Joel 2:3 - Chol: I T’an Dios

³ Woli' ñumel c'ajc ya' ti' tojel i wutob. Woli ti lejmel c'ajc ya' ti' patob. Ya' ti jujunwejl i t'ojol jax jini lum che' bajche' jini pʌc'ʌbʌl ti Edén, pero mi caj i jisañob. Ma'anic chuqui mi caj i wis cʌytʌl.

Chol de Tumbalá Bible

³ Woli' ñumel c'ajc ya' ti' tojel i wutob. Woli ti lejmel c'ajc ya' ti' patob. Ya' ti jujunwejl i t'ojol jax jini lum che' bajche' jini pʌc'ʌbʌl ti Edén, pero mi caj i jisañob. Ma'anic chuqui mi caj i wis cʌytʌl.

Joel 2:3 Iomraidhean Croise

Genesis 13:10

Lot tsi' joy q'uele lum. Tsi' q'uele jini joctʌl i c'aba Jordán ba' tsa' ñumi colem ja' ya' ti' bijlel Zoar. Che'ʌch yilal bajche' i pʌc'ʌb lac Yum, che' bajche' jini lum ti Egipto, che' maxto anic tsi' jisa Sodoma yic'ot Gomorra jini lac Yum.

Genesis 2:8

Lac Yum Dios tsi' pʌc'ʌ pʌc'ʌbʌl ti Edén ya' ti' pasibal q'uin. Ya'i tsi' yʌc'ʌ ti chumtʌl jini winic tsa' bʌ i mele.

Salmos 50:3

Tal lac Dios. Mach ñʌch'ʌlic che' mi' tilel. Mi' lejmel c'ajc ti' tojel i wut. An p'ʌtʌl bʌ ic' ti' joytilel.

Salmos 97:3

Mi' loq'uel c'ajc ti' tojlel, Mi' jisan i contrajob año' bʌ ti' joytilel.

Exodo 10:15

Como tsa' mujliyi pejtel jini lum ti sajc'. Tsi' mʌcbe i sʌclel pañimil. Tsi' jisa pejtel pimel yic'ot pejtel i wut te' tsa' bʌ cʌle che' bʌ tsa' ñumi tuñija'. Ma'anix yʌjyʌx bʌ mi yopol te' mi pimel ti pejtelel i lumal egiptojob.

Exodo 10:5

Mi caj i mujlan lum. Che' jini mach chʌn tsiquilic lum. Mi caj i c'uxob jini pimel yic'ot pʌc'ʌbʌl tac tsa' bʌ cʌle che' bʌ tsa' ñumi tuñija'. Mi caj i c'uxob pejtel i yopol te'.

Isaias 14:17

¿Jim ba tsa' bʌ i yʌc'ʌ ti pujch'el cabʌl lum? Tsi' jisa cabʌl winicob ti pañimil. Jocholix tsa' cʌle tac jini colem tejclum. Ma'anic tsi' yʌc'ʌ ti cha' colel jini cʌchʌlo' bʌ, che'ob.

Isaias 15:6

Tsa'ix tiqui jini ñoja' i c'aba' Nimrim. Laj tiquinix jini jam yic'ot pimel.

Isaias 33:4

Che' bajche' jini sajc' mi' laj c'ux pʌc'ʌbʌl, che' ja'el jini año' bʌ ti Jerusalén mi caj i chilbeñob i chubʌ'an jini asiriajob. Mi caj i bʌc' tijp'ejl majlel i ch'ʌmob.

Isaias 51:3

Isujm mi caj c cha' aq'ueñob i tijicñʌyel i pusic'al jini israelob. Mi caj c cha' mel ti uts'at pejtel jini jejmenix bʌ ti' tojlel. Mi caj c sutq'uin jini tiquin bʌ lum ti wen bʌ lum cha'an uts'at mi' yʌc' i wut che' bajche' Edén i pʌc'ʌb la' Yum. Tijicñayob jini ya' bʌ añob. Mi caj i subeñoñob wocolix cʌlʌ. Cabʌl mi caj i cha'leñob c'ay.

Isaias 9:18

Lac Yum mi caj i jisan ti c'ajc pejtelel jontolil che' bajche' mi' pulel ch'ixol yic'ot stsajatuñol yic'ot mate'el. Bʌbʌq'uen i buts'il jini c'ajc.

Isaias 9:19

Jini pañimil mi caj i yic'an cha'an i mich'ajel i Yum Panchan yic'ot Pañimil. Mi caj i jilelob ti c'ajc winicob x'ixicob. Ma'anic majch mi' p'untan i pi'ʌl. Ti pejtelelob mi' contrajiñob i bʌ. Mi' chilbeñob i bʌ i waj, pero mach ñaj'acob. Mi caj i c'uxbeñob i bʌc'tal i yalobilob cha'an wi'ñayob.

Jeremias 5:17

Mi caj i lu' c'uxob a wixim yic'ot i bʌl a ñʌc'. Mi caj i jisañob ch'iton bʌ yic'ot xch'oc bʌ a walobilob. Mi caj i c'uxob a wʌlac' yic'ot a wacax. Mi caj i lu' c'uxob jini i wut a ts'usubil yic'ot i wut higuera te'. Mi caj i jisañob ti espada jini p'ʌtʌl bʌ tejclum tac la' cha'an mʌcʌl bʌ ti ts'ajc ba' lon xuc'ul la' pusic'al.

Ezequiel 36:35

Mi caj i yʌlob: Ili chocbil bʌ lum lajalix bajche' jini pʌc'ʌbʌl ti Edén. Ili jochol bʌ tejclum tac ba' jejmen pejtel otot, cha' melbilix. Laj ts'ajquibilix. Cha' anix i yum, che'ob.

Amos 7:4

Lac Yum Dios tsi' yʌq'ueyon j q'uel yambʌ wocol. Awilan, lac Yum Dios woli' choc tilel c'ajc cha'an mi' tsʌc'mesan tam bʌ ja'. Woli' pul majlel jini lum.

Habacuc 1:6

Wolic p'ʌtesan jini caldeojob ch'oyolo' bʌ ti Babilonia. Wen jontolob. Mach yujilobic bʌq'uen. Mi' cha'leñob xʌmbal ti pejtelel pañimil cha'an mi' chilob chuqui tac yomob mach bʌ i cha'añobic.

Zacarias 7:14

Tsac pam pucuyob che' bajche' p'ʌtʌl bʌ ic' ti ñajt tac bʌ pañimil ti' tojlel jini mach bʌ i pi'ʌlobic. Ch'ijiyem tsa' cʌle i lum. Ma'anic majqui tsa' chʌn ñumi ya'i. Jochol tsa' cʌle jini uts'at bʌ lum tsa' bʌ i lon mulayob. Che' tsi yʌlʌ i Yum Panchan yic'ot Pañimil.