Joel 2:1 - Chol: I T’an Dios

¹ Wusula trompeta ya' ti Jerusalén cha'an mi' ch'ojyelob. La' ch'ojyicob ya' ti ch'ujul bʌ wits c cha'an. La' i yubiñob tsiltsilñʌyel ti bʌq'uen ti pejtelelob, come lʌc'ʌlix tal i q'uiñilel lac Yum.

Chol de Tumbalá Bible

¹ Wusula trompeta ya' ti Jerusalén cha'an mi' ch'ojyelob. La' ch'ojyicob ya' ti ch'ujul bʌ wits c cha'an. La' i yubiñob tsiltsilñʌyel ti bʌq'uen ti pejtelelob, come lʌc'ʌlix tal i q'uiñilel lac Yum.

Joel 2:1 Iomraidhean Croise

1 Cronicas 15:28

Che'ʌch tsi' ch'ʌmʌyob tilel jini Arca ti Jerusalén jini año' bʌ i ye'tel ti Israel. Tsi' cha'leyob c'am bʌ t'an ti' tijicñʌyel i pusic'al. Tsi' wusuyob trompeta tac. Tsi' jats'ʌyob címbalo tac, yic'ot arpa tac, yic'ot salterio.

Salmos 119:120

Tsiltsilñayon come mic bʌc'ñañet. Mic bʌc'ñañet che' ma' cha'len meloñel.

Salmos 87:1

C'ʌcʌl i tejclum Dios ti ch'ujul bʌ bujtʌl.

Exodo 10:14

Jini sajc' tsa' wen pujqui ti pejtelel i lumal egiptojob. Mulmulña ti pejtelel i lumal. Ti yambʌ ora ma'anic sajc' lajal bajche' iliyi. Ma'anic ba' ora mi caj i cha' tilel yambʌ lajal bʌ.

Isaias 13:6

Cha'lenla oñel cha'an bʌbʌq'uen jax jini p'ʌtʌl bʌ Dios, come lʌc'ʌlix i yorajlel mi caj i jisañetla.

Isaias 13:9

Come talix i q'uiñilel lac Yum. Jiñʌch bʌbʌq'uen bʌ q'uin che' mi' pʌs i mich'ajel. Mi caj i jisan pejtel chuqui an ti pañimil yic'ot xjontolilob ja'el.

Isaias 2:12

Ti jim bʌ q'uin i Yum Panchan yic'ot Pañimil mi caj i tech meloñel ti' contra pejtelel jini ñuco' bʌ yic'ot jini chaño' bʌ yic'ot jini xñusa t'añob, cha'an mi' ju'sʌbeñob i pusic'al.

Isaias 66:2

Pejtelel iliyi joñon tsac mele yic'ot j c'ʌb. Tsa' jach caji ti ajñel cha'an jach com, che'en lac Yum. Majqui jach uts i pusic'al mi caj j q'uel ti uts'at. Che' ju'sʌbilix i pusic'al mi' bʌc'ñañon, mi' jac'beñon c t'an.

Isaias 66:5

Ubinla c t'an pejteleletla mu' bʌ la' bʌc'ñañon, mu' bʌ la' jac'beñon c t'an. La' pi'ʌlob mi' ts'a'leñetla. Mi' choquetla loq'uel ti' tojlelob cha'an c'ux mi la' wubin j c'aba'. Mi' wajleñetla: “La' i pʌs i ñuclel lac Yum. La' ñuc'ac la' pusic'al ti lac Yum”, che'ob. Pero mi caj i yʌjq'uelob ti quisin, che'en lac Yum.

Jeremias 16:10

Che' ma' subeñob pejtel iliyi mi caj i yʌlob: “¿Chucoch tsi' ña'ta i jisañon lojon lac Yum? ¿Chuqui c mul lojon? ¿Chuqui tsac tumbe lojon c Yum Dios?” che'ob.

