Jeremias 9:9 - Chol: I T’an Dios

⁹ ¿Mach ba yomic mi cʌc'ob ti wocol cha'an cabʌl i mul c tejclum? ¿Mach ba yomic mic sutq'uibeñob wocol cha'an che'ʌch woli' melob? che'en lac Yum.

Chol de Tumbalá Bible

⁹ ¿Mach ba yomic mi cʌc'ob ti wocol cha'an cabʌl i mul c tejclum? ¿Mach ba yomic mic sutq'uibeñob wocol cha'an che'ʌch woli' melob? che'en lac Yum.

Jeremias 9:9 Iomraidhean Croise

Isaias 1:24

Jini cha'an i Dios Panchan yic'ot Pañimil, jini P'ʌtʌl bʌ i cha'an Israel, woli' yʌl: A wila to, mi caj cʌq'ueñob i toj i mul pejtelel mu' bʌ i contrajiñoñob. I yorajlelix mij q'uextʌbeñob i mul j contrajob.

Isaias 10:3

¿Chuqui mi caj la' mel ti' q'uiñilel wocol che' mic choc tilel wocol tilem bʌ ti ñajtʌl? ¿Majqui mi caj la' pejcan cha'an mi' coltañetla? ¿Baqui mi mejlel la' cʌntan la' chubʌ'an?

Isaias 57:6

Ma' ch'ujutesan jini melbil tac bʌ xajlel an tac bʌ ti joctʌl. Ma' bec'ben vino. Ma' wʌq'uen trigo yic'ot waj cha'an i majtan. ¿Mu' ba caj j q'uelet ti uts'at che' jini?

Jeremias 12:11

Ma'anix i c'ʌjñibal. Ma'anix i yum. Wen ch'ijiyem mij q'uel. Ma'anic majqui mi' p'untan. Ma'anic majqui woli' mel i pusic'al cha'an chuqui woli' yujtel, che'en.

Jeremias 12:4

¿Jala to mi' yujtel wocol? Tiquinix lum. Tiquinix pejtel jini jam. Majlemobix bʌte'el yic'ot te'lemut. Jochol mi' cʌytʌl lum cha'an i mul xjontolilob. Mi' yʌlob: Mach jiliconla. Mach muq'uic i jisañonla Dios, che'ob.

Jeremias 4:25

Tsaj q'uele, ma'anix tsiquil winic. Laj puts'em te'lemut ti panchan.

Jeremias 5:29

¿Mach ba muq'uic i tojob i mul? che'en lac Yum. Joñon mi caj cʌq'ueñob i toj i mul jini tejclum.

Jeremias 5:9

¿Mach ba muq'uic i tojob i mul? che'en lac Yum. Joñon mi caj cʌq'uen i toj i mul jini tejclum cha'an cabʌl i mul.

Oseas 4:3

Jini cha'an ch'ijiyem la' lumal yic'ot pejtel jini ya' bʌ chumulob. Ma'anix mi' yʌc' i wut la' lum. Wolix ti jilel jini bʌte'el tac am bʌ ti mate'el yic'ot te'lemut tac, yic'ot i chʌñil tac colem ja'.

Joel 1:19

C Yum, mic pejcañet ti c'am bʌ t'an, come jini jajmel tsa'ix i tiquesa pejtel potrero yic'ot pejtel te'.

Amos 5:1

Ubinla ili t'an woli bʌ c sub ti la' contra, winicob x'ixicob ti Israel. Jiñʌch ch'ijiyem bʌ t'an.

Amos 5:2

Yajlemix jini xch'oc Israel. Ma'anix mi' chʌn ch'ojyel. Cʌybilix ti lum, ma'anic majch mi caj i tech ch'ojyel.