Joel 2:11 - Chol: I T’an Dios

¹¹ Lac Yum mi' pʌyob tilel ti c'am bʌ t'an che' bajche' p'ʌtʌlo' bʌ soldadojob i cha'an. Mi' jac'beñob i t'an. Come bʌbʌq'uen jax i Q'uiñilel lac Yum. ¿Majqui mi mejlel i cuch?

Chol de Tumbalá Bible

¹¹ Lac Yum mi' pʌyob tilel ti c'am bʌ t'an che' bajche' p'ʌtʌlo' bʌ soldadojob i cha'an. Mi' jac'beñob i t'an. Come bʌbʌq'uen jax i Q'uiñilel lac Yum. ¿Majqui mi mejlel i cuch?

Joel 2:11 Iomraidhean Croise

Salmos 18:14

Tsi' choco tac tilel chajc, Tsi' yajñesa j contrajob. Cabʌl tsa' tojmi chajc, tsi' pucuyob.

Salmos 46:6

Mi' mich'añob yumʌlob ti pañimil. Woli' chilbentelob i yumʌntel. Mi' toj sajtel i pusic'al jini año' bʌ ti pañimil, Che' mi' cha'len t'an Dios.

Salmos 68:18

Tsa'ix letsi ti chan. Tsa'ix i pʌyʌyob majlel jini cʌchʌlo' bʌ. Tsa'ix i taja i majtan tac cha'an mi' yʌq'ueñob winicob, Yic'ot jini mu' bʌ i ñusañob i t'an. Wʌ' mi caj i yajñel lac Yum Dios la quic'ot.

Isaias 13:4

Ubinla, ju'ucñayob ti t'an bajc'ʌl soldadojob ya' ti wits. Jiñʌch i t'an cabʌl colem tejclum tac woliyo' bʌ ti xʌmbal. I Yum Panchan yic'ot Pañimil tsa'ix i pʌyʌyob tilel loq'uemo' bʌ ti colem tejclum tac ti ñajtʌl. Jiñobʌch i ye'tijib lac Yum mu' bʌ caj i c'ʌn ti la' contra añet bʌ la ti Babilonia. Mi caj i jisan pejtel la' lumal ti' mich'lel.

Isaias 42:13

Lac Yum mi' loq'uel ti guerra che' bajche' p'ʌtʌl bʌ soldado. Mi' bʌx'an ti' ye'tel. C'am mi' cha'len oñel cha'an mi' chajpañob i bʌ i pi'ʌlob. Mi' mʌjlel i cha'an ti' tojlel i contrajob.

Isaias 7:18

Ti jim bʌ ora lac Yum mi caj i wets' tilel che' bajche' jaj jini winicob año' bʌ ti Egipto yic'ot año' bʌ ti Asiria. Jomjomña mi caj i tilelob che' bajche' i chʌñil chab.

Jeremias 25:30

Jini cha'an mi caj a cha'len subt'an cha'an ma' tsictesʌbeñob ili wocol mu' bʌ caj i jisañob che' bajche' wolic subeñet. Subeñob: “Lac Yum mi' cajel ti c'am bʌ t'an che' bajche' bajlum. Ya' ba' chumul ti chan ti ch'ujul bʌ i chumlib mi caj i yʌc' i t'an ti' contra Judá. Mi' caj ti oñel che' bajche' winicob mu' bʌ i pets'ob loq'uel i ya'lel ts'usub. C'am i t'an ti' contra pejtel chumulo' bʌ ti pañimil.

Jeremias 30:7

Obolob i bʌ cha'an tsa'ix tili i q'uiñilel ñuc bʌ wocol. Ti pejtelel ora ma'anic yambʌ che' bajche' jini. I yorajlelix mi' yubin wocol Jacob, pero mux caj i coltʌntel.

Jeremias 50:34

Wen p'ʌtʌl i yaj coltaya, i Yumʌch Panchan yic'ot Pañimil. Che'ʌch i c'aba'. Mi caj i coltañob cha'an mi' loq'uelob ti' p'ʌtʌlel i yumob, cha'an mi' cha' ñʌjch'el pañimil, pero jini caldeojob mi caj i yubiñob wocol.

Ezequiel 22:14

¿Ch'ejl ba la' pusic'al ti jim bʌ ora che' mic tilel c meletla? Joñon la' Yumon tsac subeyetla. Mi caj c ts'ʌctesan, che'en lac Yum.

Joel 1:15

Aya, talix jini q'uin che' mi caj i cha'len meloñel Dios. Talix jini q'uin che' mi caj i cha'len jisaya jini Mach bʌ Anic i P'isol i P'ʌtʌlel.

Joel 1:6

Come wen cabʌl jini jontol bʌ sajc' tic lum, mach mejlic ti tsijquel. Jay i yej bajche' i yej bajlum.

