Joel 2:6 - Chol: I T’an Dios

⁶ Mi' toj sajtelob i pusic'al winicob x'ixicob cha'an bʌq'uen. Mi' sʌc'añob i wut cha'an bʌq'uen.

Chol de Tumbalá Bible

⁶ Mi' toj sajtelob i pusic'al winicob x'ixicob cha'an bʌq'uen. Mi' sʌc'añob i wut cha'an bʌq'uen.

Joel 2:6 Iomraidhean Croise

Salmos 119:83

Lajalon bajche' pʌchi woli bʌ ti woch'an ti' buts'il c'ajc. Pero ma'anic mi' ñajiyel c cha'an chuqui ts'ijbubil.

Isaias 13:8

Bʌbʌq'uen jax mi la' wubin. Cabʌl mi la' mel la' pusic'al. Mi la' cha'len bajq'uel che' bajche' x'ixicob. Mi la' lon q'uel la' bʌ, chʌchʌc la' wut cha'an quisin. Mi' toj sajtel la' pusic'al.

Jeremias 30:6

C'ajtibeñob jini winicob mi cʌntʌbilob i cha'an alʌl. ¿Chucoch sʌcobix i wut ti bʌq'uen? ¿Chucoch woli' ñet'ob i ya' che' bajche' x'ixic woli bʌ ti bajq'uel?

Jeremias 8:21

C'unix pañimil mi cubin cha'an woliyob ti wocol c pi'ʌlob. Wocol mi cubin ja'el. Mic cha'len uq'uel. C'ux c pusic'al cha'an wen ch'ijiyemon.

Lamentaciones 4:8

Pero wʌle i'iq'uix i pʌchʌlel che' bajche' buts'. Mach cʌmbilobic i cha'an i pi'ʌlob. Tiquinix i pʌchʌlel, yajyajob. Che'ʌch i bʌquel bajche' te'.

Nahum 2:10

Jocholix jini tejclum. Laj jisʌbilix. Jejmenix jini otot tac. C'uñob i pusic'al jini ya' bʌ chumulob. Tsiltsilñayob i pix ti bʌq'uen. Cabʌl jax i ch'ijiyemlel, sʌcobix i wut cha'an bʌq'uen.

Nahum 2:11

¿Bacan Nínive wʌle? Jini colem tejclum tsi' pʌsʌ i bʌ che' bajche' bajlum ti' tojlel yan tac bʌ tejclum. Wen ch'ejl. Wen yujil leto. Ma'anic majqui yujil bʌq'uen, mi xñoxob, mi jinic alobob. ¿Baqui woli' mucob i bʌ wʌle?