Joel 1:9 - Chol: I T’an Dios

⁹ Jilemix i wut jam yic'ot i ya'lel ts'usub mu' bʌ i ch'ʌmob ochel ti mal Templo cha'an i majtan lac Yum. Jatetla motomajob, x'e'telet bʌ la i cha'an lac Yum, yom mi la' mel la' pusic'al.

Chol de Tumbalá Bible

⁹ Jilemix i wut jam yic'ot i ya'lel ts'usub mu' bʌ i ch'ʌmob ochel ti mal Templo cha'an i majtan lac Yum. Jatetla motomajob, x'e'telet bʌ la i cha'an lac Yum, yom mi la' mel la' pusic'al.

Joel 1:9 Iomraidhean Croise

2 Cronicas 13:10

Pero lac Yum jiñʌch cuxul bʌ Dios. Ma'anic wolij cʌy lojon. Jini motomajob woli bʌ i cha'leñob i ye'tel ti' tojlel lac Yum jiñobʌch i yalobilob Aarón, jini levíjob.

Exodo 28:1

Yom ma' wa'chocon Aarón yic'ot i yalobilob cha'an mi' coltañetob. Yom mi' melbeñoñob que'tel jini motomajob. Jiñʌch Aarón, Nadab, Abiú, Eleazar, yic'ot Itamar i yalobil Aarón.

Isaias 61:6

Jixcu jatetla mi caj la' pejcʌntel ti “motomajob i cha'an lac Yum” yic'ot “x'e'telob i cha'an Dios”. Jini wen chumulo' bʌ ti yan tac bʌ lum mi caj i yʌq'ueñet la' majtan. Mi caj i wen p'ojlel la' chubʌ'an. Wen ñuc mi caj la' q'uejlel.

Lamentaciones 1:16

Jini cha'an mic cha'len uq'uel. Cabʌl i ya'lel c wut. Ma'anic caj coltaya mu' bʌ i tijicñesan c pusic'al. Meba'obix calobilob yilal. Añobʌch ti' wenta j contrajob.

Lamentaciones 1:4

Ch'ijiyem pejtel i bijlel Jerusalén. Ma'anix mi' chʌn letselob ti tejclum ti mojt ti mojt cha'an tijicña mi' melob q'uin. Jejmenix i ti'. Ch'ijiyem i pusic'al jini motomajob. Tic'lʌbilob tsa' pʌjyiyob majlel jini xch'ocob.

Oseas 9:4

Ya'i mach chʌn mejlix la' wʌq'uen i majtan la' Yum. Ma'anic mi caj i mulan i majtan mu' bʌ la' wʌq'uen ya'i. Come bibi' ti' wut che' bajche' we'elʌl ti' yotlel ch'ujlelʌl. Bibi'ob pejtel mu' bʌ i c'uxob. Mi mejlel i c'uxob come i bʌlʌch i ñʌc', pero mach mejlic i yʌq'ueñob Dios.

Joel 1:13

Motomajob, yom mi la' lʌp coxtal cha'an i ch'ijiyemlel la' pusic'al. I winiquet bʌ la Dios, ñusanla ac'ʌlel ti uq'uel ba'an pulʌntib, come ma'anix trigo yic'ot i ya'lel ts'usub cha'an mi la' wʌq'uen i majtan Dios.

Joel 1:16

Jini i bʌl lac ñʌc' tsa'ix jili ti lac wut. Tsa'ix jili ja'el i tijicñʌyel yic'ot i ñʌch'tilel lac pusic'al ya' ti Templo.

Joel 2:14

Tic'ʌl mi che' jini ma'anic mi caj i choquetla. Tic'ʌl mi caj i yʌq'ueñetla i yutslel i pusic'al lac Yum cha'an mi la' cha' aq'uen trigo yic'ot i ya'lel ts'usub.

Joel 2:17

Jini motomajob mu' bʌ i melbeñob i ye'tel Dios mi caj i wa'tʌlob ti' ts'ejts'ejtʌl i pulʌntib i majtan Dios ti' tojlel winicob x'ixicob. La' i cha'leñob uq'uel che' mi' melob oración. La' i yʌlob: C Yum lojon, ñusʌbeñob i mul jini winicob x'ixicob. Mach ma' wʌc'ob ti' wenta jini sajtemo' bʌ cha'an mi' tse'tañob, come a cha'añobʌch. Mach yomic mi' yʌjq'uelob ti quisin ti' tojlel jini ñajt bʌ chumulob mu' bʌ i lon alob: “¿Bacan i Dios?” che'ob. Che'ʌch yom mi' pejcañob Dios jini motomajob.