Jeremias 9:16 - Chol: I T’an Dios

¹⁶ Mi caj c pam pucob ti yan tac bʌ tejclum mach bʌ i cʌñʌyobic, mach bʌ i cʌñʌyobic i tatob. Ya'ix mi caj cajñesañob yic'ot espada jinto mic laj jisañob.

Chol de Tumbalá Bible

¹⁶ Mi caj c pam pucob ti yan tac bʌ tejclum mach bʌ i cʌñʌyobic, mach bʌ i cʌñʌyobic i tatob. Ya'ix mi caj cajñesañob yic'ot espada jinto mic laj jisañob.

Jeremias 9:16 Iomraidhean Croise

Nehemias 1:8

Ña'tan jini t'an tsa' bʌ a wʌq'ue Moisés jini a winic. Tsa' sube: “Mi mach xuc'ulic mi la' jac'beñon c t'an, mi caj c pam puquetla majlel ti ñajtʌl ba'an yan tac bʌ winicob x'ixicob.

Salmos 106:27

Mi caj i pucbeñob majlel i p'olbal ti' tojlel sajtemo' bʌ Cha'an mi' pam pujquelob ti selol pañimil.

Eclesiastes 12:5

Che' ñoxetix bʌbʌq'uen ma' yajlel che' an ba' ma' letsel yic'ot ma' jubel. Sʌquix a jol, tiquinix a bʌc'tal. Wocol ma' cha'len xʌmbal. Mach a womix a chʌn ajñel yic'ot a wijñam. Wolix a pijtan i yorajlel chʌmel. Mero lʌc'ʌl a wotot ti chan mach bʌ yujilic jilel. Wolix i chajpañob i bʌ x'uq'uelob.

Jeremias 13:24

Mi caj c puquetla che' bajche' i sujl ixim mu' bʌ i wejlan majlel ic'.

Jeremias 24:10

Mi caj c jisañob ti espada yic'ot ti wi'ñal yic'ot ti c'amʌjel jinto che' jocholix mi' cʌytʌl i lumal tsa' bʌ cʌq'ueyob i tatob, che'en.

Jeremias 25:27

Mi caj a subeñob: “Japʌla jinto mi la' yʌc'an, jinto mi la' xejtan. Mi caj la' yajlel. Ma'anix mi caj la' chʌn ch'ojyel come mi caj la' jilel ti espada. Che' woli' yʌl i Yum Panchan yic'ot Pañimil, i Dios Israel”. Che' yom ma' subeñob.

Jeremias 29:17

La' wila to, che'en lac Yum. Wolic chocbeñob tilel uxchajp wocol. Mi caj i chʌmelob ti espada yic'ot ti wi'ñal yic'ot ti c'amʌjel. Lajal mi caj i sujtelob che' bajche' higo tac woli bʌ ti oc'mʌl. Lecojix, mach mʌc'bilix.

Jeremias 44:27

Yʌxʌlix co. Ma'anic mi caj j coltañetla. Mi caj cʌq'uetla ti wocol. Ti pejteletla ch'oyolet bʌ la ti Judá, añet bʌ la ti Egipto, mi caj la' chʌmel ti espada yic'ot ti wi'ñal jinto mi la' lu' jilel.

Jeremias 7:29

Set'e i tsutsel a jol, Jerusalén. Cucux ti uq'uel ti a bajñelil ya' ti' chañelal wits, come chocbiletix i cha'an lac Yum woli bʌ i mich'leñet. Cʌybiletix i cha'an.

Jeremias 8:19

Ubinla, woliyob ti uq'uel jini c'uxbibilo' bʌ c pi'ʌlob ti ñajt bʌ lum. ¿Baqui an lac Yum? ¿Tsa' ba i cʌyʌ i cha'len yumʌl ti lac tojlel? che'ob. Lac Yum woli' yʌl: ¿Chucoch tsi' yʌc'ʌyoñob ti mich'? ¿Chucoch tsi' ch'ujutesayob jini dios tac, i melbal tac jini ch'oyolo' bʌ ti ñajtʌl? che'en lac Yum.

Ezequiel 11:17

Mi caj c cha' pʌyetla loq'uel ti pejtelel lum ba' pam pujquemetla cha'an mic cha' aq'uetla ti' lumal Israel”. Che'ʌch yom ma' subeñob.

Ezequiel 12:15

Ti jim bʌ ora mi caj i ña'tañob i Yumon che' pam pujquemobix ti yan tac bʌ lum.

Ezequiel 14:17

Che' mic choc tilel guerra cha'an mi' laj jisʌntelob yic'ot espada, ma'anic bajche' mi caj i coltʌntelob.

