Jeremias 9:3 - Chol: I T’an Dios

³ Ñʌmʌlob ti lot. Lajal yujil jec'ol i t'an che' bajche' i te'el jalʌjb. Mi' yutsi p'ojlel i jontolil. Jini cha'an mach i cʌñʌyoñobic, che'en lac Yum.

Chol de Tumbalá Bible

³ Ñʌmʌlob ti lot. Lajal yujil jec'ol i t'an che' bajche' i te'el jalʌjb. Mi' yutsi p'ojlel i jontolil. Jini cha'an mach i cʌñʌyoñobic, che'en lac Yum.

Jeremias 9:3 Iomraidhean Croise

Genesis 39:16

Ili x'ixic tsi' lotbe i bujc José jinto tsa' c'oti i ñoxi'al ti' yotot.

Proverbios 12:5

Jini tojo' bʌ mi' ña'tañob i mel chuqui toj. Jini sajtemo' bʌ mu jach i temob i t'an ti lot.

Isaias 1:3

Jini wacax mi' cʌn i yum. Jini burro mi' wen cʌmben i yotot i yum ba' mi' taj i buc'bal. Pero Israel ma'anic mi' ch'ʌmben isujm. Jini mero c cha'año' bʌ ma'anic mi' cʌñonob.

Isaias 3:5

Ya' ti' tejclumob mi caj i wʌlʌc cha'leñob leto anquese i cʌñʌyob i bʌ. Jini ch'iton winicob mi caj i contrajiñob jini xñoxob. Jini ts'a'lebil bʌ mi caj i contrajin jini mu' bʌ i q'uejlel ti ñuc.

Isaias 6:5

Joñon tsa cʌlʌ: Obol jax c bʌ come sajtemon. Come tsa'ix j q'uele tic wut c Rey, i Yum Panchan yic'ot Pañimil. Xmulilon, bibi' c t'an, tem chumulon quic'ot winicob bibi' bʌ i t'an, cho'on.

Isaias 9:18

Lac Yum mi caj i jisan ti c'ajc pejtelel jontolil che' bajche' mi' pulel ch'ixol yic'ot stsajatuñol yic'ot mate'el. Bʌbʌq'uen i buts'il jini c'ajc.

Jeremias 12:6

Jini a wijts'iñob yic'ot a pi'ʌlob año' bʌ ti' yotot a tat tsi' yʌc'ʌyet ti' c'ʌb a contrajob. Tsi' yajñesayet ti lot cha'an ma' majlel ti puts'el. Mach a ñopbeñob i t'an anquese uts mi' pejcañetob.

Jeremias 22:16

A tat tsi' colta jini mach bʌ anic i chubʌ'an. Tsi' colta jini woli bʌ ti wocol. Jini cha'an uts'at tsi' taja i coltʌntel ti Dios. Jini mach bʌ che'ic mi' mel ma'anic mi' cʌñon. Mach j cʌñʌyic ja'el, che'en lac Yum.

Jeremias 31:34

Ma'anix mi caj i chʌn cha'leñob cʌntesa cha'an mi' yʌc'oñob ti cʌjñel, come cʌmbilonix i cha'an pejtelelob, jini ñuco' bʌ yic'ot jini ch'o'ch'oco' bʌ, che'en lac Yum, come joñon mi caj c ñusʌbeñob i mul. Ma'anic mi caj c chʌn ña'tʌbeñob i mul.

Jeremias 4:22

Jinto mi' laj jisʌntelob c pi'ʌlob come jontolob. Ma'anic mi' ñich'tañoñob. Che'ʌch añob bajche' alp'eñelob maxto bʌ anic i pusic'al. Ma'anic mi' ch'ʌmbeñob isujm. Wen yujilob jontolil, pero mach yujilobic i melol chuqui uts'at.

Jeremias 5:4

Tsa cʌlʌ tic pusic'al: Jini jach jini pobrejob mi' mel che' bajche' jini. Ma'anic mi' ch'ʌmbeñob isujm come mach cʌntesʌbilobic. Mach i cʌñʌyobic i bijlel lac Yum yic'ot i mandar.

Jeremias 5:5

Mu' to c majlel ba'an jini ñuco' bʌ cha'an mic pejcañob, come cʌñʌlob i cha'an i bijlel lac Yum yic'ot i mandar, lon cho'on. Pero junlajal tsi' chocoyob jubel i tajbal yic'ot i cuch tsa' bʌ a wʌq'ueyob.

Jeremias 6:28

Laj sajtemob. Mi' tʌts'ob i bʌ tic tojlel. Mi' p'ajoñob. Tsʌtsob i pusic'al che' bajche' fierro yic'ot c'ʌnc'ʌn taq'uin. Sojquem i pusic'al.

Jeremias 7:26

Pero ma'anic tsa' la' ñich'tayob. Ma'anic tsa' la' jac'beyob. Tsʌts la' pusic'al, ñumen bajche' la' tatob.

Jeremias 9:5

Ti jujuntiquilob mi' lotiñob i pi'ʌlob. Ma'anic majqui mi' sub chuqui isujm. Tsi' ñʌmtesayob i bʌ ti lot. Mi' socbeñob i sujmlel. Mi' chʌn cha'leñob lot yic'ot jontolil jinto che' lujbobix.

Jeremias 9:8

Come jontol jax i yac' che' bajche' i te'el jalʌjb. Wen yujil lotiya. Jujuntiquil mi' pejcan i pi'ʌl ti uts bʌ t'an che' woli' chijtan cha'an mi' tsʌnsan.

