Joel 2:26 - Chol: I T’an Dios

²⁶ Mux caj la' cha' wen c'ux waj c'ʌlʌl mi la' ñaj'an. Subeñonla c ñuclel come la' Yumon la' Dioson woli bʌ c pʌsbeñetla i yejtal tac c p'ʌtʌlel. Ma'anix mi caj i chʌn jisʌntel i chol c cha'año' bʌ.

Chol de Tumbalá Bible

²⁶ Mux caj la' cha' wen c'ux waj c'ʌlʌl mi la' ñaj'an. Subeñonla c ñuclel come la' Yumon la' Dioson woli bʌ c pʌsbeñetla i yejtal tac c p'ʌtʌlel. Ma'anix mi caj i chʌn jisʌntel i chol c cha'año' bʌ.

Joel 2:26 Iomraidhean Croise

Genesis 33:11

Awocolic, ch'ʌmʌ a majtan i wenta cortesía mu' bʌ cʌq'ueñet, come Dios tsi' pʌsbeyon i yutslel i pusic'al. Anto cabʌl c cha'an, che'en. Che' jini Jacob tsi' wersa sube Esaú jinto tsi' ch'ʌmʌ i majtan.

Nehemias 9:25

Tsi' ch'ʌmʌyob wen melbil bʌ tejclum tac joy mʌcbil bʌ ti ts'ajc, yic'ot wen bʌ lum an tac bʌ i bʌl. Tsa' cajiyob ti chumtʌl ti wen chajpʌbil bʌ otot am bʌ cabʌl i bʌl. An melbil bʌ pozo yic'ot ts'usubil yic'ot olivojil yic'ot cabʌl te' on bʌ mi' yʌc' i wut. Tsi' c'uxuyob. Tsa' ñaj'ayob. Tsa' cajiyob ti jujp'el. Tijicñayob cha'an tsa' pʌsbeyob cabʌl a wutslel.

Salmos 103:5

Mi' tijicñesañon yic'ot wen tac bʌ c majtan wʌ' ti pañimil cha'an mic cha' p'ʌtan che' bajche' xiye'.

Salmos 116:7

La' sujticon ti pejtelel c pusic'al ba' mij c'aj co, Come c Yum tsi' wen pʌsbeyon i yutslel.

Salmos 13:6

C Yum, mi caj j c'ʌyiñet Come uts'atax chuqui tsa' melbeyon.

Salmos 22:26

Jini mu' bʌ i yubiñob wocol mi' cajelob ti we'el. Mi caj i ñaj'añob, Jini mu' bʌ i sajcañob lac Yum, mi caj i ch'ujutesañob. La' ajnicob ti pejtelel ora jini mu' bʌ i sajcañob.

Salmos 37:19

Ma'anic mi caj i yubiñob quisin ti' yorajlel wocol. Jasʌl mi caj i c'uxob waj che' ti' yorajlel wi'ñal.

Salmos 67:5

Dios, la' i subob a ñuclel winicob x'ixicob. La' i tsictesañob a ñuclel.

Salmos 72:18

La' ch'ujutesʌntic lac Yum Dios, i Dios Israel, Mu' bʌ i bajñel mel ñuc tac bʌ i melbal.

Proverbios 13:25

Jasʌl mi' c'uxob i bʌl i ñʌc' jini tojo' bʌ, pero mux i yubiñob wi'ñal jini sajtemo' bʌ.

Cantares 5:1

(Jini rey Salomón:) Tsa'ix juliyon tic pʌc'ʌb, quijñam c pi'ʌlet bʌ. Wolix c tuc' mirra yic'ot yambʌ xojocña bʌ c cha'an. Wolij c'ux chab. Wolic jap vino yic'ot lech. (Jini xch'ocob ti Jerusalén:) Che'ʌch yom, c'uxula, japʌla ti pejtelel a pusic'al, come temeletla mu' bʌ la' c'uxbin la' bʌ. Yom tijicñayetla. (Jini xch'oc:)

Isaias 25:1

C Yum, c Dioset. Mi caj c sub a ñuclel. Mi caj c tsictesan i ñuclel a c'aba', come tsa'ix a cha'le ñuc tac bʌ. Chuqui tac wʌn ña'tʌbil a cha'an c'ʌlʌl wajali wolix i yujtel.

