Jeremias 7:9 - Chol: I T’an Dios

⁹ Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

Chol de Tumbalá Bible

⁹ Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

Jeremias 7:9 Iomraidhean Croise

1 Reyob 18:21

Elías tsi' c'ajtibeyob: ¿Jayp'ejl to q'uin mi caj la' chʌn ajñel ti cha'chajp la' pensar? Mi jiñʌch Dios jini lac Yum, tsajcanla. Mi jiñʌch lac Yum jini Baal, tsajcanla, che'en. Ma'anic tsa' mejli i jac'ob.

Exodo 20:3

Mach a ñop yambʌ dios. Yom jach ma' ñopon.

Isaias 1:13

Mach comix mi la' ch'ʌmbeñon tilel c majtan. Ts'a' mij q'uel i buts'il pom. Ts'a' mij q'ueletla che' mi la' tempan la' bʌ yic'ot la' pi'ʌlob cha'an mi la' melben i q'uiñilel jini tsiji' bʌ uw yic'ot i q'uiñilel c'aj o. Mach cujchix c cha'an la' mul. Mach tijicñayonic che' mi la' tempan la bʌ cha'an mi la' ch'ujutesañon.

Isaias 58:2

Ti jujump'ejl q'uin mi' sʌclañoñob yilal. Tijicñayob cha'an cʌntesʌbilob tic bijlel. Mi' lon pʌsob i bʌ che' bajche' winic toj bʌ i melbal xuc'ul bʌ i pusic'al quic'ot. Mi' c'ajtibeñoñob i cʌntesʌntel ti mandar. Tijicñayob mi' ñochtañoñob.

Jeremias 1:16

Cabʌl jax i jontolil c tejclumob. Jini cha'an mi caj c chocbeñob tilel pejtel jini wocol cha'an tsa'ix i cʌyʌyoñob. Mi' pulbeñob pom yambʌ diosob. Mi' ñocchocoñob i bʌ ti' tojel jini melbil tac bʌ tsa' bʌ i meleyob.

Jeremias 11:13

Tsa'ix p'ojliyob a diosob ti jujump'ejl tejclum, Judá. Cabʌlix a pulʌntib che' bajche' jayts'ijt a bijlel tac, Jerusalén. Tsa' wa'chocobeyob pulʌntib jini Baal cha'an ma' cha'len chuqui quisintic jax.

Jeremias 11:17

Come i Yum Panchan yic'ot Pañimil tsa' bʌ i pʌc'ʌyet mi caj i contrajiñet che' bajche' tsi' yʌlʌ cha'an ñuc a mul. Cabʌl tsa' jec'beyon c pusic'al che' bʌ tsa' pulbe pom Baal, che'en lac Yum.

Jeremias 13:10

Jontolob. Mach yomobic i yubin c t'an. Mi' bajñel melob bajche' yom i bajñel pusic'al. Majlemobix yic'ot yan tac bʌ dios cha'an mi' ch'ujutesañob. Jini cha'an lajal mi caj i sujtelob che' bajche' jini cajchiñʌc' mach bʌ anix i c'ʌjñibal.

Jeremias 18:15

Pero ma'anic i xuc'tʌlel c tejclumob. Tsa'ix i cʌyʌyoñob. Woli' pulbeñob pom jini mach bʌ Diosic. Mach uts'atic tsi' q'ueleyob jini toj bʌ bij tsa' bʌ c pʌsbeyob c'ʌlʌl ti oñiyi. Tsi' xoyoyob i bijlel. Woliyob ti xʌmbal ti yambʌ bij tac cha'an yomob mulil.

Jeremias 19:4

Tsa' la' cʌyʌyon. Tsa' la' bib'esa ti mulil ili lum. Woli la' pulbeñob pom yambʌ dios tac mach bʌ la' cʌñʌyic, mi jatetla mi la' tatob mi la' reyob. Baqui jach mi la' ñumel ti ili lum an i ña'tʌntel la' mul cha'an tsa' la' tsʌnsa jini mach bʌ añobic i mul.

Jeremias 32:29

Jini caldeojob woliyo' bʌ ti guerra ti' joytʌlel ili tejclum mi caj i pulob ti c'ajc. Mi caj i laj pulel otot tac ya' ba' mi' pulbeñob pom jini Baal ba' mi' yʌq'ueñob japbil bʌ i majtan dios tac cha'an mi' yʌc'oñob ti mich'ajel.

Jeremias 44:3

Tsac jisayob cha'an cabʌl i jontolil. Tsi' ch'ujutesayob yambʌ diosob mach bʌ i cʌñʌyobic, ch'oyolo' bʌ ti ñajt bʌ pañimil. Tsi' pulbeyob pom. Che' jini tsi' techbeyoñob c mich'ajel.

Jeremias 44:8

¿Chucoch mi la' techbeñon c mich'ajel cha'an i melbal la' c'ʌb? Mi la' pulbeñob pom yambʌ diosob wʌ' ti Egipto ba' tsa' tiliyetla ti chumtʌl. Che' jini mi caj la' ts'a'lentel ti pejtelel lum tac ti pañimil.

Jeremias 44:9

¿Tsa' ba ñajiyi la' cha'an i jontolil la' tatob yic'ot i jontolil jini reyob ti Judá yic'ot i jontolil jini yumʌlob? ¿Tsa' ba ñajiyi la' cha'an la' bajñel jontolil yic'ot i jontolil la' wijñam ya' ti' lumal Judá yic'ot ti' bijlel Jerusalén?

