Joel 2:12 - Chol: I T’an Dios

¹² Jini cha'an mi' yʌl lac Yum: Sutq'uin la' bʌ ba' añon ti pejtelel la' pusic'al che' anto i yorajlel. Cha'lenla ch'ajb. Cha'lenla uq'uel. Yom ch'ijiyem la' pusic'al, che'en.

Chol de Tumbalá Bible

¹² Jini cha'an mi' yʌl lac Yum: Sutq'uin la' bʌ ba' añon ti pejtelel la' pusic'al che' anto i yorajlel. Cha'lenla ch'ajb. Cha'lenla uq'uel. Yom ch'ijiyem la' pusic'al, che'en.

Joel 2:12 Iomraidhean Croise

2 Samuel 24:10

Che' bʌ tsa'ix ujti i tsicob jini winicob, David tsa' caji' ña'tan i mul. Tsi' sube lac Yum: C Yum tsa'ix c taja c mul ti a tojlel. Leco chuqui tsac mele. Ti wocol t'an mij c'ajtibeñet cha'an ma' ñusʌbeñon c mul, come tsa'ix c lon ñusa a t'an, che'en.

2 Cronicas 30:6

Jini cha'an tsa' majliyob jini x'ac'juñob i yʌc'ob jini jun ti pejtelel Israel yic'ot ti Judá che' bajche' tsi' ña'ta jini rey yic'ot x'e'telob i cha'an. Tsi' yʌlʌ ti jun: Israelob, cha' sutq'uin la' bʌ ti lac Yum i Dios Abraham yic'ot Isaac yic'ot Israel, cha'an mi' cha' uts'an i pusic'al ti' tojlel i colojbal israelob tsa' bʌ cʌleyob che' bʌ tsa' ñumi jini rey ti Asiria.

2 Cronicas 6:27

yom ma' ñich'tañon lojon ya' ti panchan. Ñusʌbeñon lojon c mul. Pʌsbeñon lojon jini toj bʌ bij ba' yom mic cha'len lojon xʌmbal. Cha' chocbeñon lojon tilel ja'al wʌ' ti c lumal lojon tsa' bʌ a wʌq'ueyon lojon.

Ester 4:16

Cucu subeñob pejtel judíojob año' bʌ ti Susa cha'an mi' tempañob i bʌ cha'an mi' cha'leñob ch'ajb uxp'ejl q'uin yic'ot uxp'ejl ac'ʌlel cha'an mi' p'untañon Dios. Joñon quic'ot xch'oc bʌ c pi'ʌlob mi caj c cha'len lojon ch'ajb ja'el lajal bajche'etla. Che' mi cujtel ti ch'ajb mi caj c majlel ba'an rey anquese wolic ñusʌben i mandar. Mi tsi' yʌc'ʌyon ti chʌmel la'ix chʌmicon, che'en.

Exodo 33:5

lac Yum tsa'ix i sube Moisés: Yom ma' subeñob jini israelob: “Wen tsʌts la' pusic'al. Muq'uic c majlel quic'otetla ti bij mic jisañetla ti ora jach. Wʌle loc'san la' ch'ʌjlil cha'an mic ña'tan chuqui mi caj c melbeñetla”, che'en.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Isaias 58:4

Ti' yorajlel ch'ajb mi la' cha'len a'leya. Mi la' cha'len jats' cha'an jontol la' pusic'al. Che' mi la' lon cha'len ch'ajb ma'anic chuqui mi la' c'ajtibeñon ti wocol t'an cha'an mi cubin ya' ti panchan.

Jeremias 3:22

“Sujtenla, calobilob, anquese ñajt tsa' la' tʌts'ʌ la' bʌ. Mi caj c lajmesañetla cha'an mi la' tsajcañon”, che'en lac Yum. “Talon lojon, che'ob, come jatet c Yumet lojon, c Dioset lojon.

Jeremias 36:7

Tic'ʌl mi mux caj i cʌyob i mul cha'an mi' pejcañob lac Yum ti wocol t'an ti jujuntiquil cha'an mi' ñusʌbeñob i mul. Come cabʌl woli ti mich' lac Yum. Tsa'ix i yʌc'ʌ i t'an cha'an mi' jisʌntelob, che'en Jeremías.

Jeremias 4:1

Mi wola' sujtel ba' añon ti pejtel a pusic'al, Israel, yomix ma' junyajlel choc jini diosob ts'alebilo' bʌ c cha'an. Yom xuc'ul ma' tsajcañon. Mach yomix ma' chʌn sajtel ti yambʌ bij.

Jeremias 4:2

Wa'chocon a t'an tic tojlel ti' c'aba' jini cuxul bʌ a Yum. Subu chuqui isujm. Cha'len toj bʌ meloñel. Ñopox chuqui uts'at tic wut. Che' jini pejtel winicob ti yan tac bʌ lum mi caj i cʌñoñob cha'an a Yumon. Mi caj i q'ueloñob ti ñuc, che'en lac Yum.

