Jeremias 9:10 - Chol: I T’an Dios

¹⁰ P'ump'un jini wits yic'ot jamil. Ajacñayob ti uq'uel come pulemix ti q'uin. Ma'anix majqui mi' ñumel ti lum mi winic mi alʌc'ʌl. Majlemix bʌte'el yic'ot te'lemut.

Chol de Tumbalá Bible

¹⁰ P'ump'un jini wits yic'ot jamil. Ajacñayob ti uq'uel come pulemix ti q'uin. Ma'anix majqui mi' ñumel ti lum mi winic mi alʌc'ʌl. Majlemix bʌte'el yic'ot te'lemut.

Jeremias 9:10 Iomraidhean Croise

Isaias 41:15

Lajalet bajche' tsucul bʌ top'i' lum mach bʌ anic i yej. Mi caj c cha' melet che' bajche' tsiji' bʌ e'tijibʌl jay bʌ i yej. Mi caj a jem majlel wits. Mi caj i yajlelob a contrajob anquese p'ʌtʌlob.

Isaias 49:19

Asiyemix a tejclum, jocholix a lumal. Tal i yorajlel mi caj i ch'och'ocʌyel a lum cha'an cabʌl winicob. Ñajtix añob jini winicob tsa' bʌ i jisayet.

Jeremias 12:10

Jini año' bʌ i ye'tel cha'an mi' cʌntañob c tiñʌme' tsa'ix i biy t'uchtayob c ts'usubil. Tsi' tic'layob c lum ba' tsa' ñumiyob. Jini i t'ojol jax bʌ c lum tsa'ix sujti ti colem bʌ xajlelol wen ch'ijiyem bʌ.

Jeremias 12:11

Ma'anix i c'ʌjñibal. Ma'anix i yum. Wen ch'ijiyem mij q'uel. Ma'anic majqui mi' p'untan. Ma'anic majqui woli' mel i pusic'al cha'an chuqui woli' yujtel, che'en.

Jeremias 12:4

¿Jala to mi' yujtel wocol? Tiquinix lum. Tiquinix pejtel jini jam. Majlemobix bʌte'el yic'ot te'lemut. Jochol mi' cʌytʌl lum cha'an i mul xjontolilob. Mi' yʌlob: Mach jiliconla. Mach muq'uic i jisañonla Dios, che'ob.

Jeremias 14:6

Jini burro mach bʌ anic i yum mi' to'ol ñumel ti xʌmbal ti jochol bʌ lum ti pam wits. Wocol mi' jap ic' cha'an tiquinix i bic'. Mi' lujb'an i sʌclan i bʌl i ñʌc', come ma'anic i buc'bal.

Jeremias 2:15

Woli' mʌjlel i cha'an año' bʌ ti ñajtʌl. Mi' pam tsictiyel i t'añob che' bajche' bajlum. Tsi' yʌc'ʌyob ti pujch'el i lum Israel. Tsi' yʌc'ʌyob ti bujchel jini tejclum tac. Laj majlemobix i yumob otot. Ma'anix majqui an.

Jeremias 2:6

Ma'anic mi juntiquilic mu' bʌ i ña'tañon. Ma'anic majqui mi' yʌl: “¿Baqui an lac Yum tsa' bʌ i pʌyʌyonla loq'uel ti' lumal egiptojob? Tsi' toj'esayonla ñumel ba' jochol lum ba'an wits yic'ot ch'en ya' ba' wen pim i yi'ic'lel pañimil, ba' ma'anic xchumtʌl”. Ma'anic majqui mi' ña'tañon, mi juntiquilic.

Jeremias 23:10

Come but'ul ili lum ti xmulilob mu' bʌ i cʌyob i pi'ʌlob cha'an i ts'i'lel. Jini cha'an ch'ijiyem ili lum. Tiquinix i buc'ujib alʌc'ʌl. Mi' yesmañob jontolil. Mach tojic bajche' mi' cha'leñob ganar.

Jeremias 50:3

Come tsa'ix juliyob jini ch'oyolo' bʌ ti norte. Mi caj i jisañob jini lum. Jochol mi caj i cʌytʌl. Ma'anic majqui mi' caj ti chumtʌl ya'i, mi winic, mi bʌte'el. Mi caj i laj puts'elob.

