Joel 1:2 - Chol: I T’an Dios

² Ubinla, jatetla anix bʌ la' jabilel. Ñich'tanla ti la' pejtelel, chumulet bʌ la ti' lumal Judea. Ma'anic ba' ora tsa' la' wubi ili t'an c'ʌlʌl che' alʌlet to la. Ma'anic ba' ora tsi' yubiyob la' ñojte'elob.

Chol de Tumbalá Bible

² Ubinla, jatetla anix bʌ la' jabilel. Ñich'tanla ti la' pejtelel, chumulet bʌ la ti' lumal Judea. Ma'anic ba' ora tsa' la' wubi ili t'an c'ʌlʌl che' alʌlet to la. Ma'anic ba' ora tsi' yubiyob la' ñojte'elob.

Joel 1:2 Iomraidhean Croise

Job 12:12

Añob cabʌl i pusic'al jini ñoxobix bʌ. Mi' wen ch'ʌmbeñob isujm.

Job 15:10

Tic tojlel lojon an ñoxobix bʌ ja'el, sʌcobix i jol, ñumeñobix bʌ i jabilel che' bajche' a tat.

Job 21:7

¿Chucoch tijicña i pusic'al mi' jal'añob ti pañimil jini jontolo' bʌ? C'ʌlʌl c'oc'ob to che' ñoxobix. Añʌch i ñuclel yic'ot i p'ʌtʌlel.

Job 8:8

C'ajtesan i cʌntesʌbal a tatob año' bʌ ti oñiyi. Cabʌl i ña'tʌbal ajñel. Ti' tojlel lac tat maxto anic lac pusic'al.

Salmos 49:1

Winicob x'ixicob, ubinla iliyi ti pejteletla. Pejtel xchumtʌlob ti pañimil, ñich'tanla.

Isaias 34:1

Lʌc'tesan la' bʌ winicob ti pejtelel pañimil cha'an mi la' wubin c t'an. La' i ñich'tañob jini chumulo' bʌ ti pejtelel pañimil, yic'ot pejtelel i p'olbal ti jujump'ejl lum.

Isaias 7:17

Lac Yum mi caj i chocbeñet tilel cabʌl wocol ti a tojlel yic'ot ti' tojlel a pi'ʌlob yic'ot pejtelel año' bʌ ti a tejclum. Ma'anic ba' ora q'uelel a cha'an wocol che' bajche' iliyi c'ʌlʌl che' bʌ tsi' t'oxo i bʌ Israel yic'ot Judá. Jini rey am bʌ ti Asiria mi caj i tilel yic'ot i soldadojob.

Jeremias 30:7

Obolob i bʌ cha'an tsa'ix tili i q'uiñilel ñuc bʌ wocol. Ti pejtelel ora ma'anic yambʌ che' bajche' jini. I yorajlelix mi' yubin wocol Jacob, pero mux caj i coltʌntel.

Jeremias 5:21

Ñich'tanla ti la' pejtelel. Tontojetla. Ma'anic la pusic'al. An la' wut pero ma'anic mi' c'otel la' wut. An la' chiquin, pero ma'anic mi la' wubin t'an.

Daniel 12:1

Ti ora mi cajel i tsictiyel Miguel, jini ñuc bʌ ángel mu' bʌ i cʌntan a pi'ʌlob ti Israel. I tejchibalix i yorajlel cabʌl wocol. Ti oñiyi c'ʌlʌl wʌle ma'anic ba' ora tsi' yubiyob ñuc bʌ wocol che' bajche' iliyi. Ti jimbʌ ora mi caj i coltʌntelob pejtel a pi'ʌlob ts'ijbubilo' bʌ i c'aba' ti' jun Dios.

Oseas 4:1

Israelob, yom mi la' ñich'tʌben i t'an lac Yum. Lac Yum woli' tsictesʌbeñet la' mul: Ma'anic i xuc'tilel la' pusic'al. Ma'anic la' wutslel. Ma'anic mi la' cʌn Dios.

