Joel 2:27 - Chol: I T’an Dios

²⁷ Mi caj la' ña'tan wʌ' añon ti' tojlel winicob x'ixicob ti Israel. Joñon jach la' Yumon la' Dioson. Ma'anix ba' ora mi caj la' chʌn tic'lʌntel.

Chol de Tumbalá Bible

²⁷ Mi caj la' ña'tan wʌ' añon ti' tojlel winicob x'ixicob ti Israel. Joñon jach la' Yumon la' Dioson. Ma'anix ba' ora mi caj la' chʌn tic'lʌntel.

Joel 2:27 Iomraidhean Croise

Salmos 46:5

Dios an ti' yojlil jini Tejclum, jini cha'an ma'anic mi caj i ñijcʌntel. Dios mi caj i bʌc' coltan jini año' bʌ ti Tejclum che' ti sʌc'ajel.

Salmos 68:18

Tsa'ix letsi ti chan. Tsa'ix i pʌyʌyob majlel jini cʌchʌlo' bʌ. Tsa'ix i taja i majtan tac cha'an mi' yʌq'ueñob winicob, Yic'ot jini mu' bʌ i ñusañob i t'an. Wʌ' mi caj i yajñel lac Yum Dios la quic'ot.

Proverbios 1:23

Sutq'uin la' bʌ cha'an mi la' ñop c t'an cha'an mi la' jac' la' tic'ol. La' wilan, mi caj cʌq'ueñetla quEspíritu. Mi caj cʌq'ueñetla la' cʌn c t'an.

Isaias 12:6

Winicob chumulet bʌ la ti Jerusalén, yom mi la' pam sub ñumel ti' tijicñʌyel la' pusic'al. Come ñucatax ti la' tojlel jini Ch'ujul Bʌ ti Israel.

Isaias 44:3

Joñon mi caj c choc tilel ja'al ya' ba' tiquin pañimil. Mi caj c ñusan colem ja' ya' ti' tiquiñal pañimil. Mi caj cʌq'ueñob quEspíritu a p'olbal. Mi caj cʌq'ueñob i yutslel c t'an a walobilob.

Isaias 44:8

Mach la' cha'len bʌq'uen. Mach yomic mi' toj sajtel la' pusic'al. ¿Mach ba anic tsac tsictesʌbeyet chuqui mi' caj ti ujtel c'ʌlʌl ti oñiyi? C testigojetla, ma'anic yambʌ Dios. Joñon jach Dioson, a Xajlelon. Ma'anic yambʌ, che'en lac Yum.

Isaias 45:18

Lac Yum, jiñʌch Dios. Tsi' mele panchan yic'ot pañimil, yic'ot pejtelel chuqui tac an. Mach lolomic tsi' mele pañimil. Tsi' mele cha'an i chumlib winicob. Tsi' yʌlʌ: Joñon Yumʌlon, ma'anic yambʌ.

Isaias 45:5

Joñon jach Yumʌlon. Ma'anic yambʌ. Joñon jach Dioson. Mi caj c p'ʌtesañet anquese mach a cʌñʌyonic,

Isaias 45:6

cha'an mi' ña'tañob ti pejtelel pañimil c'ʌlʌl ba' mi' pasel q'uin yic'ot ba' mi' bʌjlel q'uin. Ma'anic yambʌ cojach joñon. Joñon jach Yumʌlon. Ma'anic lajal bʌ bajche'on.

Isaias 46:9

Ña'tanla c melbal ti' tojlel Israel ti wajali. Dioson. Joñon jach Dioson. Ma'anic yambʌ.

Isaias 49:23

Jini año' bʌ i ye'tel ti pañimil, reyob yic'ot i yijñamob, mi caj i cosañob che' bajche' i tatob. Mi caj i we'sañob. Mi caj i c'uchchocoñob i bʌ ti lum ti a tojlel. Mi caj i tijcañob i ts'ubeñal a woc. Che' jini mux caj a ña'tan Yumʌlon. Majqui jach mi' ñopon ma'anic mi' cajel ti quisin.

Isaias 53:6

Ti pejtelonla tsa' sajtiyonla che' bajche' tiñʌme'. Tsa' lac bajñel yajca lac bijlel ti jujuntiquilonla. Lac Yum tsi' yotsa ti' wenta cha'an mi' toj lac mul.

Ezequiel 37:6

Mi caj c cha' aq'ueñetla i colem chijil la' bʌc'tal yic'ot la' pʌchʌlel. Mi caj cotsʌbeñetla la' ch'ujlel cha'an mi la' cha' cuxtiyel. Che' jini mux caj la' ña'tan la' Yumon”, che'en.

Ezequiel 39:22

Ti jim bʌ ora pejtel jini israelob mi caj i ña'tañob i Yumon i Dioson.