Jeremias 16:7

Ma'anic majqui mi caj i chocbeñob caxlan waj jini woliyo' bʌ ti uq'uel. Ma'anic majqui mi caj i yʌq'ueñob i jap vino cha'an mi' ñʌjch'el i pusic'al meba'ob cha'an chʌmenix i tat i ña'.

Jeremias 4:5

Subeñob jini año' bʌ ti Judá yic'ot ti Jerusalén: “Wusula jini trompeta ti pejtelel la' lumal. Cha'lenla c'am bʌ t'an. Tempan la' bʌ ti la' pejtelel. Conla ti ochel ti ts'ajquibil bʌ tejclum tac”. Che' yom ma' subeñob.

Jeremias 5:22

¿Chucoch ma'anic mi la' bʌc'ñañon? che'en lac Yum. ¿Chucoch mach tsiltsilñayeticla tic tojlel? Tsa cʌc'ʌ jini ji'il che' bajche' bujtʌl ti' ti'il colem ja' cha'an ya' jaxʌl mi' c'otel ja'. Mach mejlic ti ñumel ti pejtelel ora anquese we'ecña ja', anquese chan mi' mel i bʌ. Wersa mi' jac'beñon c t'an.

Ezequiel 12:23

Jini cha'an subeñob: “Lac Yum Dios woli' yʌl: Mi caj cʌc' ti ñajʌyel ili t'an. Ma'anix ba' ora mi' cajel ti chʌn ajlel, come tsa' c'oti i yorajlel che' mi caj i lu' ts'ʌctiyel che' bajche' tsa cʌlʌ.

Ezequiel 21:12

Cha'len uq'uel, i yalobil winic. Cha'len c'am bʌ t'an yic'ot uq'uel, come mi caj i tsʌnsʌntelob ti espada c tejclumob yic'ot jini año' bʌ i ye'tel ti Israel. Ti pejtelelob mi caj i jilelob ti espada.

Ezequiel 30:3

Come mach jalix mi caj i tilel i q'uiñilel lac Yum. C'ax ch'ijiyem jax jini q'uin che' mi caj i yubiñob wocol winicob ti pejtelel pañimil.

Ezequiel 33:3

Che' mi' q'uel jini soldadojob woli bʌ i tilelob, la' i wus jini trompeta cha'an mi' tsictesʌbeñob i pi'ʌlob.

Ezequiel 33:6

Pero mi ma'anic tsi' wusu jini trompeta jini xcʌntaya cha'an mi' tsictesan ba' ora tsi' q'uele jini soldadojob, an i mul. Che' jini che' an majch mi' tsʌnsʌntel, mi' tsʌnsʌntel cha'an i bajñel mul, pero mi caj cʌq'uen i toj jini xcʌntaya”. Che'ʌch yom ma' subeñob.

Ezequiel 7:10

Awilan, tsa'ix c'oti i yorajlel. Woli' pʌs i bʌ la' contra. Ch'ejl la' pusic'al. Mi la' lon ña'tan lajal la' yumʌntel che' bajche' i te' Aarón woli bʌ ti ñich.

Ezequiel 7:12

Tsa'ix c'oti i yorajlel, tsa'ix lʌc'tiyi i q'uiñilel. Mach i mel i pusic'al jini mu' bʌ i chon lum. Mach i tijicñesan i pusic'al jini tsa' bʌ i mʌñʌ. Come tal i mich'ajel Dios ti' tojlelob.

Daniel 9:16

C Yum, cujil lojon cabʌl ma' cha'len p'untaya. Jini cha'an la' lajmic a mich'ajel ti' tojlel a tejclum Jerusalén, come jiñʌch ch'ujul bʌ a wits. Come ti pejtelel pañimil mi' wajleñob Jerusalén cha'an ti' caj c mul lojon, ti' caj i mul c ñojte'el lojon.

Daniel 9:20

Che' woliyon to ti oración, wolic tsictesan c mul yic'ot i mul c pi'ʌlob ti Israel. Wolij c'ajtiben lac Yum Dios cha'an mi' coltan jini ch'ujul bʌ wits, Jerusalén.

