Jeremias 9:7 - Chol: I T’an Dios

⁷ Lac Yum woli' yʌl: P'isi ti a wenta. Mi caj cʌc'ob ti wocol che' bajche' mi la' wʌc' ti c'ajc jini tsucu taq'uin che' mi la' wulmesan cha'an mi la' loc'sʌben i ta'. Che'ʌch mi caj c melbeñob. ¿Mach ba che'ic yom?

Chol de Tumbalá Bible

⁷ Lac Yum woli' yʌl: P'isi ti a wenta. Mi caj cʌc'ob ti wocol che' bajche' mi la' wʌc' ti c'ajc jini tsucu taq'uin che' mi la' wulmesan cha'an mi la' loc'sʌben i ta'. Che'ʌch mi caj c melbeñob. ¿Mach ba che'ic yom?

Jeremias 9:7 Iomraidhean Croise

2 Samuel 13:26

Absalón tsi' yʌlʌ: Mi mach mejliquet ti majlel, che' jini a wocolic yom ma' choc majlel quic'ot jini queran Amnón, che'en. Jini rey tsi' jac'ʌ: ¿Chuqui i ye'tel mi' majlel a wic'ot? che'en.

2 Cronicas 36:15

Lac Yum i Dios i ñojte'elob tsi' chʌn chocbeyob tilel x'alt'añob, come tsi' p'untayob yic'ot i Templo.

Salmos 120:4

Mi caj a jejq'uel ti' te'el jalʌjb am bʌ ti' c'ʌb jini p'ʌtʌl bʌ. Mi caj i pulet a bʌc woli bʌ ti lejmel.

Salmos 55:22

Aq'uen a cuch lac Yum. Jini mi caj i cuchbeñet majlel. Ma'anic mi' junyajlel cʌy jini toj bʌ ti' bajñelil.

Salmos 62:5

Ti' ñʌch'tilel c pusic'al mi cʌq'uen c bʌ Dios, Come tilem ti Dios chuqui wolic pijtan.

Isaias 1:25

Mi caj j contrajiñetla. Mi caj c pul a bibi'lel ti bʌbʌq'uen bʌ c'ajc, cha'an mic junyajlel loc'san la' jontolil.

Isaias 48:10

Tsac ñusayet ti prueba che' bajche' mi' pulel sʌsʌc taq'uin ti c'ajc cha'an mi' sʌq'uesʌntel, pero ma'anic tsac taja wen bʌ a pusic'al.

Isaias 59:3

Laj pʌjq'uem ti ch'ich' la' c'ʌb. I yal la' c'ʌb laj pʌjq'uem ti jontolil. Mi la' cha'len lot. Mi la' sub chuqui tac jontol.

Jeremias 31:20

¿Mach ba calobilic Efraín? ¿Mach ba c'uxbibilic c cha'an? ¿Mach ba jinic tsa' bʌ c meq'ue? Jujunyajl che' mi cʌ'len mic chʌn ña'tan. Jini cha'an com to j coltan ti pejtelel c pusic'al. Mi caj c pʌsben i yutslel c pusic'al, che'en lac Yum.

Jeremias 5:1

Cucu ti ñumel ya' ba'an garita tac ti Jerusalén. Wen q'uele bajche' mi' melob. Otsan ti a pusic'al. Sʌclan ñumel juntiquil mu' bʌ i mel chuqui toj ya' ti choñoñibʌl. Q'uele mi an juntiquil mu' bʌ i yotsan ti' pusic'al chuqui tac isujm cha'an mic pʌsben i yutslel c pusic'al.

Jeremias 6:27

Lac Yum tsi' subeyon: Jeremías, tsa cʌq'ueyet a we'tel cha'an ma' wen q'uel c tejclum bajche' añob yic'ot bajche' mi' melob.

Oseas 4:1

Israelob, yom mi la' ñich'tʌben i t'an lac Yum. Lac Yum woli' tsictesʌbeñet la' mul: Ma'anic i xuc'tilel la' pusic'al. Ma'anic la' wutslel. Ma'anic mi la' cʌn Dios.

Zacarias 13:9

Che' jini mi caj cʌc'ob ti wocol i colojbal israelob cha'an mi' sʌq'uesʌntelob che' bajche' oro yic'ot plata. Che' jini mi caj i ch'ujutesañob j c'aba'. Joñon mi caj cubibeñob i t'an. Mi caj c pejcañob tic pi'ʌlob c'uxbibilo' bʌ c cha'an. Mi caj i pejcañoñob ti' Yum Dios. Che' tsi' yʌlʌ lac Yum.

Malaquias 3:3

Lac Yum lajal mi caj i mel winicob che' bajche' jini mu' bʌ i sʌq'uesan plata ti c'ajc. Mi caj i sʌq'uesan jini levíjob che' bajche' oro yic'ot plata cha'an mi' yʌq'ueñob Dios i majtan che' bajche' yom ti sʌc bʌ i pusic'al.

1 Pedro 1:7

cha'an mi' tsictiyel mi xuc'ul woli la' ñop. Ñumen uts'at i xuc'tʌlel la' pusic'al ti Cristo bajche' oro mu' bʌ i jilel. Wolix la' ñusan wocol che' bajche' mi' ñumel oro ti c'ajc cha'an mi' q'uejlel mi mero oro. Che' ja'el che' ñumenix la' wocol, mi caj i sujbel la' ñuclel, mi caj la' c'uxbintel, mi caj la' q'uejlel ti ñuc che' mi' tsictiyel Jesucristo.

1 Pedro 4:12

C'uxbibilet bʌ la, mach yomic mi' toj sajtel la' pusic'al che' mi' tilel i yilʌbentel la' pusic'al che' bajche' c'ajc. Mach yomic leco mi la' q'uel.