'uiñob ti tsepo' trigo. Ma'anix mi caj i chʌn cha'len guerra jump'ejl tejclum ti' contra yambʌ tejclum. Ma'anix mi caj i chʌn ñopob guerra winicob.

Zacarias 12:8

Ti jim bʌ ora joñon mi caj j coltan jini xchumtʌlob ti Jerusalén. Jini c'uño' bʌ mi caj i ch'ejl'añob che' bajche' jini rey David. I p'olbal David mi caj i yajñel che' bajche' Dios, che' bajche' i yAngel lac Yum am bʌ ti' tojlelob.

Lucas 13:12

Jesús tsi' pʌyʌ tilel jini x'ixic che' bʌ tsi' q'uele. Tsi' sube: X'ixic lajmesʌbiletix ti a c'amʌjel, che'en.

Lucas 22:36

Jesús tsi' subeyob: Wʌle jini am bʌ i yajñib i taq'uin la' i ch'ʌm majlel yic'ot i chim. Jini mach bʌ anic i yespada, la' i chon i chaqueta cha'an mi' mʌn.