Joel 2:22 - Chol: I T’an Dios

²² Jini alʌc'ʌl tac mux caj i cha' taj i bʌl i ñʌc'. Mi caj i cha' yʌx'an jini jam ti potrero tac. Jini te' tac mi caj i cha' ac' i wut.

Chol de Tumbalá Bible

²² Jini alʌc'ʌl tac mux caj i cha' taj i bʌl i ñʌc'. Mi caj i cha' yʌx'an jini jam ti potrero tac. Jini te' tac mi caj i cha' ac' i wut.

Joel 2:22 Iomraidhean Croise

Genesis 4:12

Che' ma' cajel ti e'tel ti jini lum, ma'anix chuqui mi caj a taj ti lum. Xputs'elet ti pejtelel ora. Stsuctsucniyelet ti pañimil, che'en lac Yum.

Salmos 36:6

C'ax ñuc a tojel bajche' jini wits tsa' bʌ a mele. Lajal a meloñel bajche' tam bʌ ñajb mach bʌ cʌmbilic ti pejtelel. C Yum, wola' cʌntan winicob x'ixicob yic'ot pejtelel bʌte'el ja'el.

Salmos 65:12

Jini potrero tac am bʌ ti jamil wen ch'oquiyem jax. Tijicña yilal jini bujtʌl tac.

Salmos 65:13

Bujt'em jini jamil ti tiñʌme'. Bujt'em tac jini joctʌl ti' wut jam. Tijicña mi' yubiñob winicob x'ixicob. Mi cha'leñob c'ay.

Salmos 67:6

Jini lac chol tsa'ix i yʌc'ʌ tac i cuch. Dios woli' pʌsbeñonla i yutslel, jiñʌch lac Dios.

Isaias 51:3

Isujm mi caj c cha' aq'ueñob i tijicñʌyel i pusic'al jini israelob. Mi caj c cha' mel ti uts'at pejtel jini jejmenix bʌ ti' tojlel. Mi caj c sutq'uin jini tiquin bʌ lum ti wen bʌ lum cha'an uts'at mi' yʌc' i wut che' bajche' Edén i pʌc'ʌb la' Yum. Tijicñayob jini ya' bʌ añob. Mi caj i subeñoñob wocolix cʌlʌ. Cabʌl mi caj i cha'leñob c'ay.

Ezequiel 36:30

Mi caj cʌc' ti wen colel la' pʌc'ʌb cha'an mi' yʌc' cabʌl i wut, cha'an ma'anix mi la' chʌn ubin wi'ñal.

Ezequiel 36:35

Mi caj i yʌlob: Ili chocbil bʌ lum lajalix bajche' jini pʌc'ʌbʌl ti Edén. Ili jochol bʌ tejclum tac ba' jejmen pejtel otot, cha' melbilix. Laj ts'ajquibilix. Cha' anix i yum, che'ob.

Ezequiel 36:8

Pero jatetla israelet bʌ la, mi caj la' cha' taj la' wenlel. Mi caj i cha' ac' cabʌl i cuch la' chol.

Jonas 4:11

¿Mach ba yomic mic p'untan Nínive jini colem tejclum? Ya' añob ñumen ti wʌcc'al ti mil winicob x'ixicob mach bʌ i cʌñʌyobic c t'an. Lajalob bajche' alʌlob mach bʌ anic mi' ña'tañob baqui bʌ i ñoj mi baqui bʌ i ts'ej. Ya'an cabʌl alʌc'ʌl tac ja'el, che'en lac Yum.

Hageo 2:16

¿bajche' añetla? Che' bʌ tsa' c'oti winic ba' much'quibil trigo ya' ba' tsi' p'isi junc'al, awilan, an jax lujump'ej. Che' bʌ tsa' c'oti ba' tsi' loto i ya'lel ts'usub cha'an mi' luch loq'uel lujump'ejl i yuxc'al, awilan, an jax junc'al.

Zacarias 8:12

Come mi caj cʌq'ueñetla i ñʌch'tilel la' pusic'al. Mi caj i wen ac' i wut pejtel la' pʌc'ʌb. Mi caj i wen tilel ja'al. Tijicñayob jini cuxulob to bʌ mu' bʌ i yajñelob ti jini lum.

1 Corintios 3:7

Che' jini mach ñuquic jini mu' bʌ i cha'len pac' yic'ot jini mu' bʌ i mul. Cojach ñuc Dios mu' bʌ i yʌc' ti colel.