Ezequiel 39:28

Che' jini mi caj i ña'tañob i Yumon i Dioson tsa' bʌ c chocoyob majlel ti cʌjchel ti ñajt bʌ tejclum tac, come ti pejtelelob mi caj c cha' pʌyob tilel ti' lumal.

Ezequiel 39:29

Ma'anix mi caj c chʌn mʌy c wut ti' tojlelob, come jini quEspíritu mi caj i yajñel ti' tojlel Israel”, che'en lac Yum Dios.

Joel 2:26

Mux caj la' cha' wen c'ux waj c'ʌlʌl mi la' ñaj'an. Subeñonla c ñuclel come la' Yumon la' Dioson woli bʌ c pʌsbeñetla i yejtal tac c p'ʌtʌlel. Ma'anix mi caj i chʌn jisʌntel i chol c cha'año' bʌ.

Joel 3:17

Mi caj la' cʌñon la' Yumon, la' Dioson, che'en. Wʌ' chumulon ti Sion jini ch'ujul bʌ wits c cha'an. Jerusalén c cha'añʌch ti pejtelel ora. Tal i yorajlel ma'anix mi caj i chʌn ñumelob soldadojob ch'oyolo' bʌ ti ñajtʌl.

Joel 3:21

Mi caj j q'uextʌbeñob i jontolil pejtelel tsa' bʌ i tsʌnsayob c cha'año' bʌ. Ma'anic mi caj c ñusʌbeñob i mul tsa' bʌ i tic'layob. Come woliyon ti chumtʌl wʌ' ti Jerusalén quic'ot c cha'año' bʌ, che'en lac Yum.

Sofonias 3:11

Ti jim bʌ q'uin ma'anix mi caj la' wubin quisin cha'an pejtel chuqui tsa' la' mele che' bʌ tsa' la' contrajiyon. Ti jim bʌ ora mi caj c jisan jini chan bʌ mi' melob i bʌ. Che' jini ma'anix ti la' tojlel majqui mi' chañ'esan i bʌ ti ch'ujul bʌ c wits.

Sofonias 3:17

Come lac Yum an a wic'ot. Jini P'ʌtʌl Bʌ mi caj i coltañet. Tijicña mi caj i yubin yic'otet. Mi caj i yʌq'ueñet a c'aj a wo. Mi caj i c'uxbiñet. Mi caj i cha'len c'ay come tijicña mi' q'uelet.

Zacarias 2:9

Joñon mi caj cʌq'ueñob wocol. Obolob i bʌ cha'an tsi' tic'layob c winicob. Jini tic'lʌbilo' bʌ mi caj i yochelob ti' yumob. Che' jini mi caj la' ña'tan chocbilon tilel cha'an i Yum Panchan yic'ot Pañimil.

Numeros 11:29

Moisés tsi' jac'be: ¿Yom ba tsʌytsʌyña a pusic'al tic tojlel? Ma' lon ña'tan mach uts'atic mi' cha'leñob subt'an winicob, pero yomcu. Uts'at muq'uic i yʌq'ueñob i yEspíritu lac Yum pejtelel winicob x'ixicob, che'en.

Numeros 23:21

Come ma'anic mi' tajbeñob i mul i p'olbalob Jacob ti' tojlel lac Yum. Ma'anic mi' q'uelbeñob i jontolil jini israelob. Come ya' añob yic'otob lac Yum Dios cha'an mi' yumañob.

2 Corintios 6:16

I templo Dios ¿jim ba i pi'ʌl jini dios tac? Joñonla i templojonla jini cuxul bʌ Dios che' bajche' tsi' yʌlʌ Dios: “Mi caj c chumtʌl ti' tojlelob. Ya' mij caj ti ajñel. Mi caj cochel ti' Dios. Mi caj cotsañob tic cha'an”. Che' tsi' yʌlʌ Dios.

Deuteronomio 23:14

Come ya'ʌch an lac Yum Dios la' wic'ot baqui mi la' majlel cha'an mi' coltañetla, cha'an mi' yʌq'ueñetla ti la' c'ʌb jini la' contrajob. Jini cha'an sʌc yom ya' ba' mi la' much'quin la' bʌ, cha'an ma'anic chuqui bibi' ya'i, ame i tʌts' i bʌ lac Yum ti la' tojlel.

1 Pedro 2:6

Come ts'ijbubil: “Awilan, woli cʌc' ti Sion jump'ejl uts'at bʌ Xajlel, yajcʌbil bʌ cha'an i xujc otot. Jini mu' bʌ i ñop ma'anic mi' cajel ti quisin”, che'en.

Apocalipsis 21:3

Tsa cubi c'am bʌ t'an tsa' bʌ loq'ui ti panchan. Tsi' yʌlʌ: Awilan, wʌ'ix an i chumlib Dios yic'ot winicob x'ixicob. Mi caj i chumtʌl yic'otob. Winicob x'ixicob mi caj i yochelob ti' cha'an bʌ Dios. Mi caj i yajñel Dios yic'otob.