Jeremias 7:8 - Chol: I T’an Dios

⁸ La' wilan wolix la' ñop lot mach bʌ mejlic i coltañetla.

Chol de Tumbalá Bible

⁸ La' wilan wolix la' ñop lot mach bʌ mejlic i coltañetla.

Jeremias 7:8 Iomraidhean Croise

Isaias 28:15

Come chan mi la' pʌs la' bʌ. Mi la' wʌl: Tsa'ix c cha'le lojon trato cha'an ma'anic mi lac chʌmel. Tsa'ix c laja lojon c t'an yic'ot jini xiba cha'an mi' tilel i coltañon lojon ti' tojlel asiriajob. Mach mʌjlix i cha'añob. Tijicñayon lojon cha'an tic lot. Mach c tojoyic c mul. Xuc'ulon cha'an sojquem bʌ c t'an, lon che'etla.

Isaias 30:10

Mi' subeñob jini x'alt'añob c cha'an: “Mach chʌn comix cubin lojon la' t'an. Mach la' subeñon lojon jini isujm bʌ. Subeñon lojon jini uts'at bʌ, jini lot bʌ. Mach comic lojon jini toj bʌ bij, jini ch'ijiyem bʌ. Mach mi la' chʌn pejcañon lojon cha'an jini Ch'ujul Bʌ ti Israel”, che'ob.

Isaias 59:4

Ma'anic majqui yom toj bʌ meloñel. Mi la' mulan lot. Mi la' sub chuqui mach isujmic. Mi' tejchel mulil ti la' pusic'al. Mi' xiq'uet ti jontolil.

Jeremias 13:25

Che'ʌch mi caj a jilel cha'an tsa' cʌyʌyon. Tsa' ñopo lot. Jini cha'an chocbilet c cha'an. Mi caj c tsictesañet che' pits'ilet. Mi caj c chilbeñet a majts.

Jeremias 23:26

¿Jala to ba mi caj i chʌn techob lot ti' bajñel pusic'al jini x'alt'añob? Lot jach chuqui mi' subob. Ñuc mi' q'uelob i bʌ. Mi' subob bajche' mi' bajñel ña'tañob ti' pusic'al.

Jeremias 23:32

Awilan ts'a' mij q'uel jini x'alt'an mu' bʌ i bajñel al: “Jiñʌch i t'an Dios”, che'en, pero i lot. Mi' yʌc' ti sajtel c winicob x'ixicob cha'an leco i cʌntesʌbal. Mi' chañ'esan i bʌ. Ma'anic tsac choco majlel ti subt'an. Ma'anic mi' wis coltan c winicob x'ixicob, che'en lac Yum.

Jeremias 28:15

Jini x'alt'an Jeremías tsi' chʌn pejca jini x'alt'an Hananías: Ubin Hananías. Mach chocbiletic tilel cha'an lac Yum. Wola' subeñob lot ili winicob.

Jeremias 4:10

Mi' cajelob ti a'leya: “C Yum Dios, tsa' lotiyon lojon. Tsa' subeyon lojon tal i ñʌch'tʌlel lojon c pusic'al, pero tal espada cha'an mi' jec'beñon lojon c pusic'al”. Che' mi caj i yʌlob, che'en lac Yum.

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Jeremias 7:4

Mach la' ñopben i t'an jini yujilo' bʌ lot mu' bʌ i yʌlob: Umba'an i Templo lac Yum. Q'uele i Templo lac Yum, lon che'ob. Come mach c templojix.

Jeremias 8:10

Jini cha'an mi caj cʌc' ti tic'lʌntel i yijñamob ti' tojlel i contrajob. Mi caj i chilbeñob i lum cha'an i mul, come wen yujilob lot pejtel winicob x'ixicob, jini ñuco' bʌ yic'ot jini ch'o'ch'oco' bʌ, jini x'alt'añob yic'ot motomajob.