Jeremias 8:1 - Chol: I T’an Dios

¹ Ti jim bʌ ora jini la' contrajob mi caj i jamob mucoñibʌl ba' muculob i yumob Judá yic'ot i yalobilob yic'ot motomajob yic'ot x'alt'añob yic'ot i pi'ʌlob.

Chol de Tumbalá Bible

¹ Ti jim bʌ ora jini la' contrajob mi caj i jamob mucoñibʌl ba' muculob i yumob Judá yic'ot i yalobilob yic'ot motomajob yic'ot x'alt'añob yic'ot i pi'ʌlob.

Jeremias 8:1 Iomraidhean Croise

1 Reyob 13:2

Cʌntesʌbil ti lac Yum tsi' cha'le t'an ti' contra jini pulʌntib. Tsi' yʌlʌ: Ubin i t'an lac Yum: “Mi caj i yilan pañimil juntiquil i p'olbal David i c'aba' Josías. Josías mi caj i yʌc' ti ili pulʌntib i bʌquel jini payxo motomajob mu' bʌ i pulob pom ilayi. Mi caj i pulben i bʌquel jini payxo bʌ motomajob ti ili pulʌntib”, che'en lac Yum. Che' tsi' yʌlʌ jini x'alt'an.

2 Reyob 23:16

Che' bʌ tsi' sutq'ui i bʌ Josías, tsi' q'uele mucoñibʌl ya' ti wits. Tsi' choco ti ch'ʌjmel tilel jini bac tac. Tsi' pulu ya' ti pulʌntib am bʌ ti Betel. Che' jini tsa' ts'ʌctiyi i t'an lac Yum che' bajche' tsi' wʌn subu i winic Dios.

2 Reyob 23:20

Tsi' tsʌnsa pejtel i motomajob dios tac ya' ti' pulʌntib i dios. Ya' tsi' pulbeyob i bʌquel winicob. Che' ujtemix tsa' cha' sujti ti Jerusalén.

2 Reyob 9:37

I bʌc'tal Jezabel mi caj i jilel che' bajche' ta' ti pam lum ya' ti Jezreel. Ma'anic majqui mi caj i cʌmben i bʌc'tal Jezabel che' mi' q'uel”. Che' tsi' yʌlʌ Elías, che'en Jehú.

Salmos 53:5

Cabʌl tsi' lon cha'leyob bʌq'uen a contrajob ya' ba' ma'anic bʌbʌq'uen bʌ. Come Dios mi caj i pam pucob ti guerra. Jatet tsa' wʌc'ʌyob ti quisin, come Dios tsi' chocoyob loq'uel.

Jeremias 14:16

Ili winicob mu' bʌ i jac'beñob i t'an mi caj i chojquelob ti' bijlel tac Jerusalén. Mi caj i chʌmelob ti espada yic'ot ti wi'ñal. Ma'anic majch mi caj i mucob. Laj majlemobix i pi'ʌlob yic'ot i yalobilob. Mi caj cʌq'ueñob i toj i mul.

Ezequiel 37:1

Tsa' tili i t'an lac Yum ba' añon. I yEspíritu lac Yum tsi' pʌyʌyon majlel ti joctʌl ba' p'ulul cabʌl bac.

Ezequiel 6:4

Mi caj i jembentel jini pulʌntib la' cha'an. Mi caj i c'ʌscujel la' dios tac. Mi caj c p'ulchocobeñob i bʌc'tal xchʌmelob ya' ti' tojel i diosob. Mi caj c pam pucbeñob i bʌquel ti' joytʌlel pulʌntib. Jochocña mi caj la' cʌybentel la' tejclum yic'ot jini pulʌntib tac. Mi caj i lu' c'ʌscujel yic'ot la' diosob yic'ot i yejtal tac q'uin. Che' jini mi caj i yujtel jini jontolil yic'ot xmel mulilob. Ti jim bʌ ora mi caj la' ña'tan Dioson.

Amos 2:1

Lac Yum woli' yʌl: Cabʌlix i jontolil Moab. Tsa' cʌlʌx ñumi i p'isol i jontolil. Mach chʌn cujchix c cha'an, come tsi' pulbeyob i bʌquel i rey Edom c'ʌlʌl tsa' sujti ti tan.