Joel 1:13 - Chol: I T’an Dios

¹³ Motomajob, yom mi la' lʌp coxtal cha'an i ch'ijiyemlel la' pusic'al. I winiquet bʌ la Dios, ñusanla ac'ʌlel ti uq'uel ba'an pulʌntib, come ma'anix trigo yic'ot i ya'lel ts'usub cha'an mi la' wʌq'uen i majtan Dios.

Chol de Tumbalá Bible

¹³ Motomajob*, yom mi la' lʌp coxtal cha'an i ch'ijiyemlel la' pusic'al. I winiquet bʌ la Dios, ñusanla ac'ʌlel ti uq'uel ba'an pulʌntib, come ma'anix trigo yic'ot i ya'lel ts'usub cha'an mi la' wʌq'uen i majtan Dios.

Joel 1:13 Iomraidhean Croise

2 Samuel 12:16

David tsi' pejca lac Yum ti oración cha'an mi' lajmel jini ch'iton. Ma'anic chuqui tsi' wis c'uxu David. C'ʌlʌl tsa' ñumi ac'ʌlel, ya' jach ñolol ti to'o lum.

1 Reyob 21:27

Acab tsi' yubibe i t'an Elías. Tsi' jet' tsili i pislel. Tsa' caji i lʌp coxtal ti q'uiñil yic'ot ti ac'ʌlel. Tsi' cha'le ch'ajb. Wen ch'ijiyem tsa' caji ti ajñel.

Isaias 22:12

Jini cha'an lac Yum, i Yum Panchan yic'ot Pañimil, tsi' pʌyʌyetla cha'an mi la' mel la' pusic'al ti' tojlel yic'ot uq'uel, cha'an mi la' set' i tsutsel la' jol yic'ot cha'an mi la' lʌp coxtal.

Isaias 61:6

Jixcu jatetla mi caj la' pejcʌntel ti “motomajob i cha'an lac Yum” yic'ot “x'e'telob i cha'an Dios”. Jini wen chumulo' bʌ ti yan tac bʌ lum mi caj i yʌq'ueñet la' majtan. Mi caj i wen p'ojlel la' chubʌ'an. Wen ñuc mi caj la' q'uejlel.

Jeremias 4:8

Jini cha'an yom mi la' lʌp coxtal. Cha'lenla uq'uel, come mach lajmix i mich'ajel lac Yum. Cʌlʌx jax mi' mich'leñonla. Ma'anic chuqui mi' mʌctan.

Jeremias 9:10

P'ump'un jini wits yic'ot jamil. Ajacñayob ti uq'uel come pulemix ti q'uin. Ma'anix majqui mi' ñumel ti lum mi winic mi alʌc'ʌl. Majlemix bʌte'el yic'ot te'lemut.

Ezequiel 21:12

Cha'len uq'uel, i yalobil winic. Cha'len c'am bʌ t'an yic'ot uq'uel, come mi caj i tsʌnsʌntelob ti espada c tejclumob yic'ot jini año' bʌ i ye'tel ti Israel. Ti pejtelelob mi caj i jilelob ti espada.

Ezequiel 27:31

Mi caj i jujchiñob i jol, mi caj i lʌpob coxtal. Mi caj i cha'leñob ch'ijiyem bʌ uq'uel yic'ot tsic pusic'al.

Ezequiel 7:18

Mi caj i lʌpob coxtal. Mi caj i cha'leñob bʌq'uen yic'ot quisin ti pejtelelob. Mi caj i laj set'ob i tsutsel i jol.

Oseas 9:5

¿Chuqui mi caj la' mel che' ti' yorajlel q'uiñijel? Mach mejlix la' cha'len ñuc bʌ q'uiñijel cha'an mi' la' ch'ujutesan la' Yum, come mi caj la' cʌjchel majlel ti Asiria. Jini año' bʌ ti Egipto mi caj i chilbeñetla la' chubʌ'an mu' bʌ i cʌytʌl. Mi caj la' chʌmel ti ñajt bʌ pañimil. Mi caj la' mujquel ya' ti Menfis am bʌ ti Egipto. Mi caj i pim'an la' lumal.

Joel 2:12

Jini cha'an mi' yʌl lac Yum: Sutq'uin la' bʌ ba' añon ti pejtelel la' pusic'al che' anto i yorajlel. Cha'lenla ch'ajb. Cha'lenla uq'uel. Yom ch'ijiyem la' pusic'al, che'en.

Joel 2:14

Tic'ʌl mi che' jini ma'anic mi caj i choquetla. Tic'ʌl mi caj i yʌq'ueñetla i yutslel i pusic'al lac Yum cha'an mi la' cha' aq'uen trigo yic'ot i ya'lel ts'usub.