Oseas 5:1

Ñich'tanla jini t'an, motomajob yic'ot yumʌlob ti Israel, yic'ot jini rey yic'ot i pi'ʌlob. Ti pejteletla mi caj la' toj la' mul, come tsa' la' soco winicob x'ixicob ya' ti Mizpa yic'ot ti Tabor. Tsa' la' cʌntesayob lot cha'an mi' ch'ujutesañob dioste' tac.

Joel 1:14

Tempanla winicob x'ixicob. Subeñob cha'an mi' cha'leñob ch'ajb. Pʌyʌla tilel ti pejtelob yic'ot añobix bʌ i jabilel ya' ti' Templo lac Yum Dios. Cha'lenla uq'uel ti' tojlel lac Yum.

Joel 2:2

Jiñʌch i yorajlel i yi'ic'lel yic'ot ic'yoch'an bʌ pañimil, cabʌl tocal yic'ot i'ic' bʌ pañimil. Mi caj i tilel cabʌl sajc' mu' bʌ caj i mos jini wits tac che' bajche' ic'yoch'an bʌ pañimil. Wen ñucob, wen p'ʌtʌlob. Maxto anic ba' tsa' tsictiyi che' bajche' jini. Ma'anix mi caj i cha' tilel yambʌ lajal bʌ c'ʌlʌl ti' jilibal pañimil. Jiñʌch i cajibal i q'uiñilel lac Yum.

Amos 3:1

Winicob x'ixicob ti Israel, ubinla ili t'an tsa' bʌ i yʌlʌ lac Yum ti la' contra yic'ot ti' contra pejtel la' pi'ʌlob año' bʌ ti Israel: Tsac pʌyʌyetla loq'uel ti' lumal Egipto.

Amos 4:1

Ubinla ili t'an, x'ixicob chumulo' bʌ ti' chañelal Samaria. Jujp'emetla bajche' ña' wacax am bʌ ti Basán, come woli la' chilben i chubʌ'an jini p'ump'uño' bʌ. Mi la' tic'lan jini pobrejob. Mi la' suben la' ñoxi'al: “Ch'ʌmbeñon tilel lembal cha'an mic jap”, che'etla.

Amos 5:1

Ubinla ili t'an woli bʌ c sub ti la' contra, winicob x'ixicob ti Israel. Jiñʌch ch'ijiyem bʌ t'an.

Miqueas 1:2

Ubinla jini t'an winicob x'ixicob ti pejtelel tejclum tac ti pañimil. Wʌ'an lac Yum ti ch'ujul bʌ Templo i cha'an. Woli ti t'an ti la' contra.

Miqueas 3:1

Ñich'tanla, yumʌlet bʌ la ti' tojlel israelob. An ti la' wenta cha'an mi la' ña'tan chuqui tac toj.

Miqueas 3:9

Ñich'tanla che' jini, yumʌlet bʌ la ti Israel. Mi la' ts'a'len chuqui tac toj. Mi la' soc jini wen tac bʌ.

Mateo 13:9

Jini am bʌ i chiquin cha'an mi' yubin, la' i yubin, che'en Jesús.

Mateo 24:21

Come ti jim bʌ ora mi caj i tilel cabʌl wocol, ñumen bajche' tsa' ñumi c'ʌlʌl ti' cajibal pañimil c'ʌlʌl wʌle, c'ʌlʌl ti pejtelel ora.

Apocalipsis 2:7

Jini am bʌ i chiquin la' i yubiben i t'an i yEspíritu Dios mu' bʌ i suben xñopt'añob mu' bʌ i tempañob i bʌ. Jini mu' bʌ i mʌjlel i cha'an mi caj cʌq'uen i c'uxben i wut jini te' i yejtal bʌ laj cuxtʌlel am bʌ ti' yojlil i paraíso Dios”.