Joel 2:16 - Chol: I T’an Dios

¹⁶ Tempanla tilel ti pejtelelob cha'an mi la' suben Dios la' mul, jini ñoxobix bʌ yic'ot alp'eñelob yic'ot alobob. Pʌyʌla tilel jini ch'iton woli bʌ ti ñujpuñel yic'ot xch'oc.

Chol de Tumbalá Bible

¹⁶ Tempanla tilel ti pejtelelob cha'an mi la' suben Dios la' mul, jini ñoxobix bʌ yic'ot alp'eñelob yic'ot alobob. Pʌyʌla tilel jini ch'iton woli bʌ ti ñujpuñel yic'ot xch'oc.

Joel 2:16 Iomraidhean Croise

2 Cronicas 20:13

Pejtelel i winicob Judá tsa' ajniyob ti' tojlel lac Yum, temel yic'ot i yijñamob yic'ot i yalobilob.

2 Cronicas 30:17

Cabʌlob ch'oyolo' bʌ ti Efraín, Manasés, Isacar, yic'ot Zabulón bibi'ob to ti' wut Dios, come maxto anic tsi' sʌq'uesayob i bʌ. Jini cha'an jini levíjob tsi' tsʌnsʌbeyob i tiñʌme' cha'an mi' sʌq'uesañob. Ezequías tsi' mele oración. Jini cha'an tsa' mejli i c'uxob jini Pascua, anquese tic'bil ti' mandar Dios. Ezequías tsi' yʌlʌ: C Yum, yom ma' ñusʌbeñob i mul pejtelel winicob woli bʌ i ña'tan i sajcañetob, anquese mach sʌq'uesʌbilobic che' bajche' tsa' wʌc'ʌ mandar, che'en.

2 Cronicas 35:6

Tsʌnsanla jini tiñʌme' cha'an Pascua. Sʌq'uesan la' bʌ. Coltanla jini mu' bʌ i tilelob cha'an mi' jac'beñob i t'an lac Yum che' bajche' tsi' yʌc'ʌ mandar Moisés, che'en Josías.

Job 1:5

Tsa' jal'ayob ti q'uiñijel. Che' bʌ tsa' xojt'i q'uin, Job tsi' pʌyʌ tilel i yalobilob cha'an mi' sʌq'uesañob ti' tojlel Dios. Tsa' seb ch'ojyi Job cha'an mi' yʌq'uen Dios cotol tac bʌ i majtan. Tsi' pulu lujuncojt, jujuncojt ti jujuntiquil. Tic'ʌl mi tsi' cha'leyob mulil calobilob, che'en Job. Tic'ʌl mi tsa'ix i ts'a'leyob Dios ti' pusic'al. Che'ʌch tsi' ña'ta Job ti' pusic'al. Ma'anic tsa' lujba i mel bajche' jini.

Salmos 19:5

Lajal jini q'uin che' bajche' winic tsa' bʌ ujti ti ñujpuñel, woli bʌ ti loq'uel ti' wʌyibʌl. Tijicña jini q'uin yilal bajche' p'ʌtʌl bʌ winic mu' bʌ i cha'len wersa ajñel.

Exodo 19:10

Cucu subeñob, la' i wʌn chajpañob i bʌ wʌle yic'ot ijc'ʌl. La' i wuts'ob i pislel.

Exodo 19:15

Moisés tsi' subeyob: Yom chajpʌbiletix la chabi. Mach yomic mi la' ñochtan x'ixicob, che'en.

Exodo 19:22

La' ajnicob ti ch'ujul jini motomajob mu' bʌ caj i lʌc'tesañob ame mij contrajiñob.

Joel 1:14

Tempanla winicob x'ixicob. Subeñob cha'an mi' cha'leñob ch'ajb. Pʌyʌla tilel ti pejtelob yic'ot añobix bʌ i jabilel ya' ti' Templo lac Yum Dios. Cha'lenla uq'uel ti' tojlel lac Yum.

Mateo 21:16

Tsi' subeyob Jesús: ¿Mach ba wolic a wubin chuqui woli' yʌlob? che'ob. Jesús tsi' jac'beyob: Woli cu cubin. ¿Mach ba tsa'ic la' q'uele ti jun: “Ya' ti' yej alobob yic'ot ti' yej jini woliyo' bʌ ti chu', tsi' wen tsictesa i ñuclel Dios”? che'en.

Mateo 9:15

Jesús tsi' jac'beyob: ¿Mejl ba i cha'leñob ch'ajb jini xmel q'uiñob che' temel añob yic'ot winic woli bʌ ti ñujpuñijel? Pero tal i yorajlel che' mi caj i pʌjyel majlel jini winic woli bʌ ti ñujpuñijel. Ti jini q'uin tac mi' cajelob ti ch'ajb xmel q'uiñob.

1 Corintios 7:5

Mach la' cʌy la' pi'len la' bʌ, cojach mi la' wom ti la' cha'ticlel cha'an mi la' wʌc' la' bʌ ti oración. Che' mi' yujtel oración yom mi la' cha' pi'len la' bʌ ame i pʌyetla ti mulil Satanás che' ma'anic i p'ʌtʌlel la' pusic'al.

Josue 7:13

Sʌq'uesan jini israelob. Yom ma' subeñob: “Sʌq'uesan la' bʌ cha'an mi la' tempan la' bʌ ijc'ʌl, come lac Yum i Dios Israel mi' yʌl: Tsa'ix la' xujch'i c cha'an bʌ. Mach mʌjlic la' cha'an ti' tojlel la' contrajob jinto mi la' choc loq'uel jini tic'bil tac bʌ.

Josue 8:35

Ma'anic mi jump'ejlic t'an subebil bʌ ti mandar cha'an Moisés mach bʌ anic tsi' q'uele Josué. Tsi' lu' q'uele ti' tojlel pejtelel israelob, winicob yic'ot x'ixicob yic'ot alʌlob yic'ot mach bʌ mero i lumalobic ya' bʌ chumulob yic'otob.

1 Samuel 16:5

Samuel tsi' jac'ʌ: La' ñʌch'lec la' pusic'al. Tsa' tili c tsʌnsʌben i majtan lac Yum. Yom mi la' sʌq'uesan la' bʌ cha'an temel mi la cʌq'uen i majtan lac Yum, che'en. Samuel tsi' sʌq'uesa Isaí ja'el yic'ot i yalobilob. Tsi' pʌyʌyob ya' baqui yom i tsʌnsan majtañʌl.