Joel 2:1

Wusula trompeta ya' ti Jerusalén cha'an mi' ch'ojyelob. La' ch'ojyicob ya' ti ch'ujul bʌ wits c cha'an. La' i yubiñob tsiltsilñʌyel ti bʌq'uen ti pejtelelob, come lʌc'ʌlix tal i q'uiñilel lac Yum.

Joel 2:2

Jiñʌch i yorajlel i yi'ic'lel yic'ot ic'yoch'an bʌ pañimil, cabʌl tocal yic'ot i'ic' bʌ pañimil. Mi caj i tilel cabʌl sajc' mu' bʌ caj i mos jini wits tac che' bajche' ic'yoch'an bʌ pañimil. Wen ñucob, wen p'ʌtʌlob. Maxto anic ba' tsa' tsictiyi che' bajche' jini. Ma'anix mi caj i cha' tilel yambʌ lajal bʌ c'ʌlʌl ti' jilibal pañimil. Jiñʌch i cajibal i q'uiñilel lac Yum.

Joel 2:25

Mi caj c cha' aq'ueñetla i cuch jini cholel tsa' bʌ i jisa jini sajc' ti chajp ti chajp che' bʌ tsac choco tilel ti la' contra che' bajche' soldadojob.

Joel 2:31

Jini q'uin mi caj i mʌjquel i wut. Mi caj i chʌc'an i wut jini uw che' talix jini ñuc bʌ q'uin, jini bʌbʌq'uen bʌ i Q'uiñilel lac Yum.

Joel 3:14

Bajc'ʌl winicob x'ixicob añobix ti joctʌl Melobʌjʌl. Come lʌc'ʌlix tal i Q'uiñilel lac Yum ya' ti Joctʌl Ba' Mi Caj i Melob i Bʌ.

Joel 3:16

Lac Yum mi caj i cha'len c'am bʌ t'an ya' ti' Templo ti Jerusalén. Mi caj i tilel yujquel lum. Mi caj i ñijcʌyel panchan. Pero wen uts lac Yum ti' tojlel i cha'año' bʌ. I xuctilelʌch jini israelob.

Amos 1:2

Tsa' caji' yʌl: Lac Yum mi' cha'len t'an ya' ti Sion che' bajche' i t'an bajlum. Mi' cha'len c'am bʌ t'an ti Jerusalén. Jini cha'an obol i bʌ jini potrero tac. Tsa' caji ti tiquin i pam wits i c'aba' Carmelo, che'en.

Amos 5:18

Obol i bʌ majqui jach yom i q'uel i Q'uiñilel lac Yum. ¿Bajche' mi caj i coltañetla i Q'uiñilel lac Yum? Jiñʌch ic'ch'ipan bʌ pañimil, mach jinic i sʌclel pañimil.

Amos 5:20

An ic'ch'ipan bʌ pañimil ti' Q'uiñilel lac Yum. Ma'anic i sʌclel pañimil, wen ic'yoch'an bʌ.

Abdias 1:15

Mach jalix mi caj i tilel i q'uiñilel la' Yum ti' tojlel winicob x'ixicob ti pejtelel lum. Che' bajche' tsa' la' mele, mi caj la' melbentel. Mi caj la' q'uextʌbentel la' melbal.

Nahum 1:6

Ma'anic majqui mi' mejlel ti wa'tʌl ti' tojlel i mich'lel lac Yum. Ma'anic majqui mi mejlel i cuchben i mich'lel. Come ticʌw che' bajche' c'ajc. Mi' bic'ti tojp'ejl xajlel cha'an ti' mich'lel.

Malaquias 3:2

¿Majqui mi mejlel i q'uel che' mi' tilel? ¿Majqui mi' mejlel ti wa'tʌl ti' tojlel? Come lajalʌch bajche' c'ajc mu' bʌ i sʌq'uesan sʌsʌc taq'uin. Lajalʌch bajche' xapom mu' bʌ i loq'uesan i bibi'lel pisil.

Numeros 24:23

Balaam tsi' yʌlʌ yambʌ t'an: Wen bʌbʌq'uen jax, ¿majqui mi caj i cʌytʌl che' mi' mel Dios iliyi? Ma'anic majqui.

1 Tesalonicenses 4:16

Come jini lac Yum mi caj i jubel tilel ti panchan. Mi caj i cha'len mandar. Jini ñuc bʌ ángel mi' caj ti t'an yic'ot ja'el i trompeta Dios. Ñaxan mi' cajelob ti ch'ojyel jini chʌmeño' bʌ i cha'año' bʌ Cristo.

Apocalipsis 18:8

Jini cha'an ti jump'ejl jach q'uin mi caj i tilel cabʌl i wocol. Mi caj i chʌmel, mi caj i cha'len uq'uel, mi caj i yubin wi'ñal. Mi caj i pulel ti c'ajc, come p'ʌtʌl lac Yum Dios mu' bʌ i mel Babilonia.

Apocalipsis 6:17

Come tsa'ix tili ñuc bʌ i q'uiñilel i mich'ajel. ¿Majqui mi mejlel i cuch? che'ob.