Joel 2:17

Jini motomajob mu' bʌ i melbeñob i ye'tel Dios mi caj i wa'tʌlob ti' ts'ejts'ejtʌl i pulʌntib i majtan Dios ti' tojlel winicob x'ixicob. La' i cha'leñob uq'uel che' mi' melob oración. La' i yʌlob: C Yum lojon, ñusʌbeñob i mul jini winicob x'ixicob. Mach ma' wʌc'ob ti' wenta jini sajtemo' bʌ cha'an mi' tse'tañob, come a cha'añobʌch. Mach yomic mi' yʌjq'uelob ti quisin ti' tojlel jini ñajt bʌ chumulob mu' bʌ i lon alob: “¿Bacan i Dios?” che'ob. Che'ʌch yom mi' pejcañob Dios jini motomajob.

Numeros 28:14

Che' mi la' wʌq'uen jujump'ejl i majtan, yom mi la' wʌq'uen japbil bʌ i majtan ja'el. Jiñʌch uxp'ejl litro vino yic'ot jujuncojt alʌ tat wacax, cha'p'ejl litro vino yic'ot jujuncojt alʌ tat tiñʌme', ojlil i cha'p'ejl litro yic'ot jujuncojt tiñʌme'. Pejtelel jini jiñʌch pulbil bʌ i majtan yom bʌ mi' yʌq'uentel ti jujump'ejl uw. Mach yomic mi la' cʌy la' wʌq'uen.

Numeros 28:4

juncojt che' ti sʌc'ajel, yambʌ juncojt che' mi' bʌjlel q'uin.

Numeros 28:7

Ti jini jach bʌ ora yom mi la' wʌq'uen japbil bʌ i majtan, ojlil i cha'p'ejl litro vino yic'ot jujuncojt alʌ tat tiñʌme' cha'an mi la' jeb loq'uel jini vino ya' ti Ch'ujul bʌ Ajñibʌl ti' tojlel lac Yum.

Numeros 29:6

Parte yom ili pulbil bʌ c majtan tac mu' bʌ la' wʌc' che' ti' yorajlel i q'uiñilel. Parte ja'el jini mu' bʌ la' wʌq'ueñon che' ti' tejchibal jujump'ejl uw. Parte ja'el jini mu' bʌ la' wʌq'ueñon ti jujump'ejl q'uin am bʌ i ñujp che' bajche' tsac subeyetla ti mandar.

1 Corintios 4:1

La' i ña'tañob winicob x'e'telon lojon i cha'an Cristo. Xcʌntayajon lojon cha'an i sujmlel Dios mach bʌ tsictiyemic ti yambʌ ora.

1 Corintios 9:13

¿Mach ba la' wujilic? Jini mu' bʌ i cha'leñob e'tel ti templo mi' c'uxob jini ac'bil bʌ ti templo. Jini mu' bʌ i yʌq'ueñob i majtan Dios ya' ti pulʌntib mi' c'uxob chuqui ac'bil ya'i.

2 Corintios 11:23

¿X'e'telo' ba i cha'an Cristo? Joñon ja'el. (Mic cha'len t'an che' bajche' tonto bʌ.) Ñumen cabʌl tsac cha'le e'tel. Ñumen cabʌl tsa cubi asiyal. Ñumen cabʌl tsa' ñujp'iyon. Colel tsa' cʌlʌ chʌmel.

2 Corintios 3:6

Dios tsi' yʌq'ueyon lojon c p'ʌtʌlel ti' ye'tel ti jini tsiji' bʌ t'an. Ma'anic mic sub lojon jini ts'ijbubil bʌ mandar mach bʌ mejlic i coltan winicob x'ixicob. Mic sub lojon laj cuxtʌlel mu' bʌ i yʌq'ueñonla jini Ch'ujul bʌ Espíritu. Come jini ts'ijbubil bʌ mandar mi' tsʌnsañonla yilal, pero jini Espíritu mi' yʌq'ueñonla laj cuxtʌlel.

2 Corintios 6:4

Ti pejtelel que'tel lojon tsiquil x'e'telon lojon i cha'an Dios, che' mic cha'len lojon pijt ti' xuc'tʌlel c pusic'al lojon, che' mic ñusan lojon wocol, che' anto chuqui yom c cha'an lojon, che' an lojon j c'oj'ol,

Apocalipsis 11:3

Mi caj cʌq'uen i p'ʌtʌlel cha'tiquil testigo mu' bʌ caj i yʌc'oñob ti cʌjñel. Uxc'al i chʌmbajc' (1,260) q'uin mi caj i cha'leñob subt'an, lʌpʌl i cha'añob i pislel melbil bʌ ti' tsutsel chivo.