Jeremias 7:7 - Chol: I T’an Dios

⁷ Che' jini mi caj la' chʌn ajñel ti jini lum wʌ' ba' añetla tsa' bʌ cʌq'ueyob la' tatob. I cha'añobʌch ti pejtelel ora.

Chol de Tumbalá Bible

⁷ Che' jini mi caj la' chʌn ajñel ti jini lum wʌ' ba' añetla tsa' bʌ cʌq'ueyob la' tatob. I cha'añobʌch ti pejtelel ora.

Jeremias 7:7 Iomraidhean Croise

2 Cronicas 33:8

Ma'anic ba' ora mi caj c choc loq'uel jini israelob ti ili lum tsa' bʌ cʌq'ueyob i ñojte'elob mi xuc'ul mi' chʌn jac'ob pejtelel c mandar che' bajche' tsi' cʌntesayob Moisés”, che'en lac Yum.

Exodo 22:22

Mach mi la' tic'lan meba' x'ixic yic'ot meba' alʌl.

Isaias 1:19

Mi la' wom la' wʌq'ueñon la' pusic'al cha'an mi la' jac'beñon c t'an, mi caj la c'ux jini c'ax sumuc bʌ pʌc'ʌbʌl.

Jeremias 25:5

Tsi' yʌlʌyob: “Sutq'uin la' bʌ ya' ba' samiyetla. Cʌyʌx la' mel jontolil cha'an mi la' chʌn chumtʌl wʌ' ti' lumal la' tatob, ili lum tsa' bʌ aq'uentiyetla ti lac Yum ba' yom mi la' wajñel ti pejtelel ora.

Jeremias 26:13

Yomix mi la' mel la' pusic'al cha'an mi la' cʌy la' mul. Yomix mi la' jac'ben i t'an lac Yum Dios, ame i chocbeñetla tilel ili ñuc bʌ wocol che' bajche' tsi' yʌlʌ.

Jeremias 3:18

Ti jim bʌ ora mi caj i tem cha'leñob xʌmbal i yalobilob Judá yic'ot i yalobilob Israel. Loq'uemo' bʌ ti norte mi caj i tem julelob ti jini lum tsa' bʌ cʌq'ueyob i tatob.

Jeremias 35:15

Tsac chocbeyetla tilel pejtel c winicob x'alt'año' bʌ. C'ʌlʌl wʌle wolic chocob tilel cha'an mi' pejcañetla ti wocol t'an. Tsi' yʌlʌyob: “Sujtenla. A wocolic mic subeñetla, cʌyʌ la' jontolil. Cha' ñopoxla chuqui uts'at. Mach la' tsajcan yambʌ dios tac. Mach la' ch'ujutesan. Muq'uic la' mel che' bajche' mic subeñetla, mi caj la' chumtʌl ti la' lum tsa' bʌ cʌq'ueyob la' tat. Che' woli' yʌl lac Yum”, che'ob. Pero ma'anic tsa' la' ñich'tʌbeyon c t'an. Ma'anic tsa' la' jac'ʌ.

Jeremias 4:1

Mi wola' sujtel ba' añon ti pejtel a pusic'al, Israel, yomix ma' junyajlel choc jini diosob ts'alebilo' bʌ c cha'an. Yom xuc'ul ma' tsajcañon. Mach yomix ma' chʌn sajtel ti yambʌ bij.

Sofonias 3:7

Tsa cʌlʌ mi caj i bʌc'ñañoñob. Mi caj i jac'ob i tic'ol. Che' jini ma'anic mic junyajlel jisañob yic'ot pejtel i lumal. Pero wersa tsac jisayob. Tsa' utsi caji i socob i bʌ. Leco jax i melbalob.

Deuteronomio 4:40

Yom mi' la' jac'ben pejtelel i t'an yic'ot i mandar woli bʌ c subeñetla cha'an mi' tam'esʌntel la' jabilel yic'ot i jabilel la' walobilob. Che' jini mi caj la' wajñel ti ili lum mu' bʌ caj i yʌq'ueñetla. Che' jini la' cha'añʌch ti pejtelel ora.