Jeremias 8:10 - Chol: I T’an Dios

¹⁰ Jini cha'an mi caj cʌc' ti tic'lʌntel i yijñamob ti' tojlel i contrajob. Mi caj i chilbeñob i lum cha'an i mul, come wen yujilob lot pejtel winicob x'ixicob, jini ñuco' bʌ yic'ot jini ch'o'ch'oco' bʌ, jini x'alt'añob yic'ot motomajob.

Chol de Tumbalá Bible

¹⁰ Jini cha'an mi caj cʌc' ti tic'lʌntel i yijñamob ti' tojlel i contrajob. Mi caj i chilbeñob i lum cha'an i mul, come wen yujilob lot pejtel winicob x'ixicob, jini ñuco' bʌ yic'ot jini ch'o'ch'oco' bʌ, jini x'alt'añob yic'ot motomajob.

Jeremias 8:10 Iomraidhean Croise

Job 31:10

la' cajic ti juch'bal quijñam ti' wenta yambʌ. La' i tic'lañob winicob.

Isaias 28:7

Pero wʌle tʌctʌcñayob ti xʌmbal cha'an yʌcob. Jini motomajob yic'ot x'alt'añob wen yujilob lembal. Wo'ob jax ti lembal. Sojquemob i jol. Mach mejlix ti meloñel.

Isaias 57:17

Cha'an i wo'lel ti chubʌ'añʌl tsa' jumuc' mich'ayon. Tic mich'ajel tsac lowoyob. Tsac mʌybeyob c wut. Tsi' xoyoyob i bijlel. Tsi' meleyob chuqui tac jach yomob.

Jeremias 14:14

Lac Yum tsi' subeyon: Jini x'alt'añob woli' lon c'ʌñob j c'aba' che' mi' cha'leñob lot. Ma'anic tsac chocoyob ti subt'an. Ma'anic tsac pejcayob. Lot jach chuqui woli' q'uelob che' bajche' ti ñajal. Che' mi' subob chuqui tac tal, mach isujmic. Ch'oyol jach ti' bajñel pusic'al. Chan mi' melob i bʌ.

Jeremias 14:18

Che' com loq'uel majlel ti jamil, awilan ya' añob jini tsʌnsʌbilo' bʌ ti machit. Che' com ochel ti tejclum, ya' woli' chʌmelob ti wi'ñal yic'ot c'amʌjel”. Jini x'alt'añob yic'ot motomajob mi' majlelob ti jijlel baqui jach mi' mejlelob. Mach mejlic i coltañob i bʌ.

Jeremias 17:11

Jini winic mu' bʌ i tempan taq'uin yic'ot chubʌ'añʌl che' mach tojic bajche' tsi' ganari, tonto mi' caj ti q'uejlel. Lajalʌch bajche' chʌcmut mu' bʌ i tempan alʌ mut mach bʌ i yalic. Che' mach yujilic, mi' bʌc' majlel. I bajñel mi caj i cʌytʌl che' ti' jilibal.

Jeremias 22:17

Pero mach lajaletic bajche' a tat. Pejtel chuqui tac ma' q'uel yic'ot pejtel chuqui tac ma' mulan ma' wersa ch'ʌm, anquese mach tojic bajche' ma' taj. Ma' wʌc' ti chʌmel jini mach bʌ anic i mul. Ma' tic'lan a pi'ʌlob. Ma' chilbeñob i chubʌ'an.

Jeremias 32:32

Jini israelob yic'ot jini judíojob tsi' cha'leyob mulil cha'an mi' yʌc'oñob ti mich'ajel. Laj añob i mul i reyob yic'ot i yalobilob reyob, yic'ot motomajob, yic'ot x'alt'añob, yic'ot jini winicob chumulo' bʌ ti Judá yic'ot ti Jerusalén. Jini cha'an woli' tojob i mul.

Jeremias 38:22

Tsaj q'uele pejtel jini x'ixicob tsa' bʌ cʌleyob ti' yotot jini rey ti Judá. Tsa' laj pʌjyiyob loq'uel ti' wenta jini yumʌlob chocbilo' bʌ tilel i cha'an i rey Babilonia. Jini yumʌlob tsi' subeyob: “Tsa' la' ñopbe i t'an la' pi'ʌlob, pero tsa' jach i lotiyetla. Jini cha'an ma'anic la' coltʌntel. Che' bʌ tsi' q'ueleyetla ti wocol, tsi' cʌyʌyetla”, che'ob.

