Jeremias 9:11 - Chol: I T’an Dios

¹¹ Joñon mi caj cʌc' ti jejmel jini tejclum cha'an p'ulul ti lum mi' cʌytʌl. Ya' mi caj i yajñelob jontol bʌ ts'i'. Mi caj c jochtesan jini tejclum tac ti Judá cha'an ma'anix majch mi' chʌn ajñel ya'i.

Chol de Tumbalá Bible

¹¹ Joñon mi caj cʌc' ti jejmel jini tejclum cha'an p'ulul ti lum mi' cʌytʌl. Ya' mi caj i yajñelob jontol bʌ ts'i'. Mi caj c jochtesan jini tejclum tac ti Judá cha'an ma'anix majch mi' chʌn ajñel ya'i.

Jeremias 9:11 Iomraidhean Croise

Nehemias 4:2

Ya' ti' tojlel i pi'ʌlob yic'ot ti' tojlel jini soldadojob loq'uemo' bʌ ti Samaria tsi' wajleyonla: ¿Chuqui woli' lon melob jini judíojob? Bʌjobʌch i bʌ. Woli' lon ña'tañob i cha' melob tejclum. ¿Mu' ba caj i joloñel i ts'ajquiñob cha'an jump'ejl q'uin e'tel? ¿Mu' ba caj i cha' lotob jini xajlel am bʌ ti bʌltʌl tsa' bʌ puli? Che'ʌch tsi wajleyonla Sanbalat.

Salmos 107:43

Jini am bʌ i ña'tʌbal la' i ña'tan iliyi. Che' jini mux i ch'ʌmben isujm cabʌlʌchix i yutslel lac Yum.

Salmos 44:19

Tsa' teñeyon lojon ya' ba'an jini mate'el ts'i'. Tsa' wotsayon lojon ti ic'ch'ipan bʌ ba' bʌbʌq'uen mi lac chʌmel.

Salmos 79:1

Dios, tsa'ix ochiyob jini sajtemo' bʌ ti a lumal. Tsa'ix i bib'esayob jini ch'ujul bʌ a Templo. Tsa'ix i jisayob Jerusalén.

Isaias 13:22

Jini bʌte'el ts'i' yic'ot jontol bʌ bʌte'el mi caj i yajñel ti' yotot tac jini yumʌlob ti Babilonia. Lʌc'ʌlix jini q'uin. Mach jalix mi' caj ti ujtel pejtel iliyi ti' tojlel Babilonia, che'en lac Yum.

Isaias 25:2

Tsa'ix a jisa jini colem tejclum yic'ot wen p'ʌtʌl tac bʌ otot. Jejmenix i ts'ajquil jini ñuc tac bʌ otot, wen i t'ojol jax bʌ. Ma'anix mi' chʌn mejlel ti pejtelel ora.

Isaias 34:13

Mux i colel ch'ixol ba' jejmenix i yotot yumʌlob. Mux i colel ts'ʌbab yic'ot stsajatun ba' jejmenix ts'ajc. Ya' mi' caj ti p'ojlel mate'el ts'i' yic'ot ja'al pech.

Isaias 44:26

Joñon mi cʌq'ueñob c t'an jini x'alt'añob c cha'an. Mi cʌc' ti ts'ʌctiyel i t'an jini x'etelob c cha'an. Joñon mic suben c tejclum Jerusalén, cha' talob ti chumtʌl israelob wʌ' ti jini tejclum yic'ot ti' tejclum tac Judá. Cha'an c mandar mi caj i laj wa'chocontel otot ba' tsa' jejmi.

Jeremias 1:15

Mi caj c pʌy tilel a contrajob chumulo' bʌ ti yan tac bʌ lum ya' ti norte. Talob i wa'chocon i yumʌntel ti' yochib Jerusalén yic'ot ti chan bʌ ts'ajc am bʌ ti' joytʌlel Jerusalén yic'ot ti pejtelel xchumtʌl tac ti Judá.

