Jeremias 8:7 - Chol: I T’an Dios

⁷ Jini ja'al pech mi' ña'tan che' i yorajlelix mi' sujtel ti' c'u'. Che' ja'el jini xmucuy yic'ot x'ajlum yic'ot jojmay yujilob che' i yorajlelix mi' cha' tilelob, pero tontojob c winicob x'ixicob. Mach yomobic i jac'ob c mandar.

Chol de Tumbalá Bible

⁷ Jini ja'al pech mi' ña'tan che' i yorajlelix mi' sujtel ti' c'u'. Che' ja'el jini xmucuy yic'ot x'ajlum yic'ot jojmay yujilob che' i yorajlelix mi' cha' tilelob, pero tontojob c winicob x'ixicob. Mach yomobic i jac'ob c mandar.

Jeremias 8:7 Iomraidhean Croise

Cantares 2:12

Wolix i pasel nichim. I yorajlelix mi' cajelob ti c'ay jini te'lemut. Isujm i yorajlelix jajmel.

Isaias 1:3

Jini wacax mi' cʌn i yum. Jini burro mi' wen cʌmben i yotot i yum ba' mi' taj i buc'bal. Pero Israel ma'anic mi' ch'ʌmben isujm. Jini mero c cha'año' bʌ ma'anic mi' cʌñonob.

Isaias 27:11

Lajal jini tejclum che' bajche' yajlem bʌ te', tiquinix bʌ. Talob x'ixicob i xot'ob. Mi' tempañob cha'an si'. Ma'añobic i pusic'al jini winicob x'ixicob. Ma'añobic i ña'tʌbal. Jini cha'an Dios tsi' cʌyʌyob. Dios tsa' bʌ i meleyob ma'anic mi caj i p'untañob. Anquese Dios tsi' meleyob ma'anic mi caj i pʌsbeñob i yutslel i pusic'al.

Isaias 5:12

Mi la' cha'len q'uiñijel yic'ot lembal, yic'ot música, guitarra, lajte', yic'ot amʌy. Pero ma'anic mi la' p'is ti wenta i t'an lac Yum.

Jeremias 4:22

Jinto mi' laj jisʌntelob c pi'ʌlob come jontolob. Ma'anic mi' ñich'tañoñob. Che'ʌch añob bajche' alp'eñelob maxto bʌ anic i pusic'al. Ma'anic mi' ch'ʌmbeñob isujm. Wen yujilob jontolil, pero mach yujilobic i melol chuqui uts'at.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Habacuc 1:4

Ma'anix i p'ʌtʌlel a mandar ba' ma'anic mi' jac'ob. Mach tojix mi' yujtel meloñel che' bajche' yom. Come an cabʌl xjontolilob, pero ma'anic jaytiquil tojo' bʌ. Jini xmeloñel mi' ch'ʌm i majtan ti' c'ʌb jini am bʌ i mul. Jini cha'an mach tojic mi' loq'uel jini meloñel.

Zacarias 5:9

Tsaj q'uele, awilan woli' wejlel tilel cha'tiquil x'ixicob. Lajalob i wich' che' bajche' i wich' ja'al pech. Tsa' caji i ch'uyob majlel jini chiquib.