Ezequiel 8:13

Tsi' cha' subeyon: Mi caj a q'uel ñumen bi'ilts'altacax bʌ i melbalob, che'en.

Daniel 11:27

Ili cha'tiquil reyob mi caj i ña'tan i contrajiñob i bʌ. Mi caj i lotiñob i bʌ che' mi' pejcañob i bʌ ya' ti mesa. Pero lolom jach, come ma'anic majqui mi caj i mʌjlel i cha'an, come maxto i yorajlelic i jilibal tsa' bʌ i ña'ta Dios.

Levitico 19:11

Mach la' cha'len xujch'. Mach yomic mi la' lotin la' pi'ʌlob.

Marcos 8:38

Majqui jach mi' cha'len quisin cha'añon yic'ot cha'an c t'an ti' tojlel winicob x'ixicob año' bʌ i ts'i'lel yic'ot i jontolil, i Yalobil Winic ja'el mi caj i cha'len quisin cha'an jini winic che' mi' tilel ti' ñuclel i Tat yic'ot jini ch'ujul bʌ ángelob. Che' tsi' yʌlʌ Jesús.

Juan 17:3

Jiñʌch i cuxtʌlel mach bʌ anic mi' jilel, che' mi' cʌñetob jini mero Dios, jini cojach bʌ, yic'ot Jesucristo, tsa' bʌ a choco tilel.

Hechos 24:9

Lajal tsi' cha'leyob t'an judíojob ja'el. Che' tsi' yʌlʌyob ti pejtelelob.

Romanos 1:16

Ma'anic mic cha'len quisin cha'an jini wen t'an, come jiñʌch i p'ʌtʌlel Dios cha'an mi' coltan pejtelel mu' bʌ i ñopob, ñaxan jini israelob, wi'il jini griegojob.

Romanos 1:28

Mach yomobic i wis ña'tan Dios. Jini cha'an Dios tsi' cʌyʌyob cha'an mi' ña'tañob chuqui tac bibi' yic'ot cha'an mi' cha'leñob chuqui tac mach wenic.

Romanos 3:13

Lajal i yej winicob bajche' i ti' mucoñibʌl. Mi' cha'leñob lot. An i venenojlel lucum ti' mal i yej.

1 Corintios 15:34

Yom yʌxʌl la' wo bajche' yom. Mach la' cha'len mulil. Come an winicob x'ixicob mach bʌ anic mi' cʌñob Dios. Jini mic sub cha'an mij quisñitesañetla.

Filipenses 1:28

Mach yomic mi la' wis bʌc'ñan la' contrajob. Che' jini tsiquil ti' tojlelob mi caj i jisʌntelob, pero mi caj la' coltʌntel cha'an Dios.

2 Timoteo 3:13

Pero jini jontolo' bʌ yic'ot xlotiyajob, utsi utsijax mi' chʌn melob i jontolil. Mi caj i lotiñob yaño' bʌ. Mi caj i lotintelob ja'el.

Judas 1:3

C'uxbibil bʌ quermanojob, ti jump'ejl c pusic'al tsac ña'ta c ts'ijbubeñetla i sujmlel laj coltʌntel am bʌ lac cha'an ti lac Yum. Pero yomix mic ts'ijbubeñetla cha'an mic xic'beñetla, come yom mi la' cha'len wersa cha'an jini isujm bʌ t'an tsa' bʌ junyajlel aq'uentiyob i cha'año' bʌ Dios cha'an mi' ñopob.

Apocalipsis 12:11

Jini hermanojob tsi' mʌlbeyob xiba cha'an ti' ch'ich'el jini Tiñʌme' yic'ot i t'an tsa' bʌ i subeyob. Ma'anic tsi' c'uxbiyob i cuxtʌlel che' bʌbʌq'uen mi' yʌjq'uelob ti chʌmel.

Juezob 14:17

Tsi' chʌn cha'le uq'uel jini x'ixic che' woliyob to ti q'uiñijel jinto tsa' ts'ʌctiyi jini wucp'ejl q'uin. Che' jini tsi' c'un tsictesʌbe i sujmlel jini t'an, come tsi' wersa chʌn c'ajtibe. Jini x'ixic tsa' bʌc' majli i cha' subeñob i pi'ʌlob.

Juezob 2:10

Tsa' chʌmiyob pejtelel jini winicob x'ixicob año' bʌ ti jini ora. Ti wi'il tsa' p'ojliyob yaño' bʌ mach bʌ cʌñʌlobic i cha'an lac Yum. Ma'anic tsi' cʌñʌyob i ye'tel lac Yum tsa' bʌ i mele ti' tojlel israelob.

1 Samuel 2:12

Jontolob i yalobilob Elí. Ma'anic tsi' p'isiyob ti wenta lac Yum mi i ye'telic motomaj. Ma'anic tsi' meleyob che' bajche' yom Dios. Come i tilel ti Israel ba' ora mi' tilelob winicob x'ixicob cha'an mi' tsʌnsʌbeñob i majtan lac Yum, che' woli to ti tic'an jini we'elʌl, jini motomaj mi' suben jini x'e'tel i cha'an, cha'an mi' yotsan ya' ti perol jini junts'ijt e'tʌjibʌl am bʌ uxts'ijt i ni' cha'an mi' loc'san jini we'elʌl.