Jeremias 10:22

Ubinla. Motocñayob xguerrajob. Talob ti xʌmbal ya' ti norte. I tejclum tac Judá mi caj i sujtelob ti' ch'eñal jontol bʌ ts'i'.

Jeremias 16:10

Che' ma' subeñob pejtel iliyi mi caj i yʌlob: “¿Chucoch tsi' ña'ta i jisañon lojon lac Yum? ¿Chuqui c mul lojon? ¿Chuqui tsac tumbe lojon c Yum Dios?” che'ob.

Jeremias 25:11

Pujch'emix mi' majlel ili lum. Jini cʌchbilo' bʌ loq'uel ti' lumal mi caj i yumañob Nabucodonosor rey ti Babilonia. Lujump'ejl i chʌnc'al jab (70) mi caj i jac'ob.

Jeremias 25:18

Bʌbʌq'uen jax jini wocol tsa' bʌ tili ti' tojlelob. Tsa' jili Jerusalén yic'ot i tejclum tac Judá yic'ot i reyob yic'ot ñuco' bʌ i ye'tel. C'ʌlʌl wʌle woli' ts'a'lentelob, woli' wajlentelob, woli' p'ajtʌlob.

Jeremias 26:18

Che' woli to ti yumʌl Ezequías rey bʌ ti Judá, tsa' tili juntiquil x'alt'an i c'aba' Miqueas ch'oyol bʌ ti Moreset. Tsi' cha'le subt'an ti' tojlel pejtel año' bʌ ti Judá. Tsi' yʌlʌ: “I Yum Panchan yic'ot Pañimil woli' yʌl: Sion mi' caj ti xitchocontel che' bajche' jamil. Jerusalén mi caj i sujtel ti bujtʌl. Ili lum ba' wa'chocobil cotot mi caj i sujtel ti te'el. Che' tsi' yʌlʌ lac Yum”, che'en Miqueas.

Jeremias 26:9

¿Chucoch tsa' cha'le subt'an ti' c'aba' lac Yum? Tsa' subeyon lojon cha'an mux caj i sujtel ili otot che' bajche' Siloe. “Jochol mi caj i cʌytʌl ili tejclum”, che'et. Che' tsi' cha'leyob a'leya. Ya' joyol Jeremías ti ili winicob ya' ti' pat Templo.

Jeremias 34:22

Awila to. Joñon mi caj cʌc' mandar cha'an mi' cha' sujtelob ilayi cha'an mi' cha' techob guerra ti' contra ili tejclum. Mi caj i t'uchtañob. Mi caj i pulob ti c'ajc. Joñon mi caj c jisan pejtel i tejclum tac Judá cha'an jochol mi' cʌytʌl, che'en lac Yum.

Jeremias 4:27

Come lac Yum tsi' yʌc'ʌ ti jisʌntel jini lum che' bajche' tsi' yʌlʌ: Pero mach jilic i colojbal c winicob x'ixicob, che'en lac Yum. Lamital jach mi caj i cʌytʌl.

Jeremias 44:2

I Yum Panchan yic'ot Pañimil, i Dios Israel woli' yʌl: Tsa' la' q'uele jini ñuc bʌ wocol tsa' bʌ c chocbeyob jini año' bʌ ti Jerusalén yic'ot i tejclum tac Judá. La' wilan lu' jocholix. Ma'anix i yum.

Jeremias 49:33

Mi caj i sujtel Hazor ti' ch'eñal jontol bʌ ts'i'. Ma'anix mi caj i cha' wa'chocontel jini jejmen tac bʌ ti pejtelel ora. Ma'anix mi caj i sujtelob winicob cha'an mi' poj chumtʌlob ya'i.

Jeremias 50:3

Come tsa'ix juliyob jini ch'oyolo' bʌ ti norte. Mi caj i jisañob jini lum. Jochol mi caj i cʌytʌl. Ma'anic majqui mi' caj ti chumtʌl ya'i, mi winic, mi bʌte'el. Mi caj i laj puts'elob.