Jeremias 42:1

Pejtel jini soldadojob año' bʌ i ye'tel ti Judá yic'ot Johanán (i yalobil Carea) yic'ot Azarías (i yalobil Osaías) yic'ot pejtel winicob, jini ñuco' bʌ yic'ot ch'o'ch'oco' bʌ, tsa' tili i pejcañob jini x'alt'an Jeremías.

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Lamentaciones 4:13

Tsa' jili cha'an ti' caj i mul jini x'alt'añob, ti' caj i jontolil jini motamajob tsa' bʌ i tsʌnsayob jini tojo' bʌ.

Ezequiel 33:31

Che' jini motocña mi' tilelob ti a tojlel. Mi' buchtʌlob cha'an mi' yubiñob a t'an, pero ma'anic mi' jac'ob. Mach yomobic i mel chuqui mic subeñob. “Uts'at i t'an”, lon che'ob, pero ti' pusic'alob woli jach i ña'tañob bajche' mi' tajob taq'uin.

Amos 5:11

Mi la' t'uchtan jini p'ump'un bʌ. Mi la' chilben i trigo. Jini cha'an ma'anic mi caj la' wajñel ti la' wotot anquese tsa' la' wen mele ti xajlel. Ma'anic mi caj la' jap i ya'lel ts'usubil anquese la' pʌc'balʌch.

Miqueas 2:4

Ti jim bʌ ora mi caj i wajleñetla la' contrajob. Mi caj i tse'tañetla che' ch'ijiyem mi la' cha'len uq'uel. Mi caj la' wʌl: “Junyajlel jisʌbilonixla. Isujm lac Yum tsa'ix i laj chilbeyonla lac lum. Tsi' cha' t'oxbeyob yaño' bʌ. Tsa'ix i chocoyonla majlel ti ñajtʌl”. Che'ʌch mi caj la' wuc'tan la' bʌ, che'en lac Yum.

Miqueas 3:11

Mi la' tempan la' chubʌ'an ya' ti Jerusalén ti' caj la' xujch'. Jini am bʌ i ye'tel mi' to'ol ñusan jontolil che' on mi' yʌq'uentel taq'uin. Jini motomajob yic'ot jini x'alt'añob mi' cha'leñob cʌntesa cha'an jach i mulʌntel taq'uin. Pero mi' lon alob: “Añonla ti' wenta lac Yum. Mach talic wocol ti lac tojlel”, lon che'ob.

Miqueas 3:5

Lac Yum i contrajʌch jini x'alt'añob mu' bʌ i socbeñob i pensar winicob. Jini x'alt'añob mi' pejcañob ti uts bʌ t'an jini winicob mu' bʌ i yʌq'ueñob i bʌl i ñʌc': “Yom mi la' wʌq'uentel la' wenlel. Ñʌjch'enla”, che'ob. Pero mi' p'ajob jini winic mach bʌ anic mi' yʌq'ueñob.

Habacuc 1:6

Wolic p'ʌtesan jini caldeojob ch'oyolo' bʌ ti Babilonia. Wen jontolob. Mach yujilobic bʌq'uen. Mi' cha'leñob xʌmbal ti pejtelel pañimil cha'an mi' chilob chuqui tac yomob mach bʌ i cha'añobic.

Sofonias 1:13

Jini cha'an mi caj i laj chilbentelob i chubʌ'an che' mi' tilelob i contrajob. Jochol mi caj i cʌytʌl i yototob. Jini mu' bʌ i wa'chocoñob i yotot ma'anic mi caj i chumtʌlob ya'i. Jini mu' bʌ i pʌc'ob i ts'usub ma'anic mi caj i japob i ya'lel ts'usub.

Tito 1:11

Yom mi' tijq'uelob come ti' caj i t'an woli' laj cʌyob jini wen t'an ti cabʌl otot. Woli' cʌntesañob chuqui mach tojic cha'an mi' tajob taq'uin.

Tito 1:7

Wersa yom mi' wa'chocontel xcʌntaya mach bʌ anic i mul cha'an mi' cʌntan i cha'año' bʌ Dios. Mach yomic mi' chañ'esan i bʌ, mach yomic ora mi' mich'an, mach yomic mi' mulan vino, mach yomic mi' jats' i pi'ʌlob, mach yomic mi' mulan taq'uin.