Jeremias 7:29

Set'e i tsutsel a jol, Jerusalén. Cucux ti uq'uel ti a bajñelil ya' ti' chañelal wits, come chocbiletix i cha'an lac Yum woli bʌ i mich'leñet. Cʌybiletix i cha'an.

Jeremias 8:18

Wen ch'ijiyem c pusic'al. Mach yujilic lajmel c ch'ijiyemlel. Mi' yʌc'on ti uq'uel.

Lamentaciones 1:16

Jini cha'an mic cha'len uq'uel. Cabʌl i ya'lel c wut. Ma'anic caj coltaya mu' bʌ i tijicñesan c pusic'al. Meba'obix calobilob yilal. Añobʌch ti' wenta j contrajob.

Lamentaciones 2:11

C'unix pañimil mi cubin cha'an cabʌl uq'uel. Chʌquix c wut. Ch'ijiyem c pusic'al. Cabʌl mic mel c pusic'al che' mij q'uel chuqui woli' yujtel tic lumal. Woli' chʌmelob ti bij alʌlob mach bʌ anic i chu'.

Lamentaciones 5:18

Cabʌl woli' p'ojlelob wax ya' ti wits Sion ba' ma'añobix winicob.

Ezequiel 14:15

Che' mic choc tilel jontol bʌ bʌte'el cha'an mi' lu' jisañob, ma'anix majqui mi caj i chʌn cʌytʌl ti pañimil.

Ezequiel 29:11

Mi juntiquilic winic mi caj i chʌn ñumel, mi juncojtic bʌte'el. Cha'c'al jab jochol mi caj i yajñel. Ma'anic majch mi' caj ti chumtʌl ya'i.

Ezequiel 33:28

Mi caj c sutq'uin ti te'el jini tejclum. Mi caj i jilel i t'ojlʌwel pejtel jini wits tac ti Israel. Jochol mi caj i cʌytʌl. Ma'anix majch mi caj i chʌn ñumel.

Oseas 4:3

Jini cha'an ch'ijiyem la' lumal yic'ot pejtel jini ya' bʌ chumulob. Ma'anix mi' yʌc' i wut la' lum. Wolix ti jilel jini bʌte'el tac am bʌ ti mate'el yic'ot te'lemut tac, yic'ot i chʌñil tac colem ja'.

Joel 1:13

Motomajob, yom mi la' lʌp coxtal cha'an i ch'ijiyemlel la' pusic'al. I winiquet bʌ la Dios, ñusanla ac'ʌlel ti uq'uel ba'an pulʌntib, come ma'anix trigo yic'ot i ya'lel ts'usub cha'an mi la' wʌq'uen i majtan Dios.

Joel 1:19

C Yum, mic pejcañet ti c'am bʌ t'an, come jini jajmel tsa'ix i tiquesa pejtel potrero yic'ot pejtel te'.

Amos 5:1

Ubinla ili t'an woli bʌ c sub ti la' contra, winicob x'ixicob ti Israel. Jiñʌch ch'ijiyem bʌ t'an.

Amos 5:16

Jini cha'an lac Yum, i Dios Panchan yic'ot Pañimil woli' yʌl: Mi' cajelob ti uq'uel ti pejtelel bij tac. Ti pejtelel calle mi caj i yʌlob: “Obol jax lac bʌ”, che'ob. Mi caj i pʌyob tilel xcʌnta pʌc'ʌbʌl cha'an mi' tem cha'leñob uq'uel yic'ot jini x'uq'uelob.

Miqueas 2:4

Ti jim bʌ ora mi caj i wajleñetla la' contrajob. Mi caj i tse'tañetla che' ch'ijiyem mi la' cha'len uq'uel. Mi caj la' wʌl: “Junyajlel jisʌbilonixla. Isujm lac Yum tsa'ix i laj chilbeyonla lac lum. Tsi' cha' t'oxbeyob yaño' bʌ. Tsa'ix i chocoyonla majlel ti ñajtʌl”. Che'ʌch mi caj la' wuc'tan la' bʌ, che'en lac Yum.

Miqueas 3:12

Jini cha'an ti' caj la' jontolil mi caj i bic'ti jejmel Sion che' bajche' mi' tojp'el lum. Pucujemel mi caj i cʌytʌl Jerusalén che' bajche' jejmen bʌ otot. Mi caj i sujtel ti mate'el jini wits ba' wa'chocobil Templo.