Jeremias 51:37

Jejmenix mi caj i cʌytʌl Babilonia. Mi caj i sujtel ti' yotot jontol bʌ ts'i'. Mi caj i bʌc'ñʌntel. Mi caj i p'ajtʌl. Jochol mi caj i cʌytʌl.

Jeremias 8:22

¿Mach ba anic ts'ac ti Galaad? ¿Mach ba anic sts'ʌcaya? ¿Chucoch ma'anic mi' lajmelob jini c'uxbibilo' bʌ c pi'ʌlob?

Lamentaciones 1:4

Ch'ijiyem pejtel i bijlel Jerusalén. Ma'anix mi' chʌn letselob ti tejclum ti mojt ti mojt cha'an tijicña mi' melob q'uin. Jejmenix i ti'. Ch'ijiyem i pusic'al jini motomajob. Tic'lʌbilob tsa' pʌjyiyob majlel jini xch'ocob.

Lamentaciones 2:2

Lac Yum tsi' jisa pejtel chuqui tac c'uxbibil i cha'an Jacob. Ma'anic tsi' wis p'unta. Tsi' jisʌbe i ts'ajquil ba' lon xuc'ul i pusic'al Judá. Tsi' jisʌbe i ñuclel i yumob. Tsi' chocoyob jubel ti lum. Ma'anix i yumʌntel.

Lamentaciones 3:47

Jini cha'an cabʌl mic cha'len lojon bʌq'uen come lu' jilemix c lumal yic'ot c chubʌ'an. Cabʌl mi cubin lojon wocol. Junyajlel jisʌbilon lojon.

Levitico 26:32

Jochocña' mi caj i cʌytʌl jini pañimil. La' contrajob mi caj i yajñelob ti la' lumal. Mi caj i toj sajtelob i pusic'al cha'an la' wocol.

Miqueas 1:6

Jini cha'an mi caj c jisan Samaria che' bajche' mi' jejmel ts'ajc cha'an yujquel lum. Mi caj i sujtel i lumal ti jamil ba' mi caj i pʌc'ob ts'usubil. Mi caj i laj bujchel i yoyel i yototob. Mi caj c choc jubel jini xajlel ya' ti joctʌl. Jochol mi caj i cʌytʌl jini lum.

Miqueas 3:12

Jini cha'an ti' caj la' jontolil mi caj i bic'ti jejmel Sion che' bajche' mi' tojp'el lum. Pucujemel mi caj i cʌytʌl Jerusalén che' bajche' jejmen bʌ otot. Mi caj i sujtel ti mate'el jini wits ba' wa'chocobil Templo.

Miqueas 6:16

Tsa'ix la' jac'be i mandar Omri. Tsa'ix la' mele jontolil che' bajche' Acab. Jini cha'an mi caj c jisañetla. Mi caj cʌq'uetla ti tse'tʌntel. Mi caj la' wajlentel cha'an winicob ti pejtelel pañimil.

Deuteronomio 29:23

Mi caj i q'uelob azufre yic'ot ats'am ti la' lum. Ma'anix pʌc'ʌbʌl, come ma'anix chuqui mi caj i chʌn colel, mi pimel, mi te'ic mu' bʌ i yʌc' i wut. Lajal yilal jini lum che' bajche' Sodoma, yic'ot Gomorra, yic'ot Adma, yic'ot Zaboim, che' bʌ tsa' puli cha'an tsi' junyajlel jisa lac Yum ti' mich'ajel.

Apocalipsis 18:2

Tsi' cha'le oñel ti c'am bʌ t'an. Tsi' yʌlʌ: Jejmenix, jejmenix jini ñuc bʌ Babilonia. Ya'ix chumulob xibajob yic'ot pejtel bibi' bʌ espíritu. I yajñibix pejtelel bibi' bʌ te'lemut mu' bʌ i ts'a'lentel.