Joel 1:10 - Chol: I T’an Dios

¹⁰ Ma'anix chuqui an ti pʌc'ʌbʌl. Wen ch'ijiyemob ti pejtelel pañimil, come jilemix jini trigo yic'ot ts'usub yic'ot jini aceite loq'uem bʌ ti olivote'.

Chol de Tumbalá Bible

¹⁰ Ma'anix chuqui an ti pʌc'ʌbʌl. Wen ch'ijiyemob ti pejtelel pañimil, come jilemix jini trigo yic'ot ts'usub yic'ot jini aceite loq'uem bʌ ti olivote'.

Joel 1:10 Iomraidhean Croise

Genesis 4:12

Che' ma' cajel ti e'tel ti jini lum, ma'anix chuqui mi caj a taj ti lum. Xputs'elet ti pejtelel ora. Stsuctsucniyelet ti pañimil, che'en lac Yum.

Isaias 15:6

Tsa'ix tiqui jini ñoja' i c'aba' Nimrim. Laj tiquinix jini jam yic'ot pimel.

Isaias 24:11

Motocñayob winicob ti calle, woli' wersa c'ajtiñob vino. Ma'añobix i tijicñʌyel i pusic'al.

Isaias 24:7

Ch'ijiyem i pusic'al. Mach yujilobix c'ay yic'ot son, come ma'anix mi' yʌc' i wut jini ts'usubil. Mach jastiyix i ya'lel ts'usub.

Jeremias 12:11

Ma'anix i c'ʌjñibal. Ma'anix i yum. Wen ch'ijiyem mij q'uel. Ma'anic majqui mi' p'untan. Ma'anic majqui woli' mel i pusic'al cha'an chuqui woli' yujtel, che'en.

Jeremias 12:4

¿Jala to mi' yujtel wocol? Tiquinix lum. Tiquinix pejtel jini jam. Majlemobix bʌte'el yic'ot te'lemut. Jochol mi' cʌytʌl lum cha'an i mul xjontolilob. Mi' yʌlob: Mach jiliconla. Mach muq'uic i jisañonla Dios, che'ob.

Jeremias 48:33

Ma'anix c'ajbal, ma'anix tijicña bʌ. Wen ch'ijiyem i lumal Moab. Jocholix i yotlel ts'usub. Ma'anix majqui mi' pets'ben loq'uel i ya'lel. Mi' cha'leñob oñel, pero cha'an jach bʌq'uen, mach cha'anic i tijicñʌyel i pusic'al.

Oseas 4:3

Jini cha'an ch'ijiyem la' lumal yic'ot pejtel jini ya' bʌ chumulob. Ma'anix mi' yʌc' i wut la' lum. Wolix ti jilel jini bʌte'el tac am bʌ ti mate'el yic'ot te'lemut tac, yic'ot i chʌñil tac colem ja'.

Oseas 9:2

Jini cha'an ma'anic mi caj i jastiyel la' cha'an jini trigo yic'ot i ya'lel ts'usub.

Joel 1:12

Tiquinix i yʌq'uil jini ts'usubil. Tsa'ix chʌmi jini bʌcch'umte'. Tsa'ix tiqui jini granado te'. Tsa'ix tiqui jini manzano te'. Pejtel jini te' tac tsa'ix tiqui. Tsa'ix jili i tijicñʌyel winicob.

Joel 1:5

Xyʌc'ʌjelet bʌ la, ch'ojyenla. Cha'lenla uq'uel, come tsa' asiyi jini ts'usubil. Tsa'ix jili pejtelel i ya'lel la' ts'usub.

Joel 2:19

Lac Yum mi caj i suben i cha'año' bʌ: Awilan, wolic chocbeñetla tilel cabʌl ixim yic'ot vino yic'ot aceite. Mi caj i wen jastiyel la' cha'an. Ma'anix mi caj c chʌn aq'uetla ti ts'a'lentel ti' tojlel jini sajtemo' bʌ.

Levitico 26:20

Che' jini mi caj i to'ol jilel la' p'ʌtʌlel, come jini la' lum ma'anix mi caj i wen cosan la' pʌc'ʌb. Jini la' te' ma'anix mi caj i yʌc' i wut.

Habacuc 3:17

Anquese ma'anic mi' cha'len ñich jini higuera te', anquese ma'anic mi' yʌc' i wut jini ts'usubil, anquese ma'anic mi' wen loq'uel i wut olivote', anquese ma'anic mi' yʌc' i wut lac pʌc'ʌb cha'an jasʌl mi laj c'ux, anquese mi' chʌmel alʌc'ʌl ya' ti potrero, anquese jochol mi' cʌytʌl jini corral,

Hageo 1:11

Tsa cʌc'ʌ jajmel ti pejtelel lum yic'ot ti pejtelel wits tac, cha'an ma'anic mi' colel trigo. Ma'anic i ya'lel ts'usub mi aceite. Mi' tiquin pejtelel pʌc'ʌbʌl tac. Jini cha'an mi' yubiñob wocol winicob x'ixicob yic'ot alʌc'ʌl. Mi' laj jilel pejtelel la' we'tel mu' bʌ la' mel, che'en lac Yum.

Malaquias 2:3

P'isila ti wenta, mi caj c chilbeñet la' we'tel. Mi caj c pʌc' ti la' wut i ta' alʌc'ʌl mu' bʌ la' wʌq'ueñon. Mi caj c choquetla loq'uel tic tojlel.