Jeremias 8:4 - Chol: I T’an Dios

⁴ Mi caj a subeñob ja'el: Lac Yum woli' yʌl: Che' mi' yajlel winic, ¿mach ba anic mi' cha' ch'ojyel? Che' mi' ñajtʌ majlel, ¿mach ba anic mi' cha' sujtel?

Chol de Tumbalá Bible

⁴ Mi caj a subeñob ja'el: Lac Yum woli' yʌl: Che' mi' yajlel winic, ¿mach ba anic mi' cha' ch'ojyel? Che' mi' ñajtʌ majlel, ¿mach ba anic mi' cha' sujtel?

Jeremias 8:4 Iomraidhean Croise

1 Reyob 8:38

che' jini yom ma' ñich'tʌbeñob i yoración majqui jach mi' pejcañet che' mi' yubin i ñijcʌntel i pusic'al. Mi tsi' sʌts'beyet i c'ʌb ti tojel ili Templo,

Proverbios 24:16

Anquese mi wucyajl mi' yajlel jini toj bʌ mux i cha' ch'ojyel. Mach che'ic jini sajtemo' bʌ. Mi' junyajlel yajlelob ti mulil.

Isaias 44:22

Joñon tsac sʌc jisa a mul che' bajche' tocal. Majlemix che' bajche' i yowix lum. Jini cha'an yom ma' cha' sutq'uin a bʌ tic tojlel come tsac mʌñʌyet.

Isaias 55:7

La' i cʌy i mul jini xjontolil. Jini mach bʌ tojic la i cʌy i ña'tan jontolil. La' i sutq'uin i bʌ ti lac Yum, come mi caj i p'untan. Mi caj i ñusʌben i mul ti pejtelel i pusic'al.

Jeremias 23:14

Pero ñumen cabʌl i jontolil jini x'alt'añob ti Jerusalén. Mi' cha'leñob ts'i'lel. Mi' mulañob lot. Mi' xic'ob ti mulil jini xmulilob cha'an mach mi' cʌyob i jontolil. Tsa' laj sujtiyob tic wut che' bajche' Sodoma yic'ot Gomorra. Jini cha'an ts'a' mij q'uelob.

Jeremias 3:1

Mi an winic mu' bʌ i choc loq'uel i yijñam, ¿mu' ba caj i cha' pʌy mi tsa' pʌjyi cha'an yambʌ winic? Tic'bilix ti mandar come tic'lʌbilix jini x'ixic. ¿Mach ba bibi'ic ti' wut Dios jini lum ba' mi' melob che' bajche' jini? Pero jatet sts'i'lel x'ixiquet yilal. Cabʌl jini c'uxbibilo' bʌ a cha'an. Jumuc' jach mi' yajñelob a wic'ot, jumuc' jach ma' cha' tilel quic'ot, che'en lac Yum.

Jeremias 3:22

“Sujtenla, calobilob, anquese ñajt tsa' la' tʌts'ʌ la' bʌ. Mi caj c lajmesañetla cha'an mi la' tsajcañon”, che'en lac Yum. “Talon lojon, che'ob, come jatet c Yumet lojon, c Dioset lojon.

Jeremias 36:3

Tic'ʌl mux caj i p'isob ti wenta che' mi' ña'tañob chuqui mi caj c tumbeñob cha'an i mul. Tic'ʌl mi mux caj i cʌyob i jontolil cha'an mic ñusʌbeñob i mul, che'en.

Jeremias 4:1

Mi wola' sujtel ba' añon ti pejtel a pusic'al, Israel, yomix ma' junyajlel choc jini diosob ts'alebilo' bʌ c cha'an. Yom xuc'ul ma' tsajcañon. Mach yomix ma' chʌn sajtel ti yambʌ bij.

Ezequiel 18:23

Lac Yum mi' yʌl: ¿Tijicñayon ba che' mi' chʌmel winic yic'ot i mul? Ma'anic. Com mi' cʌy i jontolil cha'an cuxul mi' yajñel.

Oseas 14:1

Awocolic, israelob, sutq'uin la' bʌ ba'an lac Yum, i Dios israelob, come ti' caj la' mul tsa' la' taja wocol.

Oseas 6:1

Mi caj i yʌlob: “La'ix la. Conla ti sujtel ba'an lac Yum. Come jiñʌch tsa' bʌ i yʌq'ueyonla wocol. Mi caj i cha' coltañonla. Tsi' contrajiyonla, pero mi caj i cha' p'untañonla.

Oseas 7:10

Wen tsiquil i mul che' chan mi' mel i bʌ, pero ma'anic mi' p'is ti' wenta cha'an mi' cha' sutq'uin i bʌ tic tojlel. Ma'anic majqui mi' sʌclañon.

Amos 5:2

Yajlemix jini xch'oc Israel. Ma'anix mi' chʌn ch'ojyel. Cʌybilix ti lum, ma'anic majch mi caj i tech ch'ojyel.

Miqueas 7:8

Jatet mu' bʌ a contrajiñon, mach a lon tijicñesan a pusic'al. Come anquese tsac poj ubi wocol, mi caj c cha' taj c wenlel. Anquese añon ti ac'ʌlel yilal, lac Yum mi caj i cha' pʌsbeñon i sʌclel.