Isaias 29:22

Jini cha'an che'ʌch woli' yʌl lac Yum tsa' bʌ i mʌñʌ loq'uel Abraham ti mulil: Mach chʌn muq'uix ti bʌq'uen Jacob. Mach muc'obix ti quisin c cha'año' bʌ.

Isaias 45:17

Pero Israel mi caj i taj i coltʌntel ti pejtelel ora ti' tojlel lac Yum. Ma'anix mi caj i chʌn cha'len quisin yic'ot bʌq'uen ti pejtelel ora.

Isaias 49:23

Jini año' bʌ i ye'tel ti pañimil, reyob yic'ot i yijñamob, mi caj i cosañob che' bajche' i tatob. Mi caj i we'sañob. Mi caj i c'uchchocoñob i bʌ ti lum ti a tojlel. Mi caj i tijcañob i ts'ubeñal a woc. Che' jini mux caj a ña'tan Yumʌlon. Majqui jach mi' ñopon ma'anic mi' cajel ti quisin.

Isaias 54:4

Mach a cha'len bʌq'uen, come ma'anic mi caj a wʌjq'uel ti quisin. Ma'anic mi caj i p'ajetob. Mi caj i ñajʌyel a cha'an a quisin tsa' bʌ a wubi che' xch'oquet to. Ma'anix mi caj i chʌn c'ajtiyel a cha'an a wʌ'lentel cha'an meba'et.

Isaias 55:2

¿Chucoch mi la' to'ol jisan la' taq'uin ti' mʌñol jini mach bʌ wajic? Woli ti to'ol jilel la' taq'uin che' wi'ñayetla. Ñich'tanla c t'an. Che' jini mi caj la' c'ux wen bʌ i bʌl la' ñʌc'. Mi caj la' tijicñesan la' pusic'al yic'ot sumuc tac bʌ i bʌl la' ñʌc'.

Levitico 25:19

Che' jini ts'ʌcʌl mi caj i colel la' pʌc'ʌb. Mi caj la' c'ux jinto mi la' ñaj'an. Ma'anic majch mi caj i tic'lañetla.

Levitico 26:26

Che' mic jisan i bʌl la' ñʌc', lujuntiquil x'ixicob mi caj i tiq'uesʌbeñetla la' waj ti jump'ejl i yajñib c'ajc. Che' mi la' c'ux, ma'anic mi caj la' ñaj'an.

Miqueas 6:14

Mi caj la' c'ux i bʌl la' ñʌc', pero chʌn an la' wi'ñal che' mi' yujtel la' c'ux. Ma'anic mi caj la' ñaj'an. Anquese mi la' cha'len ganar, ma'anic mi' jastiyel la' c'ʌn. Mi an i colojbal taq'uin, mi caj cʌq'ueñob la' contrajob.

Sofonias 3:11

Ti jim bʌ q'uin ma'anix mi caj la' wubin quisin cha'an pejtel chuqui tsa' la' mele che' bʌ tsa' la' contrajiyon. Ti jim bʌ ora mi caj c jisan jini chan bʌ mi' melob i bʌ. Che' jini ma'anix ti la' tojlel majqui mi' chañ'esan i bʌ ti ch'ujul bʌ c wits.

Zacarias 9:15

I Yum Panchan yic'ot Pañimil mi caj i cʌntan i tejclumob. Jini israelob mi caj i mʌjlel i cha'añob. Mi' cajelob ti oñel che' bajche' xyʌc'ajelob. Cabʌl mi caj i bejq'uel i ch'ich'el i contrajob.