Ezequiel 33:11

Subeñob: “Isujm mic subeñetla, che'en lac Yum Dios, mach comic mi' chʌmel winic yic'ot i mul. Com mi' laj cʌyob i mul cha'an cuxul mi' yajñelob. Cʌyʌx la' jontolil, sutq'uin la' bʌ ba' añon. ¿Chucoch la' wom chʌmel Israel?

Daniel 9:3

Tsac pejca lac Yum Dios ti wocol t'an. Tsac cha'le ch'ajb. Tsac xojo coxtal. Tsac mujla c bʌ ti tan.

Oseas 12:6

La'la israelob, cha' sutq'uin la' bʌ ba'an Dios. Melela chuqui toj. C'uxbin la' bʌ. Yom mi la' wʌc' ti la' pusic'al chuqui mi caj i yʌq'ueñetla Dios.

Oseas 12:7

Lajaletla bajche' mañajax bʌ xchoñoñelob. Mi la' wʌsin balanza cha'an mach ts'ʌcʌlic chuqui mi la' chon. Mi la' mulan xujch'.

Oseas 14:1

Awocolic, israelob, sutq'uin la' bʌ ba'an lac Yum, i Dios israelob, come ti' caj la' mul tsa' la' taja wocol.

Oseas 6:1

Mi caj i yʌlob: “La'ix la. Conla ti sujtel ba'an lac Yum. Come jiñʌch tsa' bʌ i yʌq'ueyonla wocol. Mi caj i cha' coltañonla. Tsi' contrajiyonla, pero mi caj i cha' p'untañonla.

Joel 1:13

Motomajob, yom mi la' lʌp coxtal cha'an i ch'ijiyemlel la' pusic'al. I winiquet bʌ la Dios, ñusanla ac'ʌlel ti uq'uel ba'an pulʌntib, come ma'anix trigo yic'ot i ya'lel ts'usub cha'an mi la' wʌq'uen i majtan Dios.

Zacarias 7:3

Tsi' c'ajtibeyob jini motomajob yic'ot jini x'alt'añob mi yom to mi' chʌn cha'leñob ch'ajb yic'ot uq'uel ti agosto ti jujump'ejl jab che' bajche' i tilel.

Zacarias 7:5

Subeñob pejtel winicob yic'ot jini motomajob: “Che' bʌ tsa' la' cha'le ch'ajb yic'ot uq'uel che' ti agosto yic'ot ti octubre ti jujump'ejl jab ili lujump'ejl i chʌnc'al (70) jab tsa' bʌ ñumi ya' ti Babilonia, ¿tsa' ba la' cʌyʌ la' mul cha'an mi la' tsajcañon? Ma'anic.

Malaquias 1:9

Jini cha'an toj'esan la' bʌ yic'ot Dios cha'an mi' p'untañetla. ¿Mu' ba caj i q'ueletla ti uts'at che' mi la' wʌq'uen i majtan mach bʌ wenic? che'en i Yum Panchan yic'ot Pañimil.

Hechos 26:20

Ñaxan tsac subeyob jini año' bʌ ti Damasco yic'ot ti Jerusalén yic'ot ti pejtelel Judea, yic'ot gentilob cha'an mi' cʌyob i mul cha'an mi' sutq'uiñob i bʌ cha'an mi' ñopob Dios. Tsac subeyob cha'an mi' cha'leñob chuqui wen, cha'an mi' tsictiyel tsa'ix i cʌyʌyob i mul.

Juezob 2:4

Che' bʌ tsi' yʌlʌ ili t'an i yAngel lac Yum ti' tojlel i yalobilob israel, c'am tsi' cha'le t'an jini tejclum. Tsa' uq'uiyob.

Juezob 20:26

Jini cha'an pejtelel jini israelob tsa' majliyob ti Betel. C'am tsi' cha'leyob uq'uel. Ya' tsa' buchleyob ti' tojlel lac Yum. Ma'anic chuqui tsi' c'uxuyob ti jini q'uin c'ʌlʌl ti ic'ajel. Tsi' yʌq'ueyob pulbil tac bʌ i majtan lac Yum yic'ot i majtan cha'an i ñʌch'tilel i pusic'al.

1 Samuel 7:3

Samuel tsi' pejca pejtelel jini israelob. Tsi' subeyob: Mi ti pejtelel la' pusic'al la' wom la' cha' tsajcan lac Yum, chocola loq'uel jini dios tac mu' bʌ i diosiñob sajtemo' bʌ, jini Astarot ja'el. Chajpan la' pusic'al cha'an mi la' ch'ujutesan lac Yum. Jini jach yom mi la' c'uxbin. Melela chuqui yom. Che' jini mux i coltañetla loq'uel ti' wenta jini filisteojob, che'en.

1 Samuel 7:6

Che' bʌ tsi' tempayob i bʌ pejtelel israelob ya' ti Mizpa, tsi' luchuyob loq'uel ja'. Tsi' beq'ueyob ti' tojlel lac Yum. Jump'ejl q'uin tsi' cha'leyob ch'ajb. Tsi' subuyob i mul: Tsa'ix lac cha'le mulil ti' contra lac Yum, che'ob. Samuel tsi' cha'le meloñel ti' tojlel israelob ya' ti Mizpa.