Joel 2:2 - Chol: I T’an Dios

² Jiñʌch i yorajlel i yi'ic'lel yic'ot ic'yoch'an bʌ pañimil, cabʌl tocal yic'ot i'ic' bʌ pañimil. Mi caj i tilel cabʌl sajc' mu' bʌ caj i mos jini wits tac che' bajche' ic'yoch'an bʌ pañimil. Wen ñucob, wen p'ʌtʌlob. Maxto anic ba' tsa' tsictiyi che' bajche' jini. Ma'anix mi caj i cha' tilel yambʌ lajal bʌ c'ʌlʌl ti' jilibal pañimil. Jiñʌch i cajibal i q'uiñilel lac Yum.

Chol de Tumbalá Bible

² Jiñʌch i yorajlel i yi'ic'lel yic'ot ic'yoch'an bʌ pañimil, cabʌl tocal yic'ot i'ic' bʌ pañimil. Mi caj i tilel cabʌl sajc' mu' bʌ caj i mos jini wits tac che' bajche' ic'yoch'an bʌ pañimil. Wen ñucob, wen p'ʌtʌlob. Maxto anic ba' tsa' tsictiyi che' bajche' jini. Ma'anix mi caj i cha' tilel yambʌ lajal bʌ c'ʌlʌl ti' jilibal pañimil. Jiñʌch i cajibal i q'uiñilel lac Yum.

Joel 2:2 Iomraidhean Croise

Salmos 10:6

Mi' yʌl ti' pusic'al: Ma'anic mi caj c mel c pusic'al. Ti pejtelel ora ma'anic mi caj cubin wocol, lon che'en.

Salmos 97:2

Ti' joytilel lac Yum an tocal yic'ot ic'yoch'an bʌ pañimil. Xuc'ul mi' yajñel ti' buchlib cha'an yujil meloñel ti isujm. Toj mi' mel i ye'tel.

Exodo 10:14

Jini sajc' tsa' wen pujqui ti pejtelel i lumal egiptojob. Mulmulña ti pejtelel i lumal. Ti yambʌ ora ma'anic sajc' lajal bajche' iliyi. Ma'anic ba' ora mi caj i cha' tilel yambʌ lajal bʌ.

Exodo 10:6

Mi caj i bujt'el ti sajc' a wotot yic'ot i yotot tac pejtel egiptojob. C'ʌlʌl ti' tejchibal Egipto ma'anic ba' ora tsa' ñumi sajc' che' bajche' iliyi”, che'en lac Yum. Che' tsi' yʌlʌyob Moisés yic'ot Aarón. Che' jini tsa' loq'uiyob ti' tojlel Faraón.

Exodo 20:21

Ñajt tsa' wa'leyob winicob x'ixicob. Moisés tsa' majli ba'an Dios ya' ba'an ic'ch'ipan bʌ.

Isaias 5:30

Ti jim bʌ q'uin ju'ucña mi' cajelob ti t'an ti la' contra che' bajche ju'ucña jini colem ñajb. Che' mi la' ñejñan pañimil, wen ic'yoch'an jax cha'an wocol. Mosbilix jini q'uin yilal cha'an cabʌl tocal.

Isaias 8:22

Awilan, baqui jach mi' q'uelob an cabʌl wocol yic'ot i'ic' bʌ pañimil yic'ot i ch'ijiyemlel. Mi caj i chojquelob ti ic'yoch'an bʌ pañimil. Che' tsi' yʌlʌ lac Yum.

Jeremias 13:16

Q'uelela ti ñuc la' Yum Dios che' anto i yorajlel, ame la' jats' la' woc ti wits che' ac'ʌlelix. Che' ochemetixla ti ic'ch'ipan bʌ pañimil mi caj la' sʌclan i sʌclel pañimil, pero jini jach bʌbʌq'uen bʌ mi caj la' taj ti ic'ch'ipan bʌ pañimil.

Jeremias 13:6

Ñumenix cabʌl q'uin lac Yum tsi' cha' subeyon: Cucu ti Eufrates. Cha' loc'san a cajchiñʌc' ya' ba' tsa' mucu che' bajche' tsac subeyet, che'en.

Lamentaciones 1:12

¿Mach ba la' wentajic jatetetla woliyet bʌ la ti ñumel? Q'uele mi an yambʌ woli bʌ i cuch wocol che' bajche' joñon. P'ump'un tsi' meleyon c Yum che' cʌlʌx jax i mich'ajel.

Ezequiel 32:7

Che' mic jisañet, mi caj quiq'uesan panchan. Mi caj i yic'an q'uin yic'ot jini ec'. Ma'anix mi caj i chʌn pʌs i sʌclel uw.

Ezequiel 34:12

Che' bajche' xcʌntaya mi' sajcan i tiñʌme', che' ja'el joñon mic majlel c sajcan c tiñʌme' ba' pam pujquemob. Mi caj j coltañob loq'uel ti wocol yic'ot ti ic'yoch'an bʌ pañimil.

Ezequiel 38:9

Mi caj a tilel yic'ot cabʌl soldadojob mu' bʌ caj i coltañet. Che' bajche' p'ʌtʌl bʌ ic' mi caj a tilel a mʌctan jini lum che' bajche' tocal mu' bʌ i jubel ti pañimil. Bajc'ʌletla yic'ot a soldadojob yic'ot yaño' bʌ a waj coltayajob ch'oyolo' bʌ ti yan tac bʌ lum.

