Jeremias 8:6 - Chol: I T’an Dios

⁶ Tsac wen q'ueleyob, tsac ñich'tʌbeyob i t'an pero mach uts'atic i t'an. Ma'anic majqui mi' cʌy i mul. Ma'anic mi' tsicob i pusic'al cha'an jontol i melbal. Ti pejtelelob mi' yajcañob majlel i bijlel jontolil che' bajche' caballo mu' bʌ i choc ochel i bʌ ba' woliyob ti guerra.

Chol de Tumbalá Bible

⁶ Tsac wen q'ueleyob, tsac ñich'tʌbeyob i t'an pero mach uts'atic i t'an. Ma'anic majqui mi' cʌy i mul. Ma'anic mi' tsicob i pusic'al cha'an jontol i melbal. Ti pejtelelob mi' yajcañob majlel i bijlel jontolil che' bajche' caballo mu' bʌ i choc ochel i bʌ ba' woliyob ti guerra.

Jeremias 8:6 Iomraidhean Croise

Job 10:2

Com c suben Dios: Mach a wʌc'on ti toj mulil. La' c ña'tan chucoch wola' wʌc'on ti wocol.

Job 34:31

Jatet, Job, yom ma' suben a mul Dios. Suben che' bajche' jini: “Tsa'ix cubi wocol. Tsa'ix a ju'sʌbeyon c pusic'al. Mach chʌn comix c cha'len mulil”. Che'ʌch yom ma' suben.

Job 34:32

C'ajtiben Dios a cʌntesʌntel cha'an mi' tsictesʌbeñet a mul maxto bʌ a ña'ta.

Salmos 14:2

Lac Yum am bʌ ti panchan mi' q'uel winicob x'ixicob. Woli' q'uel mi an majch mi' ch'ʌmben isujm, Mi an majch mi' sajcan Dios.

Isaias 30:18

Pero lac Yum woli to i pijtañetla jinto mi la' sutq'uin la' bʌ, cha'an mi' pʌsbeñetla i yutslel i pusic'al. Yom i p'untañetla, come tojʌch lac Yum Dios. Tijicñayob pejtelel mu' bʌ i pijtañob lac Yum.

Isaias 57:17

Cha'an i wo'lel ti chubʌ'añʌl tsa' jumuc' mich'ayon. Tic mich'ajel tsac lowoyob. Tsac mʌybeyob c wut. Tsi' xoyoyob i bijlel. Tsi' meleyob chuqui tac jach yomob.

Isaias 59:16

Lac Yum tsi' laj q'uele. Ma'anic tsi' mula come ma'anic toj bʌ meloñel. Tsi' q'uele ma'anic winic yujil bʌ coltaya. Tsa' toj sajti i pusic'al come ma'anic majqui tsi' xin otsa i bʌ. I bajñel tsi' yotsa i bʌ. Tsa' mʌjli i cha'an. Cha'an ti' caj toj bʌ i pusic'al tsa' mejli.

Jeremias 23:25

Tsa cubibeyob i lot jini x'alt'añob mu' bʌ i lon jop'ob t'an tij c'aba'. Mi' yʌlob: “Tsac ñajle jini, tsac ñajle yambʌ”, lon che'ob.

Jeremias 3:5

¿Chucoch mich'et ti pejtelel ora? ¿Cha'an ba c mul? ¿Mach ba yomic ma' to'ol ñusan mulil?” lon che'et. Che'ʌch tsa' cha'le t'an pero cʌlʌx jax ma' tempan a mul. Ma' to'ol ñusan q'uin ti jontolil, che'en lac Yum.

Jeremias 5:1

Cucu ti ñumel ya' ba'an garita tac ti Jerusalén. Wen q'uele bajche' mi' melob. Otsan ti a pusic'al. Sʌclan ñumel juntiquil mu' bʌ i mel chuqui toj ya' ti choñoñibʌl. Q'uele mi an juntiquil mu' bʌ i yotsan ti' pusic'al chuqui tac isujm cha'an mic pʌsben i yutslel c pusic'al.

Ezequiel 18:28

Ba' ora tsi' ña'ta che' bʌ jontol bajche' woli' mel, tsi' sutq'ui i bʌ cha'an mi' cʌy jontolil. Jini cha'an cuxul mi caj i yajñel jini winic. Ma'anic mi caj i chʌmel.

Ezequiel 22:30

Tsac lon sajca juntiquil toj bʌ i pusic'al yujil bʌ coltaya i wentajlel i ts'ajquil jini tejclum cha'an mi' mʌctan c mich'ajel cha'an la' mul, pero mi juntiquilic tsac taja.

Daniel 9:11

Pejtelel israelob tsi' ñusayob a t'an. Ma'anic tsac jac'ʌ lojon a mandar. Ma'anic tsac ñich'ta lojon a t'an. Jini cha'an tsa' tili tic tojlel lojon a mich'ajel, yic'ot pejtel jini wocol ts'ijbubil bʌ ti' mandar Moisés jini a waj e'tel. Tsa' chocoyon lojon loq'uel ti a tojlel, come tsac cha'le lojon mulil ti a contra.

Sofonias 3:7

Tsa cʌlʌ mi caj i bʌc'ñañoñob. Mi caj i jac'ob i tic'ol. Che' jini ma'anic mic junyajlel jisañob yic'ot pejtel i lumal. Pero wersa tsac jisayob. Tsa' utsi caji i socob i bʌ. Leco jax i melbalob.

Hageo 1:5

Woli ti t'an i Yum Panchan yic'ot Pañimil: Ña'tanla bajche' añetla.

Hageo 1:7

Tsi' yʌlʌ i Yum Panchan yic'ot Pañimil: Ña'tanla bajche' añetla.

Malaquias 3:16

Jini tsa' bʌ i bʌc'ñayob lac Yum tsi' ña'tayob lac Yum che' bʌ tsi' pejcayob i bʌ. An i cha'an lac Yum i juñilel lac ña'tʌntel ba' tsa' ts'ijbunti i c'aba' tac jini mu' bʌ i bʌc'ñañob lac Yum yic'ot mu' bʌ i mulañob i ña'tan lac Yum.

2 Pedro 3:9

Lac Yum ma'anic mi' jalitesan i mel chuqui albil i cha'an che' bajche' mi' lon alob cha'tiquil uxtiquil. Woli' pijtañonla come mach yomic mi' sajtel mi juntiquilic. Yom mi laj cʌy lac mul ti lac pejtelel.

Apocalipsis 9:20

Yambʌ winicob mach bʌ anic tsa' chʌmiyob ti jini wocol ma'anic tsi' cʌyʌyob i mel jontol bʌ i melbal. Ma'anic tsi' cʌyʌyob i ch'ujutesan xibajob, yic'ot dios oro tac, yic'ot dios plata tac, yic'ot dios c'ʌnc'ʌn taq'uin tac, yic'ot dios xajlel tac, yic'ot dios te' tac, mach bʌ anic mi' c'otel i wut, mach bʌ anic mi' yubin t'an, mach bʌ yujilic xʌmbal.