Jeremias 8:3 - Chol: I T’an Dios

³ I colojbal winicob ts'a' mi caj i q'uelob i cuxtʌlel che' ti' yorajlel wocol. Mi caj c pucob majlel ti ñajtʌl, che'en i Yum Panchan yic'ot Pañimil.

Chol de Tumbalá Bible

³ I colojbal winicob ts'a' mi caj i q'uelob i cuxtʌlel che' ti' yorajlel wocol. Mi caj c pucob majlel ti ñajtʌl, che'en i Yum Panchan yic'ot Pañimil.

Jeremias 8:3 Iomraidhean Croise

1 Reyob 19:4

Tsa' majli ti ñajt bʌ i tiquiñal pañimil jump'ejl q'uin ti xʌñol. Tsa' c'oti ti buchtʌl ti' yebal juntejc te' i c'aba' enebro. Tsi' cha'le oración cha'an mi' chʌmel. Tsi' yʌlʌ: Jasʌlix, c Yum, tsʌnsañonix, come mach ñumen weñonic bajche' c ñojte'el, che'en.

Jeremias 23:3

Joñon mi caj c cha' tempan tilel i colojbal c tiñʌme' baqui jach añob. Tsac wets'eyob majlel ti cabʌl lum tac, pero mi caj c cha' pʌyob tilel ti' yajñib. Mi' cajelob ti colel. Mi' cajelob ti p'ojlel.

Jeremias 23:8

Mi caj i yʌlob: “Cuxul lac Yum tsa' bʌ i cha' pʌyʌ loq'uel Israel ti pejtelel lum baqui wets'bilob majlel cha'an mi' pʌyob tilel ti' lumal”. Che' mi caj i yʌlob, che'en lac Yum.

Jeremias 29:14

Mi caj cʌc' c bʌ ti cʌjñel ti la' tojlel, che'en lac Yum. Mi caj c cha' sutq'uibeñetla la' lum yic'ot i tijicñʌyel la' pusic'al che' mic pʌyetla loq'uel ti jujump'ej lum ba' tsac wets'eyetla majlel, che'en lac Yum. Joñon mi caj c cha' pʌyetla ochel ti la' lum ba' tsac chocoyetla loq'uel.

Jeremias 29:28

Come jini Jeremías tsi' chocbeyon lojon tilel jun wʌ' ba' cʌchʌlon lojon ti Babilonia. Jal abi mi caj j cʌytʌl ilayi. Uts'at abi mic mel lojon cotot cha'an wʌ'to mi cajñel cabʌl jab. Muc' abi c mʌc' lojon i wut te' pʌc'bil c cha'an lojon, lon che'et”. Che'ʌch mi caj a suben Semaías, che'en lac Yum.

Jeremias 40:12

Jini cha'an tsa' cha' tiliyob ti Judá pejtel judíojob loq'uemo' bʌ ti jujump'ejl lum ba' tsa' puts'iyob majlel. Tsi' yumayob Gedalías chumul bʌ ti Mizpa. Tsi' tempayob i ya'lel ts'usub yic'ot i wut te'. Wen on tsi' tuc'uyob.

Jeremias 44:2

I Yum Panchan yic'ot Pañimil, i Dios Israel woli' yʌl: Tsa' la' q'uele jini ñuc bʌ wocol tsa' bʌ c chocbeyob jini año' bʌ ti Jerusalén yic'ot i tejclum tac Judá. La' wilan lu' jocholix. Ma'anix i yum.

Jeremias 44:6

Jini cha'an tsa cʌc'ʌyob ti ñuc bʌ wocol ti pejtelel tejclum tac ti Judá yic'ot ti' bijlel tac Jerusalén cha'an cabʌl c mich'ajel. Jochol tsa' cʌle la' lumal. Lu' jejmenix woli la' q'uel.

Jeremias 6:9

I Yum Panchan yic'ot Pañimil tsi' yʌlʌ: Che' bajche' ma' cha' ñumel ti ts'usubil cha'an ma' tuc'ben i colojbal i wut, yom ma' cha' majlel ti Jerusalén, cha'an ma' jisan i colojbal winicob, che'en.

Daniel 9:7

Jatet c Yum tojet. Pero an lojon c mul judíojon bʌ lojon. Quisintic jax woli cubin lojon cha'an i mul jini ch'oyolo' bʌ ti Jerusalén yic'ot ti pejtelel Israel. Pam pujquemon lojon ti pejtelel pañimil, ti lʌc'ʌl yic'ot ti ñajtʌl baqui jach tsa' chocoyon lojon majlel ti' caj cha'an tsaj cʌyʌyet lojon.

Levitico 26:33

Mi caj c pam puquetla ti pejtelel pañimil. Mi caj cʌq'uetla ti jilel ti espada. Che' jini jochocña mi caj i cʌytʌl la' lum yic'ot la' tejclum tac.

Amos 3:1

Winicob x'ixicob ti Israel, ubinla ili t'an tsa' bʌ i yʌlʌ lac Yum ti la' contra yic'ot ti' contra pejtel la' pi'ʌlob año' bʌ ti Israel: Tsac pʌyʌyetla loq'uel ti' lumal Egipto.

Jonas 4:3

Wʌle c Yum, a wocolic mic subeñet la'ix chʌmicon come mach tijicñayonic che' cuxulon to. Ñumen uts'at mi tsa' chʌmiyon, che'en.

Miqueas 2:3

Jini cha'an lac Yum woli' yʌl: Awilan an chuqui wolic pensarin ti' contra ili xchumtʌlob ti' caj i mul. Mach mejlic la' lʌt' jini wocol mu' bʌ caj i tajetla. Ma'anic mi caj la' chʌn chañ'esan la' bʌ che' mi' yujtel ili wocol.

Deuteronomio 30:1

Che' bʌ tsa'ix ujti pejtelel iliyi ti a tojlel, pejtelel jini bendición yic'ot wocol tsa' bʌ c subeyet, mi tsa' cha' c'ajtesa ya' ba' pam pujquemet ti yan tac bʌ tejclum baqui tsi' chocoyet majlel lac Yum Dios, mi a womix a cʌy a mul,

Deuteronomio 30:4

Anquese pujquemetla ti ñajt tac bʌ pañimil, lac Yum Dios mi caj i cha' pʌyetla loq'uel ya' baqui añetla.

Apocalipsis 6:16

Tsi' pejcayob wits tac yic'ot xajlel tac: Yajlen ti joñon lojon. Mʌctʌbeñon lojon i wut jini buchul bʌ ti' yumʌntel. Mʌctʌbeñon lojon i mich'ajel jini Tiñʌme'.

Apocalipsis 9:6

Ti jim bʌ ora winicob mi caj i lon sʌclañob bajche' mi mejlel i chʌmelob. Ma'anic mi caj i tajob. Anquese yomob chʌmel, mach mejlicob.