Oseas 5:8

Wusula trompeta. Nijcanla ch'ojyel winicob ya' ti Gabaa, yic'ot ti Ramá, yic'ot ti Betavén. La' i cha'leñob bʌq'uen jini chumulo' bʌ ti Benjamín.

Oseas 8:1

Wusu jini trompeta, come talob a contrajob che' bajche' xta'jol. Talob i jisan c cha'año' bʌ cha'an tsi' jemeyob jini trato bʌ c t'an. Tsi' wersa ñusayob c mandar.

Joel 1:15

Aya, talix jini q'uin che' mi caj i cha'len meloñel Dios. Talix jini q'uin che' mi caj i cha'len jisaya jini Mach bʌ Anic i P'isol i P'ʌtʌlel.

Joel 2:11

Lac Yum mi' pʌyob tilel ti c'am bʌ t'an che' bajche' p'ʌtʌlo' bʌ soldadojob i cha'an. Mi' jac'beñob i t'an. Come bʌbʌq'uen jax i Q'uiñilel lac Yum. ¿Majqui mi mejlel i cuch?

Joel 2:15

Wusula jini trompeta ya' ti Sion. Tempanla winicob x'ixicob. Subeñob cha'an mi' cha'leñob ch'ajb.

Joel 2:31

Jini q'uin mi caj i mʌjquel i wut. Mi caj i chʌc'an i wut jini uw che' talix jini ñuc bʌ q'uin, jini bʌbʌq'uen bʌ i Q'uiñilel lac Yum.

Joel 3:14

Bajc'ʌl winicob x'ixicob añobix ti joctʌl Melobʌjʌl. Come lʌc'ʌlix tal i Q'uiñilel lac Yum ya' ti Joctʌl Ba' Mi Caj i Melob i Bʌ.

Joel 3:17

Mi caj la' cʌñon la' Yumon, la' Dioson, che'en. Wʌ' chumulon ti Sion jini ch'ujul bʌ wits c cha'an. Jerusalén c cha'añʌch ti pejtelel ora. Tal i yorajlel ma'anix mi caj i chʌn ñumelob soldadojob ch'oyolo' bʌ ti ñajtʌl.

Amos 3:6

Che' mi' wustʌl trompeta ti tejclum, ¿mach ba anic mi' cajelob ti bʌq'uen jini tejclumob? Che' mi' tilel wocol ti tejclum, ¿mach ba tilemic ti lac Yum? che'en.

Amos 5:18

Obol i bʌ majqui jach yom i q'uel i Q'uiñilel lac Yum. ¿Bajche' mi caj i coltañetla i Q'uiñilel lac Yum? Jiñʌch ic'ch'ipan bʌ pañimil, mach jinic i sʌclel pañimil.

Amos 8:2

Tsi' subeyon: Amós, ¿chuqui wola' q'uel? che'en. Tsac sube: Jump'ejl chiquib but'ul ti c'ʌnix bʌ i wut te', cho'on. Lac Yum tsi' subeyon: Jiñʌch i yejtal c tejclum Israel. I yorajlelix mi' jisʌntelob anquese c cha'añob. Ma'anix mi caj c cha' ñusʌbeñob i mul.

Abdias 1:15

Mach jalix mi caj i tilel i q'uiñilel la' Yum ti' tojlel winicob x'ixicob ti pejtelel lum. Che' bajche' tsa' la' mele, mi caj la' melbentel. Mi caj la' q'uextʌbentel la' melbal.

Sofonias 1:14

Lʌc'ʌlix jini bʌbʌq'uen bʌ q'uin. Mach jalix mi' tilel. Wen bʌc'ñʌbil i t'an lac Yum ti jini q'uin. C'am mi' cajelob ti oñel jini ch'ejlo' bʌ.

Sofonias 1:16

I q'uiñilelʌch guerra che' mi' wustʌl jini trompeta, come bʌbʌq'uen mi' jilelob jini wen p'ʌtʌl bʌ tejclum.

