Jeremias 8:9 - Chol: I T’an Dios

⁹ Jini xcʌntesajob woli' yʌjq'uelob ti quisin. Mʌcʌlob i yej. Cʌchʌlob mi caj i majlelob ti yambʌ lum cha'an tsi' juch'teq'ueyob i t'an lac Yum. Tsiquil che' jini ma'anic i ña'tʌbal.

Chol de Tumbalá Bible

⁹ Jini xcʌntesajob woli' yʌjq'uelob ti quisin. Mʌcʌlob i yej. Cʌchʌlob mi caj i majlelob ti yambʌ lum cha'an tsi' juch'teq'ueyob i t'an lac Yum. Tsiquil che' jini ma'anic i ña'tʌbal.

Jeremias 8:9 Iomraidhean Croise

2 Reyob 17:15

Tsi' ñusʌbeyob i mandar lac Yum yic'ot jini xuc'ul bʌ t'an tsa' bʌ i mele yic'ot i ñojte'elob. Ma'anic tsi' jac'beyob i t'an. Tsa' jach i bajñel sajcayob jini lolom tac bʌ am bʌ ti pañimil. Tsa' sojquiyob. Lajal tsi' meleyob che' bajche' i tilel mi' melob jini mach bʌ i cʌñʌyobic Dios, anquese tic'bilob ti Dios.

Job 5:12

Mi' mʌctan jini jontolo' bʌ che' an chuqui woli' ña'tañob i mel.

Job 5:13

Mi' yʌc'ob ti chujquel ya' ti yac mu' bʌ i lon chajpañob cha'an mi' chucob yambʌ i pi'ʌl. Mi' jembeñob i pensar che' an chuqui leco mi' lon ña'tañob i mel.

Salmos 19:7

Ma'anic i sajtemal i cʌntesʌbal lac Yum. Mi' p'ʌtesʌbeñonla lac pusic'al. Isujmʌch i t'an lac Yum, Mi' cʌntesan jini mach bʌ anic i pusic'al.

Isaias 19:11

Tontojob jax jini yumʌlob ti Zoán. Tonto i t'an jini xcʌntesajob mu' bʌ i subeñob Faraón bajche' yom melol. Mach chʌn mejlic i chañ'esañob i bʌ cha'an cabʌl i na'tʌbal i tatob ti oñiyi, come mach lajalobic yic'ot i tatob. Ma'anix i c'ʌjñibal ti' tojlel Faraón.

Isaias 29:14

Jini cha'an ña'tanla. Mi caj cʌc' ti sajtel jini winicob x'ixicob cha'p'ejl jax bʌ i pusic'al cha'an mi' tojob i mul. Mi caj cʌc' ti jilel i ña'tʌbal jini wen yujilo' bʌ, che'en lac Yum.

Isaias 43:27

A pʌq'uil tsi' cha'leyob mulil c'ʌlʌl ti oñiyi. Pejtel a ñojte'elob tsi' ñusayob c t'an.

Isaias 8:20

Ña'tanla chuqui ts'ijbubil ti' T'an Dios. Ubinla i t'an: Majqui jach mi' contrajin c t'an jiñʌch payxo x'alt'an. Mach chocbilic tilel c cha'an, come ma'anic i c'ʌc'al. Mach i sujmic i t'an.

Jeremias 15:6

Tsa' cʌyʌyon, che'en lac Yum. Woli a chʌn tʌts' a bʌ tic tojlel. Jini cha'an tsac sʌts'ʌ j c'ʌb cha'an mic jisañet. Mach chʌn comix j cuch a mul. Wocol jax mi cubin.

Jeremias 19:7

Joñon mi caj j contrajin Judá yic'ot Jerusalén ti guerra. Mi caj c jisañetla ti espada ti' c'ʌb la' contrajob. Talob i tsʌnsañetla. Joñon mi caj j coltañob. Jini te'lemut yic'ot bʌte'el mi caj i c'uxetla.

Jeremias 2:8

Jini motomajob ja'el ma'anic woli' yʌlob: “¿Baqui an lac Yum?” Jini yujilo' bʌ mandar mach i cʌñʌyoñobix. Jini año' bʌ i ye'tel wolix i contrajiñoñob. Jini subt'añob woli' subob ti ñuc jini Baal. Woli' tsajcañob jini lolom jach bʌ.

Jeremias 49:7

Lac Yum woli' yʌl: ¿Baqui añob jini año' bʌ i ña'tʌbal? ¿Mach ba anix mi juntiquilic ti Teman? ¿Tsa' ba asiyi i pusic'al jini a waj cʌntesajob?

Jeremias 6:15

¿Tsa' ba i yubiyob quisin che' bʌ tsi' cha'leyob jontolil? Ma'anic. Mach yujilobic quisin. Ma'anic mi' chʌc'an i wut. Jini cha'an mi caj i yajlelob yic'ot jini tsʌnsʌbilo' bʌ. Che' mi cʌq'ueñob i tojob i mul, mi caj i chʌmelob, che'en.

Jeremias 6:19

Ubinla, pejtel cuxulo' bʌ ti pañimil: Awilan, wolix c choc tilel wocol ti' tojlel ili c tejclum. Mi caj i tojob i mul come ma'anic tsi' jac'ʌyob c t'an. Tsi' juch'teq'ueyob j cʌntesʌbal.

Ezequiel 7:26

Tal ñuc bʌ wocol ti chajp ti chajp yic'ot bʌbʌq'uen tac bʌ. Mi caj i lon pijtañob i t'an x'alt'añob. Ma'anix i ña'tʌbal jini motomajob yic'ot xñoxob cha'an mi' cʌntesañob.

Amos 2:4

Lac Yum woli' yʌl: Cabʌlix i jontolil Judá. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' ñusʌbeyon c t'an, ma'anic tsi' jac'beyon c mandar. Tsa' sajtiyob cha'an tsi' ñopoyob lot. Tsi' ñopoyob dioste' tac che' bajche' i tatob.

Zacarias 13:4

Ti jim bʌ q'uin ma'anix majqui mi caj i lon sub i bʌ ti x'alt'an cha'an mi' chañ'esan i bʌ ti' tojlel i pi'ʌlob. Ma'anix majqui mi caj i lʌp i pislel x'alt'añob cha'an mi' lotin winicob.

Deuteronomio 4:6

Jini cha'an yom mi la' wen lot ti la' pusic'al. Yom ts'ʌcʌl mi la' jac'. Come jiñʌch la' ña'tʌbal yic'ot la' ch'ejlel ti' wutob jini año' bʌ ti pañimil. Che' mi yubiñob pejtelel jini t'an, mi caj i yʌlob: “Isujm cabʌl i pusic'al ili winicob, cabʌl i ña'tʌbal. Ñucob ili winicob”. Che'ʌch mi caj i yʌlob.

2 Timoteo 3:15

C'ʌlʌl che' alʌlet to, cʌmbilix a cha'an jini Ch'ujul bʌ i Ts'ijbujel Dios, mu' bʌ i cʌntesañet cha'an ma' ñop Cristo Jesús cha'an ma' coltʌntel.