Joel 1:12 - Chol: I T’an Dios

¹² Tiquinix i yʌq'uil jini ts'usubil. Tsa'ix chʌmi jini bʌcch'umte'. Tsa'ix tiqui jini granado te'. Tsa'ix tiqui jini manzano te'. Pejtel jini te' tac tsa'ix tiqui. Tsa'ix jili i tijicñʌyel winicob.

Chol de Tumbalá Bible

¹² Tiquinix i yʌq'uil jini ts'usubil. Tsa'ix chʌmi jini bʌcch'umte'. Tsa'ix tiqui jini granado te'. Tsa'ix tiqui jini manzano te'. Pejtel jini te' tac tsa'ix tiqui. Tsa'ix jili i tijicñʌyel winicob.

Joel 1:12 Iomraidhean Croise

Salmos 4:7

Tsa' wʌq'ueyon i tijicñʌyel c pusic'al ñumen bajche' mi' tajob winicob Che' mi' p'ojlel i cuch cholel yic'ot i ya'lel ts'usub.

Salmos 92:12

Mi caj i tsictiyel i wenlel jini toj bʌ winic che' bajche' jini xan. Mi caj i p'ʌt'an che' bajche' ch'ujte' am bʌ ti Líbano.

Cantares 2:3

Jini c'uxbibil bʌ c cha'an lajalʌch bajche' manzana te'. Ñumen uts'at bajche' yambʌ ch'iton winicob. Tijicñayon che' buchulon ti' yʌxñilel. Wen sumuc i wut te' mi cubin.

Cantares 4:13

C'uxbibilet che' bajche' pʌc'ʌbʌl yujil bʌ wut, wen letsem tac bʌ i tojol, yic'ot pʌc'ʌbʌl ba' mi' colel tac jini te' mu' bʌ i yʌc' perfume: nardo,

Isaias 16:10

Ma'anix i tijicñʌyel la' pusic'al. Ma'anix majqui mi' cha'len c'ay ti ts'usubil. Ma'anix majqui mi' chʌn yʌts' i ya'lel ts'usub ya' ti' yajñib, come tsa'ix cʌc'ʌ ti jilel i tijicñʌyel la' pusic'al.

Isaias 24:11

Motocñayob winicob ti calle, woli' wersa c'ajtiñob vino. Ma'añobix i tijicñʌyel i pusic'al.

Isaias 24:7

Ch'ijiyem i pusic'al. Mach yujilobix c'ay yic'ot son, come ma'anix mi' yʌc' i wut jini ts'usubil. Mach jastiyix i ya'lel ts'usub.

Isaias 9:3

C Yum lojon, mi caj a cha' otsan Israel ti ñuc. Mi caj a cha' aq'ueñob i tijicñʌyel i pusic'al. Tijicña mi caj i yubiñob che' bajche' winicob ti' yorajlel c'ajbal, che' bajche' winicob mu' bʌ i t'oxbentelob chubʌ'añʌl che' mi' mʌlob ti guerra.

Jeremias 48:3

Woliyob ti oñel ti Horonaim cha'an ñuc bʌ wocol. Lu' jejmen tac i yotot.

Jeremias 48:33

Ma'anix c'ajbal, ma'anix tijicña bʌ. Wen ch'ijiyem i lumal Moab. Jocholix i yotlel ts'usub. Ma'anix majqui mi' pets'ben loq'uel i ya'lel. Mi' cha'leñob oñel, pero cha'an jach bʌq'uen, mach cha'anic i tijicñʌyel i pusic'al.

Joel 1:10

Ma'anix chuqui an ti pʌc'ʌbʌl. Wen ch'ijiyemob ti pejtelel pañimil, come jilemix jini trigo yic'ot ts'usub yic'ot jini aceite loq'uem bʌ ti olivote'.

Joel 1:16

Jini i bʌl lac ñʌc' tsa'ix jili ti lac wut. Tsa'ix jili ja'el i tijicñʌyel yic'ot i ñʌch'tilel lac pusic'al ya' ti Templo.

Jonas 4:7

Che' bʌ tsa' sʌc'a ti' yijc'ʌlal, Dios tsi' chajpa juncojt pechjol. Tsi' wilube i yebal jini ac'. Ti ora tsa' tiqui i yopol.

Hageo 2:19

Maxto anic tsa' la' tuc'u ochel trigo ti' yotlel. Maxto anic tsi' yʌc'ʌ i wut ts'usub, mi higuera te', mi granado te', mi olivote', pero wʌle mi caj c pʌsbeñet la' wenlel c'ʌlʌl ti pejtelel q'uin, che'en.

Malaquias 3:11

Che' jini cabʌl mi caj i yʌc' i wut la' pʌc'ʌb, come mi caj j cʌntan cha'an ma'anic mi' yochel i chʌñil yic'ot i c'amʌjel. Ma'anic mi caj i tiquin i wut la' ts'usubil che' ch'oc to, che'en i Yum Panchan yic'ot Pañimil.

Numeros 13:23

Tsa' c'otiyob jini lajchʌntiquilob ti joctʌl i c'aba' Escol, ya' ba' tsi' tuc'uyob jumpajl ts'usub, wen colem bʌ. Wersa yom cha'tiquil winicob cha'an mi' q'uechob majlel ti junts'ijt te'. Tsi' ch'ʌmʌyob sujtel ja'el i wut ch'umac' yic'ot i wut higo.