Jeremias 9:4 - Chol: I T’an Dios

⁴ Chʌcʌ q'uele a bʌ ti' tojlel a pi'ʌlob. Mach ma' ñopben i t'an jini lʌc'ʌl bʌ ti chumtʌl. Come woli' chijtañob i pi'ʌlob. Woliyob ti u'ya t'an jini lʌc'ʌl bʌ i chumlibob.

Chol de Tumbalá Bible

⁴ Chʌcʌ q'uele a bʌ ti' tojlel a pi'ʌlob. Mach ma' ñopben i t'an jini lʌc'ʌl bʌ ti chumtʌl. Come woli' chijtañob i pi'ʌlob. Woliyob ti u'ya t'an jini lʌc'ʌl bʌ i chumlibob.

Jeremias 9:4 Iomraidhean Croise

Genesis 32:28

Jini winic tsi' yʌlʌ: Ma'anix mi caj a chʌn pejcʌntel ti Jacob. Mi caj a pejcʌntel ti Israel, come tsa' cha'le wersa. Tsa' mʌjli a cha'an ti' tojlel Dios, yic'ot ti' tojlel winicob, che'en.

Salmos 101:5

Mi caj c tic' jini mu' bʌ i lon jop'ben i mul i pi'ʌl ti chumtʌl. Ma'anic mi caj j cuchben jini mu' bʌ i chañ'esan i bʌ, mu' bʌ i q'uel i bʌ ti ñuc.

Salmos 15:3

Mach yujilic jop't'an. Ma'anic chuqui mi' tumben i cʌñʌ bʌ. Ma'anic mi' chʌn ña'tiben i mul i pi'ʌlob.

Proverbios 10:18

Jiñʌch xlotiya mu' bʌ i mujcun i mich'lel ti uts bʌ t'an. Tonto jini mu' bʌ i puc majlel u'yaj t'an.

Proverbios 25:18

Laj yujil i lowonla: martillo yic'ot cuchillo yic'ot i lanzajlel jalʌjb jay bʌ i ñi', yic'ot winic mu' bʌ i jop' t'an ti' contra i pi'ʌlob ti chumtʌl.

Proverbios 4:16

Come mach contentojobic mi' majlelob ti' wʌyib jinto mi' yujtelob i mel jontolil. Mach mejlicob ti wʌyel jinto mi' techbeñob i ch'ijiyemlel yaño' bʌ.

Proverbios 4:17

Mi' tajob i bʌl i ñʌc' cha'an i ye'tel ti jontolil. Mi' tajob vino cha'an i ye'tel ti jisaya.

Proverbios 6:16

Lac Yum mi' ts'a'len pejtel mulil. Añʌch wʌcchajp xmulilob ts'a'le'bilo' bʌ i cha'an, yic'ot yambʌ junchajp:

Proverbios 6:19

jini mu' bʌ i jop' t'an ti meloñel, jini mu' bʌ i t'ox hermanojob ti a'leya. Jiñobʌch ts'a'lebilo' bʌ cha'an lac Yum.

Isaias 59:13

La cujil mach xuc'ulonicla ti lac Yum. Tsa' lac ñusʌbe i t'an. Ma'anic tsa' lac tsʌcle Dios. Tsa'ix laj como lac t'an cha'an mi lac cha'len contra. Tsa' lac wʌn ña'ta lot ti lac pusic'al. Tsa' laj cʌntesa yaño' bʌ.

Isaias 9:16

Come jini yumʌlob cabʌl mi' socob winicob x'ixicob. Mi' yʌc'ob ti asiyel jini gobierno.

Jeremias 12:6

Jini a wijts'iñob yic'ot a pi'ʌlob año' bʌ ti' yotot a tat tsi' yʌc'ʌyet ti' c'ʌb a contrajob. Tsi' yajñesayet ti lot cha'an ma' majlel ti puts'el. Mach a ñopbeñob i t'an anquese uts mi' pejcañetob.

Jeremias 6:28

Laj sajtemob. Mi' tʌts'ob i bʌ tic tojlel. Mi' p'ajoñob. Tsʌtsob i pusic'al che' bajche' fierro yic'ot c'ʌnc'ʌn taq'uin. Sojquem i pusic'al.

Jeremias 9:8

Come jontol jax i yac' che' bajche' i te'el jalʌjb. Wen yujil lotiya. Jujuntiquil mi' pejcan i pi'ʌl ti uts bʌ t'an che' woli' chijtan cha'an mi' tsʌnsan.

Ezequiel 22:9

An mu' bʌ i cha'leñob jop't'an cha'an mi' yʌc'ob ti chʌmel i pi'ʌlob. An mu' bʌ i c'uxbiñob dioste' tac ti bujbujtʌl. Leco i melbalob ti pejtelel la' lumal.

Levitico 19:16

Mach yomic mi la' joy ñumel ti u'yaj. Mach mi la' jop'ben i mul la' pi'ʌlob. Ña'tanla la' Yumon.

Malaquias 2:10

Awilan juntiquil jach lac tat, jiñʌch Abraham. Ti pejtelelonla i melbalonla jini jach bʌ Dios. Ma'anix woli la cajñel ti' xuc'tilel lac pusic'al yic'ot lac pi'ʌlob. Woli lac ñusan jini xuc'ul bʌ t'an tsa' bʌ aq'uentiyob lac ñojte'el.

Mateo 10:17

Chʌcʌ q'uele la' bʌ cha'an winicob, come mi caj i pʌyetla ba'an año' bʌ i ye'tel. Mi caj i jats'etla ti asiyal ti sinagoga.

Mateo 10:21

Winicob mi caj i yʌc'ob ti chʌmel i yerañob. Tatʌl mi caj i yʌc' ti chʌmel i yalobil. Winicob x'ixicob mi caj i contrajiñob i tat i ña'. Mi caj i yʌc'ob ti tsʌnsʌntel.

Lucas 21:16

La' tat, la' wʌscuñob, la' chichob, la' wijts'iñob, la' pi'ʌlob, la' cʌñʌyo' bʌ mi caj i yʌq'uetla ti' c'ʌb la' contra. Lamitaletla mi caj la' tsʌnsʌntel.

1 Tesalonicenses 4:6

Mach yomic mi la' lotin la' pi'ʌl. Mach yomic mi la' contrajin ti mulil, come lac Yum mi' yʌq'ueñob i toj i mul pejtelel mu' bʌ i melob bajche' jini. Tsa'ix c subeyet lojon.