Sofonias 1:7

Ñʌjch'enla ti' tojlel lac Yum Dios, come lʌc'ʌlix jini q'uin che' mi caj i cha'len meloñel lac Yum. Mi caj i yʌc'ob ti tsʌnsʌntel i tejclumob. Yajcʌbilob mu' bʌ caj i cha'leñob tsʌnsa.

Sofonias 3:11

Ti jim bʌ q'uin ma'anix mi caj la' wubin quisin cha'an pejtel chuqui tsa' la' mele che' bʌ tsa' la' contrajiyon. Ti jim bʌ ora mi caj c jisan jini chan bʌ mi' melob i bʌ. Che' jini ma'anix ti la' tojlel majqui mi' chañ'esan i bʌ ti ch'ujul bʌ c wits.

Zacarias 14:1

Yom yʌxʌl la' wo, come lʌc'ʌlix i q'uiñilel lac Yum. Ti jim bʌ ora lac Yum mi caj i tempan cabʌl tejclumob cha'an mi' cha'leñob guerra ti' contra Jerusalén. Wersa mi caj i ch'ʌjmel ili tejclum. Mi caj i laj chilbentelob i chubʌ'an. Mi caj i tic'lʌntelob jini x'ixicob. Ojlil jini winicob x'ixicob mi caj i cʌjchelob majlel. Ojlil mi caj i cʌytʌlob ti tejclum.

Zacarias 8:3

Mi caj c cha' sujtel ti Jerusalén cha'an mic chumtʌl ya'i. Che' jini mi caj i pejcʌntel Jerusalén ti xuc'ul bʌ Tejclum, Ch'ujul bʌ Wits, jini Wits i cha'an i Yum Panchan yic'ot Pañimil, che'en.

Malaquias 4:1

Chʌcʌ q'uele la' bʌ, che'en i Yum Panchan yic'ot Pañimil, come tal i q'uiñilel meloñel che' mi' caj ti pulel c'ajc che' bajche' ti horno. Pejtel mu' bʌ i chañ'esañob i bʌ yic'ot jini jontolo' bʌ mi caj i pulelob che' bajche' tiquin bʌ jam. Mi caj i lu' jilelob che' bajche' te' yic'ot pejtel i c'ʌb yic'ot pejtel i wi'.

Numeros 10:3

Che' mi la' wus jini cha'p'ejl trompeta, mux i ña'tañob jini israelob cha'an woli a pʌyob, cha'an mi' tempañob i bʌ la' wic'ot ya' ti' ti' jini Tabernáculo.

1 Corintios 14:8

Mi mach uts'atic mi' loq'uel i t'an trompeta, ¿majqui mi caj i chajpan i bʌ cha'an guerra?

Filipenses 2:12

Jini cha'an hermanojob, c'uxbibil bʌ c cha'an, che' bajche' tsa' la' jac'beyon che' ya' to añon la' wic'ot, ñumen wen woli la' jac' wʌle che' mach ya'ic añon. Ti' tsiltsilñʌyel la' pusic'al yic'ot bʌq'uen yom mi la' chʌn cha'len chuqui uts'at cha'an mi' tsictiyel woli la' coltʌntel.

1 Tesalonicenses 5:2

La' wujil mi caj i tilel i q'uiñilel lac Yum che' bajche' xujch' ti ac'ʌlel.

Santiago 5:8

Che'ʌch yom mi la' cha'len pijt ti' ñʌch'tʌlel la' pusic'al. Xuc'chocon la' pusic'al come lʌc'ʌlix jini q'uin che' mi' tilel lac Yum.

1 Pedro 4:7

Lʌc'ʌlix i jilibal pejtelel chuqui tac an. Jini cha'an yom mi la' wen ña'tan pañimil. Chʌcʌ q'uele la' bʌ, cha'lenla oración.

Apocalipsis 6:17

Come tsa'ix tili ñuc bʌ i q'uiñilel i mich'ajel. ¿Majqui mi mejlel i cuch? che'ob.