Joel 1:8 - Chol: I T’an Dios

⁸ Cha'lenla uq'uel che' bajche' jini c'ajtibil bʌ xch'oc che' mi' chʌmel jini ch'iton winic woli bʌ i c'ajtin.

Chol de Tumbalá Bible

⁸ Cha'lenla uq'uel che' bajche' jini c'ajtibil bʌ xch'oc che' mi' chʌmel jini ch'iton winic woli bʌ i c'ajtin.

Joel 1:8 Iomraidhean Croise

Proverbios 2:17

Jini x'ixic mi' cʌy i ñoxi'al tsa' bʌ i pʌyʌ che' bʌ xch'oc to. Mi' ñajʌyel ti' pusic'al chuqui tsi' yʌlʌ ti' tojlel Dios che' bʌ tsi' cha'le ñujpuñijel yic'ot i ñoxi'al.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Isaias 32:11

Cha'lenla bʌq'uen x'ixicob mu' bʌ la' to'ol ñusan q'uin. Yom mi' toj sajtel la' pusic'al chan bʌ mi la' mel la' bʌ. Cha'lenla uq'uel. Jochola i t'ojol jax bʌ la' pislel cha'an mi la' lʌp coxtal.

Jeremias 3:4

Ujtel to tsa' pejcayon: “C tatet c'ʌlʌl che' xch'ocon to, c'ʌlʌl wʌle c pi'ʌlet.

Lamentaciones 1:4

Ch'ijiyem pejtel i bijlel Jerusalén. Ma'anix mi' chʌn letselob ti tejclum ti mojt ti mojt cha'an tijicña mi' melob q'uin. Jejmenix i ti'. Ch'ijiyem i pusic'al jini motomajob. Tic'lʌbilob tsa' pʌjyiyob majlel jini xch'ocob.

Amos 8:10

Mi caj c sutq'uin la' q'uiñijel ti ch'ijiyem. Mi caj la' cʌy la' c'ay cha'an uq'uel. Mi caj cʌq'ueñetla la' xoj coxtal ti la' pejtelel. Mi caj cʌc' ti bojquel la' jol. Mi caj la' cha'len uq'uel che' bajche' jini mu' bʌ i yuc'tan coj bʌ i yalobil. Che'ʌch mi caj la' wujtel ti' q'uiñijel la' wocol. Wen ch'aj mi caj la' wubin.

Malaquias 2:15

Lac Yum tsi' yotsayetla ti juntiquil jach yic'ot la' wijñam. Cha'an ti' ña'tʌbal Dios tsa' ochiyetla ti juntiquil jach ti' wut Dios che' bʌ tsa' la' cha'le ñujpuñijel. ¿Chuqui yom Dios? Yom alʌlob ti la' tojlel mu' bʌ caj i ch'ujutesañob. Jini cha'an cʌntan la' bʌ. Xuc'ul yom mi la' wajñel la' wic'ot la' wijñam tsa' bʌ la' pʌyʌ che' ch'itoñet to la.

Santiago 5:1

Ubinla wen chumulet bʌ la. Cha'lenla uq'uel, cha'lenla oñel cha'an jini wocol mu' bʌ caj i tajetla.