Jeremias 9:6 - Chol: I T’an Dios

⁶ Ti jujump'ejl q'uin woli' tempañob i mul yic'ot i lot. Jini cha'an mach yomobic i ñopoñ, che'en lac Yum.

Chol de Tumbalá Bible

⁶ Ti jujump'ejl q'uin woli' tempañob i mul yic'ot i lot. Jini cha'an mach yomobic i ñopoñ, che'en lac Yum.

Jeremias 9:6 Iomraidhean Croise

Proverbios 1:24

Anix ora wolic chʌn pʌyetla tilel pero tsa' la' ñusʌbeyon c t'an. Tsac pejcayetla ti wocol t'an pero ma'anic majch tsi' p'isi ti' wenta.

Proverbios 1:29

Come tsi' ts'a'leyob j cʌntesʌbal. Ma'anic tsi' yʌc'ʌyob ti' pusic'al cha'an mi' bʌc'ñañob i Yum.

Isaias 1:25

Mi caj j contrajiñetla. Mi caj c pul a bibi'lel ti bʌbʌq'uen bʌ c'ajc, cha'an mic junyajlel loc'san la' jontolil.

Isaias 1:3

Jini wacax mi' cʌn i yum. Jini burro mi' wen cʌmben i yotot i yum ba' mi' taj i buc'bal. Pero Israel ma'anic mi' ch'ʌmben isujm. Jini mero c cha'año' bʌ ma'anic mi' cʌñonob.

Jeremias 11:10

Tsa'ix sujtiyob ti' bijlel i tatob tsa' bʌ i juch'teq'ueyob c t'an. Tsa' majli i ch'ujutesañob yambʌ dios tac. Jini chumulo' bʌ ti Judá yic'ot ti Jerusalén tsa'ix i ñusayob jini xuc'ul bʌ c t'an tsa' bʌ c mele yic'ot i tatob.

Jeremias 11:19

Come lajalon bajche' c'uxbibil bʌ tiñʌme' mach bʌ yujilic ba' ora mi caj i pʌjyel majlel ti tsʌnsʌntel. Tsi' temeyob i t'an cha'an mi' tsʌnsañoñob. La' lac jisan che' c'oc' to che' bajche' te' anto bʌ i yetsel. La' lac junyajlel jisan cha'an ma'anix mi' chʌn ña'tʌntel ti pañimil, che'ob.

Jeremias 13:10

Jontolob. Mach yomobic i yubin c t'an. Mi' bajñel melob bajche' yom i bajñel pusic'al. Majlemobix yic'ot yan tac bʌ dios cha'an mi' ch'ujutesañob. Jini cha'an lajal mi caj i sujtelob che' bajche' jini cajchiñʌc' mach bʌ anix i c'ʌjñibal.

Jeremias 18:18

Tsa' caji i temob i t'an c pi'ʌlob: ¿Chuqui yom mi lac tumben Jeremías? che'ob. An lac cha'an motomajob yic'ot x'alt'añob yic'ot winicob cabʌl bʌ i ña'tʌbal. Ma'anic i ye'tel jini Jeremías. La' lac jop'ben i mul cha'an mi' cʌjchel. Mach yomic mi lac chʌn ñich'tʌben i t'an, che'ob.

Jeremias 20:10

Woliyon ti bʌq'uen. Ti mojt ti mojt mi' mucul temob i t'an tij contra. Mux caj i toj, che'ob. Jini j cʌñʌyo' bʌ ja'el yomob i tic'on ti t'an ame i yʌcoñob tic t'an jini j contrajob, come woli' yʌlob: Tic'ʌl mi mux caj i cha'len bʌq'uen, che'ob. Che' jini mi caj i mʌjlel lac cha'an, che'ob.

Jeremias 5:27

But'ulob i yotot cha'an chuqui tsi' tajayob ti lotiya yic'ot ti jontolil. Che' yilal bajche' chiquib but'ul bʌ ti alʌ te'lemut. Chan mi' melob i bʌ cha'an cabʌl i chubʌ'an.

Jeremias 8:5

Pero mach che'ic mi' melob jini chumulo' bʌ ti Jerusalén. Tsi' junyajlel tʌts'ʌyob i bʌ tic tojlel. Ñajt mi' majlelob. Mi' mulañob jontolil, mi' wen mulañob lot. Mach yomobic sujtel.

Oseas 11:8

¿Bajche' mi mejlel j cʌyet, Efraín? ¿Mejl ba c choquet, Israel? Mach comic j cʌyet che' bajche' Adma yic'ot Zeboim, come wolic wen mel c pusic'al. Com j coltañet.

Oseas 4:6

Woli' laj jilelob c cha'año' bʌ cha'an ma'anic mi' cʌñoñob, cha'an mach la' womic la' cʌñon. Jini cha'an mach comix mi la' chʌn mel la' we'tel ti motomaj ja'el, come tsa' ñajʌyi la' cha'an c mandar. Jini cha'an mi caj la' ñajʌyel c cha'an. Ma'anix mi caj c chʌn p'untan la' walobilob.

Zacarias 13:9

Che' jini mi caj cʌc'ob ti wocol i colojbal israelob cha'an mi' sʌq'uesʌntelob che' bajche' oro yic'ot plata. Che' jini mi caj i ch'ujutesañob j c'aba'. Joñon mi caj cubibeñob i t'an. Mi caj c pejcañob tic pi'ʌlob c'uxbibilo' bʌ c cha'an. Mi caj i pejcañoñob ti' Yum Dios. Che' tsi' yʌlʌ lac Yum.

Romanos 1:28

Mach yomobic i wis ña'tan Dios. Jini cha'an Dios tsi' cʌyʌyob cha'an mi' ña'tañob chuqui tac bibi' yic'ot cha'an mi' cha'leñob chuqui tac mach wenic.

1 Corintios 15:34

Yom yʌxʌl la' wo bajche' yom. Mach la' cha'len mulil. Come an winicob x'ixicob mach bʌ anic mi' cʌñob Dios. Jini mic sub cha'an mij quisñitesañetla.

1 Samuel 2:12

Jontolob i yalobilob Elí. Ma'anic tsi' p'isiyob ti wenta lac Yum mi i ye'telic motomaj. Ma'anic tsi' meleyob che' bajche' yom Dios. Come i tilel ti Israel ba' ora mi' tilelob winicob x'ixicob cha'an mi' tsʌnsʌbeñob i majtan lac Yum, che' woli to ti tic'an jini we'elʌl, jini motomaj mi' suben jini x'e'tel i cha'an, cha'an mi' yotsan ya' ti perol jini junts'ijt e'tʌjibʌl am bʌ uxts'ijt i ni' cha'an mi' loc'san jini we'elʌl.