Jeremias 48:35

Ya' ti Moab mi caj cʌc' ti jisʌntel jini mu' bʌ i yʌq'uen i majtan i dios yic'ot jini mu' bʌ i pulben pom, che'en lac Yum.

Jeremias 5:2

Che' mi' wa'chocoñob i t'an, mi' cha'leñob lot anquese mi' yʌlob j c'aba': “Cuxul lac Yum”, lon che'ob. Che' tsi' yʌlʌ lac Yum.

Jeremias 5:7

Lac Yum woli yʌl: ¿Bajche' mi mejlel c ñusʌbeñet a mul? Tsi' cʌyʌyoñob a walobilob. Tsi' wa'chocoyob i t'an ti' c'aba' jini diosob mach bʌ mero Diosic. Che' bʌ ñajobix yic'ot i bʌl i ñʌc' tsa' bʌ cʌq'ueyob, tsajniyob ti' yotot sts'i'lel bʌ x'ixicob.

Jeremias 7:6

Mach la' chilbeñob i chubʌ'an jini ñajt bʌ ch'oyolob yic'ot meba' alʌlob, yic'ot meba' x'ixicob. Cʌyʌx la' cha'len tsʌnsa. Cʌyʌx la' c'uxbin jini mach bʌ Diosobic, come jini cha'an woliyetla ti wocol.

Ezequiel 18:18

Pero i tat mi caj i bajñel toj i mul ti' caj cha'an tsi' mele chuqui jontol ti' tojlel i pi'ʌlob. Tsi' tic'la i pi'ʌl ti chumtʌl. Tsi' cha'le xujch'. Jini cha'an wersa mi caj i chʌmel.

Ezequiel 20:30

Jini cha'an suben jini israelob: “Lac Yum Dios woli' yʌl: ¿Mu' ba caj la' chʌn cha'len ts'i'lel che' bajche' la' ñojte'elob? ¿Mu' ba caj la' chʌn ch'ujutesan dios tac?

Ezequiel 23:39

Che' bʌ tsa' ujti i pulob i yalobilob, tsa' ochiyob tic Templo. Che' jini tsi' bib'esayob. Che'ʌch tsi' lon ch'ujutesayoñob ti cotot.

Ezequiel 5:11

Mic subeñetla ti isujm, mi caj c jisañetla cha'an tsa' la bib'esa jini Templo yic'ot pejtel chuqui ts'a'lebil c cha'an. Ma'anix mi caj c chʌn ñusan la' mul. Ma'anic mi caj c p'untañetla.

Oseas 2:13

Mi caj cʌq'uen i toj i mul cha'an tsi' pulbe pom jini Baal dios. Tsi' ch'ʌlʌ i bʌ ti ujʌl yic'ot mʌtc'ʌb wen letsem bʌ i tojol. Tsa' majli i sʌclan i winic. Ma'anix tsi' chʌn ña'tayon. Jini cha'an mi caj i toj i mul. Jiñʌch laj cʌntesʌntel ti lac Yum.

Oseas 6:9

Mi' muchq'uiñob i bʌ cha'an mi' chijtañob winicob. Che'ʌch mi' melob motomajob ja'el ya' ti' bijlel Siquem. Wen yujilob tsʌnsa yic'ot xujch'.

Amos 4:5

Woli la' pulben Dios caxlan waj am bʌ i levadurajlel i wenta i majtan Dios cha'an mi la' suben wocolix i yʌlʌ. Woli la' sub ti tejclum chuqui tsa' la' wʌc'ʌ ti ofrenda, come che'ʌch yom la' pusic'al, winicob x'ixicob ti Israel. Che'ʌch woli' yʌl lac Yum Dios.

Sofonias 1:5

Mi' lon ñocchocoñob i bʌ ti calle cha'an mi' ch'ujutesañob jini q'uin yic'ot uw yic'ot ec'. Mi' lon tajoñob ti t'an che' woli' ch'ujutesañob Milcom.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Romanos 2:2

La cujil Dios mi' cha'len meloñel ti toj ti' contra jini mu' bʌ i cha'leñob mulil.

Deuteronomio 32:17

Tsi' tsʌnsʌbeyob i majtan tac xibajob mach bʌ diosobic. Tsi' tsajcayob tsiji' bʌ dioste' mach bʌ anic tsi' ch'ujutesayob i ñojte'elob.

Apocalipsis 21:8

Jini muc'o' bʌ ti bʌq'uen, yic'ot jini mach bʌ anic mi' ñopob, yic'ot jini bibi'o' bʌ, yic'ot stsʌnsajob, yic'ot mu' bʌ i cha'leñob ts'i'lel, yic'ot xwujtob, yic'ot xch'ujutesa dioste'ob, yic'ot pejtelel xlotob mi caj i tajob i yajñib ya' ti c'ajc woli bʌ ti pulel yic'ot azufre. Jiñʌch i cha'yajlel mi' chʌmelob, che'en.

Apocalipsis 22:15

Ya' ti jumpat an ts'i' yic'ot xwujt yic'ot jini mu' bʌ i cha'leñob ts'i'lel yic'ot stsʌnsajob yic'ot jini mu' bʌ i ñopob dioste' yic'ot jini mu' bʌ i mulañob lot yic'ot jini mu' bʌ i cha'leñob lot.

Juezob 5:8

Jini israelob tsi' yajcayob tsiji' bʌ dios tac. Tsa' junyajlel pujch'iyob jini israelob. Ma'anic i ye'tʌjib soldadojob ti lac tojlel. Ma'anic mʌctʌjib, mi lanza ti' tojlel cha'c'al mil israelob.