Ezequiel 20:23

Ya' ti tiquin bʌ lum tsac wa'chocobeyob c t'an cha'an muq'uix c pam pucob ti pejtelel lum tac yic'ot ti pejtelel tejclum tac.

Ezequiel 5:12

Junmojt mi caj i chʌmel cha'an jontol bʌ c'amʌjel yic'ot wi'ñal. Yambʌ junmojt mi caj i jisʌntel yic'ot espada. Yambʌ junmojt mi caj c pam puc ti pejtelel pañimil ba' mi caj c jisañob ti espada.

Ezequiel 5:2

Yom ma' wʌc' jump'is ya' ti yojlil i planojlel Jerusalén. Ya'i mi caj a pul che' ujtemix a wubin jini wocol. Yambʌ jump'is mi caj a tsep yic'ot espada ya' ti' joytʌlel i planojlel tejclum. Yambʌ jump'is mi caj a puc ti ic', i wentajlel c tejclumob mu' bʌ caj cajñesan yic'ot espada.

Levitico 26:33

Mi caj c pam puquetla ti pejtelel pañimil. Mi caj cʌq'uetla ti jilel ti espada. Che' jini jochocña mi caj i cʌytʌl la' lum yic'ot la' tejclum tac.

Amos 5:16

Jini cha'an lac Yum, i Dios Panchan yic'ot Pañimil woli' yʌl: Mi' cajelob ti uq'uel ti pejtelel bij tac. Ti pejtelel calle mi caj i yʌlob: “Obol jax lac bʌ”, che'ob. Mi caj i pʌyob tilel xcʌnta pʌc'ʌbʌl cha'an mi' tem cha'leñob uq'uel yic'ot jini x'uq'uelob.

Miqueas 2:4

Ti jim bʌ ora mi caj i wajleñetla la' contrajob. Mi caj i tse'tañetla che' ch'ijiyem mi la' cha'len uq'uel. Mi caj la' wʌl: “Junyajlel jisʌbilonixla. Isujm lac Yum tsa'ix i laj chilbeyonla lac lum. Tsi' cha' t'oxbeyob yaño' bʌ. Tsa'ix i chocoyonla majlel ti ñajtʌl”. Che'ʌch mi caj la' wuc'tan la' bʌ, che'en lac Yum.

Zacarias 7:14

Tsac pam pucuyob che' bajche' p'ʌtʌl bʌ ic' ti ñajt tac bʌ pañimil ti' tojlel jini mach bʌ i pi'ʌlobic. Ch'ijiyem tsa' cʌle i lum. Ma'anic majqui tsa' chʌn ñumi ya'i. Jochol tsa' cʌle jini uts'at bʌ lum tsa' bʌ i lon mulayob. Che' tsi yʌlʌ i Yum Panchan yic'ot Pañimil.

Deuteronomio 28:25

Lac Yum mi caj i yʌq'uet ti puts'el ti' wutob a contrajob. Junts'ijt bij mi caj a loq'uel a taj a contra. Wucp'ejl bij mi caj a majlel ti puts'el ti' tojlel. P'ump'un jax mi caj a tic'lʌntel ti jujump'ejl a lumal.

Deuteronomio 28:36

Lac Yum mi caj i pʌyet majlel temel yic'ot a rey wa'chocobil bʌ a cha'an. Mi caj i yʌq'uet ti' wenta yambʌ tejclum ba' ma'anic a cʌñʌ bʌ, ba' ma'anic tsi' cʌñʌ a ñojte'elob. Ya'i mi caj a ch'ujutesan yan tac bʌ dios melbil bʌ ti te' yic'ot ti xajlel.

Deuteronomio 28:64

Mi caj i pam puquetla ti yan tac bʌ tejclum, ti junwejl pañimil. Ya' mi caj la' ch'ujutesan jini dios tac mach bʌ cʌmbilic la' cha'an, mach bʌ cʌmbilic i cha'an la' ñojte'elob, jini dios tac melbil bʌ ti te' yic'ot ti xajlel.

Deuteronomio 32:26

Tsac ña'ta c junyajlel pucob majlel ti ñajt bʌ pañimil Cha'an ma'anix mi' chʌn ña'tʌntelob.

Deuteronomio 4:27

Lac Yum mi caj i pam puquetla ti yan tac bʌ lum. Ts'ita jach mi caj la' cʌytʌl ya' ba' mi caj i pʌyetla majlel lac Yum.

Santiago 1:1

Santiagojon, x'e'telon i cha'an Dios yic'ot lac Yum Jesucristo. Mic ts'ijbubeñetla ili jun i p'olbalet bʌ la jini lajchʌntiquil i yalobil Israel, pujquemet bʌ la ti pejtelel pañimil. Mi cʌq'ueñetla cortesía.