Daniel 12:1

Ti ora mi cajel i tsictiyel Miguel, jini ñuc bʌ ángel mu' bʌ i cʌntan a pi'ʌlob ti Israel. I tejchibalix i yorajlel cabʌl wocol. Ti oñiyi c'ʌlʌl wʌle ma'anic ba' ora tsi' yubiyob ñuc bʌ wocol che' bajche' iliyi. Ti jimbʌ ora mi caj i coltʌntelob pejtel a pi'ʌlob ts'ijbubilo' bʌ i c'aba' ti' jun Dios.

Daniel 9:12

Tsa' mele che' bajche' tsa' wʌlʌ. Tsa' choco tilel ñuc bʌ wocol tic tojlel lojon yic'ot ti' tojlel c yumob lojon. Tsa' jisa Jerusalén. Ti yambʌ ora ma'anic tsa cubi lojon ñuc bʌ wocol che' bajche' jini.

Joel 1:6

Come wen cabʌl jini jontol bʌ sajc' tic lum, mach mejlic ti tsijquel. Jay i yej bajche' i yej bajlum.

Joel 2:25

Mi caj c cha' aq'ueñetla i cuch jini cholel tsa' bʌ i jisa jini sajc' ti chajp ti chajp che' bʌ tsac choco tilel ti la' contra che' bajche' soldadojob.

Joel 2:31

Jini q'uin mi caj i mʌjquel i wut. Mi caj i chʌc'an i wut jini uw che' talix jini ñuc bʌ q'uin, jini bʌbʌq'uen bʌ i Q'uiñilel lac Yum.

Joel 2:5

Mi' tijp'el tac ñumel ti' pam wits. Ubinla i t'an che' bajche' i t'an carreta tac tujc'ʌbil bʌ majlel, che' bajche' i t'an jini c'ajc che' mi' pulel cholel. Lajalʌch bajche' soldadojob mu' bʌ i chajpañob i bʌ cha'an guerra.

Joel 3:4

Mach yomic mi la' xʌ' otsan la' bʌ añet bʌ la ti Tiro yic'ot ti Sidón yic'ot ti Filistea. Ma'anic i mul israelob ti la' tojlel cha'an mi la' q'uextʌbeñob. Mi woliyʌch la' ña'tan la' jats'ob, cha'lenla bʌq'uen come mi caj c cha' jats'etla ti ora. Mi caj c cha' q'uextʌbeñetla la' jontolil.

Amos 4:13

Come jiñʌch Dios tsa' bʌ i mele wits yic'ot ic'. Mi' yʌc' ti tsictiyel chuqui woli' ña'tañob winicob ti' pusic'al. Mi' sutq'uin i sʌclel pañimil ti ic'chipan bʌ. Mi' cha'len xʌmbal ti' chañilel pañimil. I c'aba' lac Yum, i Dios Panchan yic'ot Pañimil.

Sofonias 1:7

Ñʌjch'enla ti' tojlel lac Yum Dios, come lʌc'ʌlix jini q'uin che' mi caj i cha'len meloñel lac Yum. Mi caj i yʌc'ob ti tsʌnsʌntel i tejclumob. Yajcʌbilob mu' bʌ caj i cha'leñob tsʌnsa.

Zacarias 14:6

Ti jim bʌ q'uin ma'anix mi caj i pʌs i c'ʌc'al q'uin, mi uw mi ec', pero ma'anix ac'ʌlel.

Mateo 24:21

Come ti jim bʌ ora mi caj i tilel cabʌl wocol, ñumen bajche' tsa' ñumi c'ʌlʌl ti' cajibal pañimil c'ʌlʌl wʌle, c'ʌlʌl ti pejtelel ora.

Marcos 13:19

Come ti jim bʌ ora mi caj i tilel cabʌl wocol, ñumen bajche' tsa' ñumi c'ʌlʌl ti' cajibal jini pañimil tsa' bʌ i mele Dios, c'ʌlʌl wʌle, c'ʌlʌl ti pejtelel ora.

Deuteronomio 32:7

Ña'tanla bajche' añetla ti wajali. C'ajtiben la' tat yic'ot jini xñoxob Cha'an mi' tsictesʌbeñetla.

Hebreos 12:18

Come mach pʌybileticla ti wits che' bajche' israelob ba' mi la' wubin c'ajc, yic'ot sutujt ic', yic'ot ic'yoch'an bʌ pañimil, yic'ot bʌbʌq'uen bʌ ja'al,

Judas 1:13

Lajalob bajche' bʌbʌq'uen jax bʌ sʌcwʌlan bʌ ja' ti colem ñajb mu' bʌ i yʌc' bibi' jax bʌ i lojc. Lajalob bajche' ec' mu' bʌ i sajtel ti' bijlel. Lajal mi caj i yujtelob ti c'ax i'ic' bʌ ac'ʌlel ti pejtelel ora.

Apocalipsis 9:2

Tsi' jambe i ti' jini tam bʌ ch'en. Tsa' loq'ui buts' ti ch'en lajal bajche' i buts'il colem c'ajc. Tsa' ic'a jini q'uin yic'ot pañimil cha'an jini buts' loq'uem bʌ ti ch'en.