Zacarias 9:17

Ti jim bʌ ora c'ax uts'atax jini pañimil. Wen chumulob ti pejtelelob. I yonlel trigo yic'ot tsijib vino mi caj i tijicñesʌbeñob i pusic'al jini ch'iton winicob yic'ot xch'ocob.

Romanos 10:11

Come i Ts'ijbujel Dios mi' yʌl: “Jini mu' bʌ i ñop lac Yum Jesús ma'anic mi caj i yubin quisin”, che'en.

Romanos 5:5

Mach lolomic jach woli lac pijtan, come la cujil Dios tsa'ix i yʌq'ueyonla jini Ch'ujul bʌ Espíritu cha'an mi' but'beñonla lac pusic'al ti' c'uxbiya.

Romanos 9:33

Che' bajche' ts'ijbubil: “Awilan, mi cʌc' ti Sion jump'ejl Xajlel ba' mi' jats'ob i yoc winicob, jump'ejl Xajlel mu' bʌ i yʌc'ob ti yajlel. Jini mu' bʌ i ñop jini Xajlel ma'anic mi caj i yubin quisin”, che'en.

Deuteronomio 11:15

Muq'uix i yʌq'ueñetla ja'el jini jam ti la' jamil cha'an mi' c'ux la' wʌlac'. Jatetla ja'el mi caj la' taj cabʌl i bʌl la' ñʌc'. Tijicña mi caj la' wajñel.

Deuteronomio 12:12

Mux caj la' wubin tijicña bʌ ti' tojlel lac Yum Dios, jatetla yic'ot pejtel la' walobilob, ch'iton bʌ yic'ot xch'oc bʌ, yic'ot ja'el la' winicob, yic'ot la' criadajob, yic'ot ja'el jini levíjob, chumulo' bʌ ti tejclum tac, come ma'anic i lum ti la' tojlel.

Deuteronomio 12:18

C'uxula ya' ti' wut lac Yum Dios, ya' ti' yajñib yajcʌbil bʌ i cha'an. Ya' yom mi' la' majlel, yic'ot la' walobilob, yic'ot la' winic, yic'ot la' criada, yic'ot jini leví chumul bʌ ti la' lum. Che' jini mi caj la' taj i tijicñʌyel la' pusic'al ti lac Yum ti pejtelel chuqui mi la' mel.

Deuteronomio 12:7

Ya' mi caj la' c'ux ti' tojlel lac Yum Dios. Che' jini mi caj la' taj tijicña bʌ la' pusic'al ti pejtelel la' we'tel, jatetla yic'ot la' pi'ʌlob, come aq'uebiletix la' bendición ti lac Yum Dios.

Deuteronomio 8:10

Muq'uix caj la' wen ñaj'an yic'ot i bʌl la' ñʌc'. Muq'uix cajel la' wʌq'uen wocolix i yʌlʌ lac Yum Dios cha'an jini wen bʌ lum tsa' bʌ i yʌq'ueyetla.

1 Timoteo 6:17

Jixcu jini am bʌ cabʌl i chubʌ'an ti pañimil, tsʌts ma' subeñob cha'an ma'anic mi' chañ'esañob i bʌ, cha'an ma'anic mi' yʌc'ob ti' pusic'al i chubʌ'an yujil bʌ jilel. Subeñob cha'an mi' chʌn ñopob jini cuxul bʌ Dios mu' bʌ i wen aq'ueñonla pejtelel chuqui tac yom cha'an mi la cubin lac tijicñʌyel.

1 Juan 2:28

Wʌle, alobob, chʌn ajñenla ti Cristo. Che' jini ch'ejl lac pusic'al mi caj laj q'uel che' mi' tsictiyel. Aja machiqui mi' tejchel t'an ti lac pusic'al cha'an mi lac tʌts' lac bʌ ti quisin che' mi' tilel.