Jeremias 8:13 - Chol: I T’an Dios

¹³ Mi caj i sʌc jilel ts'usubil yic'ot higo. Mi caj i tiquin i yopol te'. Mach i chʌn tajayobix jini uts'at tac bʌ tsa' bʌ c chajpʌbeyob, che'en lac Yum.

Chol de Tumbalá Bible

¹³ Mi caj i sʌc jilel ts'usubil yic'ot higo. Mi caj i tiquin i yopol te'. Mach i chʌn tajayobix jini uts'at tac bʌ tsa' bʌ c chajpʌbeyob, che'en lac Yum.

Jeremias 8:13 Iomraidhean Croise

Isaias 5:10

Mi caj i lon pʌc'ob uxp'ejl hectárea i ts'usubil, pero ya chʌmp'ejl jach litro mi caj i loq'uel i ya'lel. Mi caj i lon pʌc'ob lujuncujch pac', pero ya juncujch jach mi caj i yʌc' i wut.

Jeremias 14:12

Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Jeremias 14:15

Jini cha'an lac Yum tsi' yʌlʌ: Ma'anic tsac chocoyob ti subt'an. I bajñel jach mi' yʌlob mach talic guerra, mach talic wi'ñal ti ili lum, lon che'ob. Jini cha'an jini x'alt'añob mi caj i chʌmelob ti espada yic'ot ti wi'ñal.

Jeremias 17:8

Lajalʌch bajche' te' pʌc'bil bʌ ti' ti' ja', chucbil bʌ i wi' ti lum. Ma'anic mi' bʌc'ñan ticwal, come mach tiquic i yopol. Che' tal wocol, che' ma'anic ja'al, ma'anic mi' mel i pusic'al, come mi' chʌn ac' i wut.

Jeremias 5:17

Mi caj i lu' c'uxob a wixim yic'ot i bʌl a ñʌc'. Mi caj i jisañob ch'iton bʌ yic'ot xch'oc bʌ a walobilob. Mi caj i c'uxob a wʌlac' yic'ot a wacax. Mi caj i lu' c'uxob jini i wut a ts'usubil yic'ot i wut higuera te'. Mi caj i jisañob ti espada jini p'ʌtʌl bʌ tejclum tac la' cha'an mʌcʌl bʌ ti ts'ajc ba' lon xuc'ul la' pusic'al.

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Ezequiel 22:31

Jini cha'an ts'ʌcʌl mi caj la' toj la' mul. Wersa mi caj la' wubin wocol. Mi caj c jisañetla tic mich'ajel”. Che' yom ma' subeñob, che'en.

Oseas 2:12

Mi caj c lu' jisʌben i ts'usubil yic'ot higuerajil, come i majtan abi tsa' bʌ i yʌq'ueyob i yaj c'uxbiyajob. Jini cha'an joñon mi caj c sutq'uin ti mate'el jini ts'usubil yic'ot higuerajil. Jini bʌte'el mi caj i laj c'ux i wut pʌc'ʌbʌl.

Joel 1:7

Tsa'ix i laj jisa ts'usubil. Tsa'ix i laj ñujlube i pat jini bʌcch'umte'. Sʌsʌc tsa' cʌle i c'ʌb te'.

Levitico 26:20

Che' jini mi caj i to'ol jilel la' p'ʌtʌlel, come jini la' lum ma'anix mi caj i wen cosan la' pʌc'ʌb. Jini la' te' ma'anix mi caj i yʌc' i wut.

Habacuc 3:17

Anquese ma'anic mi' cha'len ñich jini higuera te', anquese ma'anic mi' yʌc' i wut jini ts'usubil, anquese ma'anic mi' wen loq'uel i wut olivote', anquese ma'anic mi' yʌc' i wut lac pʌc'ʌb cha'an jasʌl mi laj c'ux, anquese mi' chʌmel alʌc'ʌl ya' ti potrero, anquese jochol mi' cʌytʌl jini corral,

Hageo 1:11

Tsa cʌc'ʌ jajmel ti pejtelel lum yic'ot ti pejtelel wits tac, cha'an ma'anic mi' colel trigo. Ma'anic i ya'lel ts'usub mi aceite. Mi' tiquin pejtelel pʌc'ʌbʌl tac. Jini cha'an mi' yubiñob wocol winicob x'ixicob yic'ot alʌc'ʌl. Mi' laj jilel pejtelel la' we'tel mu' bʌ la' mel, che'en lac Yum.

Hageo 2:17

Tsa cʌq'ueyetla wocol. A pʌc'ʌb tsi' taja c'ʌnc'ʌn uch yic'ot i cuxemal yic'ot tuñija', pero ma'anic tsa' la' sutq'ui la' bʌ ba' añon, che'en lac Yum.

Malaquias 3:11

Che' jini cabʌl mi caj i yʌc' i wut la' pʌc'ʌb, come mi caj j cʌntan cha'an ma'anic mi' yochel i chʌñil yic'ot i c'amʌjel. Ma'anic mi caj i tiquin i wut la' ts'usubil che' ch'oc to, che'en i Yum Panchan yic'ot Pañimil.

Mateo 21:19

Che' bʌ tsi' q'uele te' i c'aba' higuera ya' lʌc'ʌl ti' ti' bij tsa' majli ba'an. Ma'anic chuqui tsi' taja. I yopol jach ya'an. Jesús tsi' sube: Mach ma' chʌn ac' a wut ti pejtelel ora, che'en. Ora jach tsa' caji ti tiquin jini te'.

Santiago 1:11

Che' c'ux q'uin mi' tiquesan jam. Mi' p'ajtel i nich pimel. Mi' jilel i t'ojlʌwel. Che' ja'el mi caj i chʌmel jini wen chumul bʌ. Quepel mi' cʌy i ye'tel.