Jeremias 8:5 - Chol: I T’an Dios

⁵ Pero mach che'ic mi' melob jini chumulo' bʌ ti Jerusalén. Tsi' junyajlel tʌts'ʌyob i bʌ tic tojlel. Ñajt mi' majlelob. Mi' mulañob jontolil, mi' wen mulañob lot. Mach yomobic sujtel.

Chol de Tumbalá Bible

⁵ Pero mach che'ic mi' melob jini chumulo' bʌ ti Jerusalén. Tsi' junyajlel tʌts'ʌyob i bʌ tic tojlel. Ñajt mi' majlelob. Mi' mulañob jontolil, mi' wen mulañob lot. Mach yomobic sujtel.

Jeremias 8:5 Iomraidhean Croise

Proverbios 4:13

Chʌn ña'tan j cʌntesʌbal, mach a sʌt. Chʌn loto, come a cuxtʌlelʌch.

Isaias 1:20

Pero mi mach la' womic, mi chʌn tsʌts la' pusic'al mi la' ñusʌbeñon c t'an, mi caj la' jilel ti espada ti' c'ʌb la' contrajob. Che' tsi' yʌlʌ lac Yum.

Isaias 30:10

Mi' subeñob jini x'alt'añob c cha'an: “Mach chʌn comix cubin lojon la' t'an. Mach la' subeñon lojon jini isujm bʌ. Subeñon lojon jini uts'at bʌ, jini lot bʌ. Mach comic lojon jini toj bʌ bij, jini ch'ijiyem bʌ. Mach mi la' chʌn pejcañon lojon cha'an jini Ch'ujul Bʌ ti Israel”, che'ob.

Isaias 44:20

Jini mu' bʌ i ch'ujutesan dioste' ma'anic mi' we'sʌben i ch'ujlel. Ti' caj i sojquemal i pusic'al mi' sajtel. Ma'anic mi' wis ña'tan chuqui woli' mel. Ma'anic mi' yʌl: “¿Mach ba lotic ili dioste' woli bʌ c mel tij c'ʌb?” che'en.

Jeremias 14:7

Isujm, cabʌl c mul lojon ti a tojlel, c Yum, pero p'untañon lojon cha'an ma' q'uejlel ti ñuc. Tsaj cʌyʌyet lojon. Tsac ñusa lojon a t'an.

Jeremias 2:32

Jini c'ajtibil bʌ xch'oc, ¿mach ba c'ajalic i cha'an i ch'ʌjlil mu' bʌ caj i lʌp ti ñujpuñijel? Pero cabʌlix q'uin chʌn ñajʌyemon i cha'an c winicob x'ixicob.

Jeremias 3:5

¿Chucoch mich'et ti pejtelel ora? ¿Cha'an ba c mul? ¿Mach ba yomic ma' to'ol ñusan mulil?” lon che'et. Che'ʌch tsa' cha'le t'an pero cʌlʌx jax ma' tempan a mul. Ma' to'ol ñusan q'uin ti jontolil, che'en lac Yum.

Jeremias 5:27

But'ulob i yotot cha'an chuqui tsi' tajayob ti lotiya yic'ot ti jontolil. Che' yilal bajche' chiquib but'ul bʌ ti alʌ te'lemut. Chan mi' melob i bʌ cha'an cabʌl i chubʌ'an.

Jeremias 5:3

C Yum, ¿mach ba wolic a sʌclan juntiquil mu' bʌ i sub chuqui isujm? Tsa' cʌntesayob. Tsa' jats'ʌyob ja'el cha'an mi' melob chuqui isujm. Pero ma'anic mi' p'isob ti' wenta. Tsa' wʌq'ueyob i wocol, pero mi' ts'a'leñetob. Mi' yutsi tsʌts'esañob i pusic'al che' bajche' xajlel. Mi' to'ol melob chuqui yomob. Mach yomobic i cʌy i mul.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Jeremias 6:17

Tsac wa'chocobeyob xq'uel winicob cha'an mi' subeñob cha'an mi' ñich'tañob i t'an trompeta. Pero tsi' yʌlʌyob: “Mach comic c ñich'tan lojon”, che'ob.

Jeremias 6:19

Ubinla, pejtel cuxulo' bʌ ti pañimil: Awilan, wolix c choc tilel wocol ti' tojlel ili c tejclum. Mi caj i tojob i mul come ma'anic tsi' jac'ʌyob c t'an. Tsi' juch'teq'ueyob j cʌntesʌbal.

Jeremias 9:6

Ti jujump'ejl q'uin woli' tempañob i mul yic'ot i lot. Jini cha'an mach yomobic i ñopoñ, che'en lac Yum.

Daniel 9:11

Pejtelel israelob tsi' ñusayob a t'an. Ma'anic tsac jac'ʌ lojon a mandar. Ma'anic tsac ñich'ta lojon a t'an. Jini cha'an tsa' tili tic tojlel lojon a mich'ajel, yic'ot pejtel jini wocol ts'ijbubil bʌ ti' mandar Moisés jini a waj e'tel. Tsa' chocoyon lojon loq'uel ti a tojlel, come tsac cha'le lojon mulil ti a contra.

Oseas 11:5

Pero mi caj i cha' sujtelob ti Egipto yic'ot ti Asiria, come mach yomobix sujtel ba' añon.

Oseas 11:7

C cha'año' bʌ tsi' junyajlel cʌyʌyoñob. Anquese jini x'alt'añob mi' subeñob cha'an mi' pejcañob Dios am bʌ ti Chan, pero mach yomobic.

Oseas 13:2

Wʌle woli' yutsi cha'leñob mulil. Mi' yulmesañob taq'uin cha'an mi' melob i yejtal tac dios che' bajche' mi' bajñel ña'tañob, come i melbal jach winicob. Mi' yʌq'ueñob i majtan tac. Winicob mi' ts'ujts'uñob wacax.

Oseas 4:16

Pejtelel jini israelob tsi' ñusayob c mandar che' bajche' jontol bʌ ña' wacax mach bʌ yomic i q'uel i yum. Mach yomobic mij cʌntañob che' bajche' mi' cʌntʌntel alʌ tat tiñʌme'.

Zacarias 7:11

Pero la' ñojte'elob ma'anic tsi' jac'ʌyob. Tsi' mʌyʌyob i wut. Tsi' mʌcʌyob i chiquin cha'an mach yomobic i yubin.

Juan 5:40

Jatetla mach la' womic la' tilel ba' añon cha'an mi la' taj la' cuxtʌlel.

1 Tesalonicenses 5:21

Yom mi la' wen ña'tan mi jiñʌch mero isujm bʌ woli bʌ ti sujbel. Ts'ijbanla cʌytʌl ti la' pusic'al chuqui uts'at.

Hebreos 12:25

Tsajiletla ame la' ñusan lac Yum woli bʌ ti t'an. Come tsi' wersa tojoyob i mul jini israelob che' bʌ tsi' ñusʌbeyob i t'an Moisés i winic Dios wʌ' ti pañimil. Ñumen mi caj lac toj joñonla mi woli lac ñusan Dios mu' bʌ i pejcañonla ya'ti panchan.

Apocalipsis 2:25

Jini jach yom mi la' chʌn lot ti la' pusic'al jini am bʌ la' cha'an jinto mic tilel.