Jeremias 9:2 - Chol: I T’an Dios

² Uts'at anic c cha'an otot cha'an mic majlel ti chumtʌl ya' ti tiquin bʌ lum. Comix j cʌy c pi'ʌlob come laj sojquemob ti' ts'i'lel. Laj yujilob lotiya.

Chol de Tumbalá Bible

² Uts'at anic c cha'an otot cha'an mic majlel ti chumtʌl ya' ti tiquin bʌ lum. Comix j cʌy c pi'ʌlob come laj sojquemob ti' ts'i'lel. Laj yujilob lotiya.

Jeremias 9:2 Iomraidhean Croise

Isaias 59:3

Laj pʌjq'uem ti ch'ich' la' c'ʌb. I yal la' c'ʌb laj pʌjq'uem ti jontolil. Mi la' cha'len lot. Mi la' sub chuqui tac jontol.

Jeremias 12:1

Tojet c Yum anquese mach tijicñayonic. La' c subeñet chuqui mach tojic woli bʌ i yujtel. ¿Chucoch tijicñayob jini xjontolilob? ¿Chucoch wen chumulob jini yujilo' bʌ lotiya?

Jeremias 12:6

Jini a wijts'iñob yic'ot a pi'ʌlob año' bʌ ti' yotot a tat tsi' yʌc'ʌyet ti' c'ʌb a contrajob. Tsi' yajñesayet ti lot cha'an ma' majlel ti puts'el. Mach a ñopbeñob i t'an anquese uts mi' pejcañetob.

Jeremias 13:22

Che' mi' letsañob a majts cha'an mi yʌq'uet ti quisin, mi caj a wʌl ti a pusic'al: “¿Chucoch woli cubin wocol?” Ña'tan che' jini, cha'an ti' caj a mul wola' wubin wocol.

Jeremias 23:10

Come but'ul ili lum ti xmulilob mu' bʌ i cʌyob i pi'ʌlob cha'an i ts'i'lel. Jini cha'an ch'ijiyem ili lum. Tiquinix i buc'ujib alʌc'ʌl. Mi' yesmañob jontolil. Mach tojic bajche' mi' cha'leñob ganar.

Jeremias 4:22

Jinto mi' laj jisʌntelob c pi'ʌlob come jontolob. Ma'anic mi' ñich'tañoñob. Che'ʌch añob bajche' alp'eñelob maxto bʌ anic i pusic'al. Ma'anic mi' ch'ʌmbeñob isujm. Wen yujilob jontolil, pero mach yujilobic i melol chuqui uts'at.

Jeremias 5:1

Cucu ti ñumel ya' ba'an garita tac ti Jerusalén. Wen q'uele bajche' mi' melob. Otsan ti a pusic'al. Sʌclan ñumel juntiquil mu' bʌ i mel chuqui toj ya' ti choñoñibʌl. Q'uele mi an juntiquil mu' bʌ i yotsan ti' pusic'al chuqui tac isujm cha'an mic pʌsben i yutslel c pusic'al.

Jeremias 5:11

Come junlajalob Judá yic'ot Israel. Tsi' junyajlel cʌyʌyoñob.

Jeremias 5:2

Che' mi' wa'chocoñob i t'an, mi' cha'leñob lot anquese mi' yʌlob j c'aba': “Cuxul lac Yum”, lon che'ob. Che' tsi' yʌlʌ lac Yum.

Oseas 4:2

La' wujil p'ajoñel, yic'ot lot, yic'ot tsʌnsa, yic'ot xujch', yic'ot la' ts'i'lel, yic'ot leto. Cabʌl mi la' cha'len tsʌnsa.

Oseas 5:7

Come tsi' cʌyʌyob lac Yum. Tsi' sʌclayob yambʌ i ñoxi'al. Mach i cha'añobic lac Yum i yalobilob. Jini cha'an mach jalix mi caj i jisʌntelob yic'ot pejtel i chubʌ'an.

Oseas 6:7

Pero lajaletla bajche' Adán tsa' bʌ i ñusʌbeyon c t'an. Tsa'ix la' cʌyʌyon.

Oseas 7:4

Junlajal an i ts'i'lel ti pejtelelob. Che' bajche' horno mach bʌ yujilic tsʌñ'an che' woli to i melob pan, che' ja'el i ts'i'lel. Mach yujilic lajmel.

Miqueas 6:12

But'ulob i yotot jini wen chumulo' bʌ yic'ot chubʌ'añʌl tsa' bʌ i tajayob ti leto yic'ot ti lotiya. Wen ñʌmʌlob ti lot.

Sofonias 3:4

Jini x'alt'añob la' cha'an wen mañʌjax bajche' mi' melob. Wen yujilob lotiya. Jini motomajob ja'el mi' bib'esañob jini Templo. Mi' socbeñob i sujmlel jini mandar.

Malaquias 2:11

An lotintel ti Judá yic'ot ti Israel yic'ot ti Jerusalén. Jini winicob ti Judá tsa'ix i ts'a'leyob jini Templo mu' bʌ i c'uxbin lac Yum, come tsi' cha'leyob ñujpuñijel yic'ot x'ixicob mu' bʌ i ch'ujutesañob dioste' tac.

Malaquias 2:14

Mi la' wʌl: ¿Chucoch tsa'ix i cʌyʌyonla Dios? che'etla. Mi caj c tsictesʌbeñetla. Come lac Yum tsa'ix i q'uele la' mul che' bʌ tsa' la' cʌyʌ la' wijñam tsa' bʌ ajni la' wic'ot ti' xuc'tʌlel i pusic'al c'ʌlʌl che' xch'oc to. Jiñʌch la' pi'ʌl tsa' bʌ la' pʌyʌ. Tsa' la' wʌq'ue la' t'an cha'an mi caj la' cʌntan.

Santiago 4:4

Lajaletla bajche' x'ixic mu' bʌ i cʌy i ñoxi'al cha'an mi' c'uxbiben i contra. ¿Mach ba la' wujilic? Jini mu' bʌ i c'uxbin i cha'an bʌ pañimil, mi' contrajin Dios. Jini yom bʌ i c'uxbintel ti pañimil, woli' yotsan i bʌ ti' contra Dios.

Juezob 2:10

Tsa' chʌmiyob pejtelel jini winicob x'ixicob año' bʌ ti jini ora. Ti wi'il tsa' p'ojliyob yaño' bʌ mach bʌ cʌñʌlobic i cha'an lac Yum. Ma'anic tsi' cʌñʌyob i ye'tel lac Yum tsa' bʌ i mele ti' tojlel israelob.