Jeremias 7:6 - Chol: I T’an Dios

⁶ Mach la' chilbeñob i chubʌ'an jini ñajt bʌ ch'oyolob yic'ot meba' alʌlob, yic'ot meba' x'ixicob. Cʌyʌx la' cha'len tsʌnsa. Cʌyʌx la' c'uxbin jini mach bʌ Diosobic, come jini cha'an woliyetla ti wocol.

Chol de Tumbalá Bible

⁶ Mach la' chilbeñob i chubʌ'an jini ñajt bʌ ch'oyolob yic'ot meba' alʌlob, yic'ot meba' x'ixicob. Cʌyʌx la' cha'len tsʌnsa. Cʌyʌx la' c'uxbin jini mach bʌ Diosobic, come jini cha'an woliyetla ti wocol.

Jeremias 7:6 Iomraidhean Croise

2 Reyob 21:6

Tsi' pulu juntiquil ch'iton bʌ i yalobil ti pulʌntib cha'an i majtan dioste'. Tsi' pejca xch'ʌcojelob. Tsi' wa'choco xwujtob yic'ot jini año' bʌ i ña'tʌbal tilem bʌ ti xiba. Tsi' yutsi mele chuqui tac leco ti' wut lac Yum. Tsi' techbe i mich'ajel lac Yum.

2 Reyob 24:4

Come Manasés tsi' tsʌnsa cabʌl winicob mach bʌ añobic i mul ya' ti Jerusalén. Lac Yum ma'anic tsi' ñusʌbe i mul.

Salmos 106:38

Tsi' bec'beyob i ch'ich'el i yalobilob mach bʌ añobic i mul, ch'itoñob yic'ot xch'ocob, Cha'an mi' yʌq'ueñob tsʌnsʌbil bʌ i majtan jini dioste' tac ti Canaán. Tsi' yʌc'ʌyob ti ts'a'lentel i lumal yic'ot i ch'ich'el i yalobilob.

Proverbios 23:10

Mach ma' lux majlel i cayajonlel i lum meba' x'ixic. Mach ma' chilbeñob i lum meba' alʌlob.

Isaias 59:7

Ti ajñel mi la' majlel la' mel jontolil. Mi la' tsʌnsan jini winic mach bʌ anic i mul. Mi la' wʌn ña'tan lotiya yic'ot xujch'. Baqui jach mi la' majlel mi la' cha'len jisaya.

Jeremias 13:10

Jontolob. Mach yomobic i yubin c t'an. Mi' bajñel melob bajche' yom i bajñel pusic'al. Majlemobix yic'ot yan tac bʌ dios cha'an mi' ch'ujutesañob. Jini cha'an lajal mi caj i sujtelob che' bajche' jini cajchiñʌc' mach bʌ anix i c'ʌjñibal.

Jeremias 19:4

Tsa' la' cʌyʌyon. Tsa' la' bib'esa ti mulil ili lum. Woli la' pulbeñob pom yambʌ dios tac mach bʌ la' cʌñʌyic, mi jatetla mi la' tatob mi la' reyob. Baqui jach mi la' ñumel ti ili lum an i ña'tʌntel la' mul cha'an tsa' la' tsʌnsa jini mach bʌ añobic i mul.

Jeremias 2:30

Tsa cʌc'ʌyob ti wocol la' walobilob, pero ma'anic tsa' la' mele la' pusic'al. Mach la' womic la' cʌy chuqui mi la' bajñel ña'tan ti la' pusic'al. Jontoletla che' bajche' bajlum. La' cha'añʌch jini espada tac tsa' bʌ la' c'ʌñʌ la' tsʌnsan jini x'alt'añob tsa' bʌ c chocbeyetla tilel.

Jeremias 2:34

An a mul ja'el ti' tojlel jini mach bʌ añobic i chubʌ'an. Tsa'ix pʌjq'ui a majts ti' ch'ich'el jini mach bʌ anic i mul mach bʌ anic chuqui tsi' xujch'ibeyet.

Jeremias 26:15

Pero yom mi la' ña'tan ma'anic c mul. Mi tsa' la' tsʌnsayon, mi caj i toj ili tejclum yic'ot pejtel wʌ' bʌ chumulob, come isujm chocbilon tilel ti Dios cha'an mic subeñetla pejtel ili t'an, che'en.

Jeremias 26:23

Tsi' chucuyob Urías. Cʌchʌl tsi' cha' pʌyʌyob sujtel ti lac lumal. Jini rey Joacim tsi' yʌc'ʌ ti bic'ti tsejpel ti espada. Tsi' yʌc'ʌ ti mujquel ya' ba' muculob jini p'ump'uño' bʌ.

Jeremias 35:15

Tsac chocbeyetla tilel pejtel c winicob x'alt'año' bʌ. C'ʌlʌl wʌle wolic chocob tilel cha'an mi' pejcañetla ti wocol t'an. Tsi' yʌlʌyob: “Sujtenla. A wocolic mic subeñetla, cʌyʌ la' jontolil. Cha' ñopoxla chuqui uts'at. Mach la' tsajcan yambʌ dios tac. Mach la' ch'ujutesan. Muq'uic la' mel che' bajche' mic subeñetla, mi caj la' chumtʌl ti la' lum tsa' bʌ cʌq'ueyob la' tat. Che' woli' yʌl lac Yum”, che'ob. Pero ma'anic tsa' la' ñich'tʌbeyon c t'an. Ma'anic tsa' la' jac'ʌ.

Jeremias 5:28

Cabʌl i wo'lel ti' bʌl i ñʌc'. Jujp'emobix. Mi' ñumel ti p'is i jontolil. Mach yujilobic toj bʌ meloñel. Ma'anic mi' coltañob meba' alʌlob ti' tojlel i contra. Ma'anic mi' coltañob jini mach bʌ añobic i mul.

Jeremias 7:5

Mi ts'ʌcʌl mi la' mel che' bajche' wolic subeñetla, mi mejlel la' chʌn jalijel ti la' lumal. Yom mi la' cʌy la' mul cha'an mi la' ñop chuqui wen. Toj yom mi la' cha'len meloñel cha'an mi' lajmel leto ti la' tojlel.

Jeremias 7:9

Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

Lamentaciones 4:13

Tsa' jili cha'an ti' caj i mul jini x'alt'añob, ti' caj i jontolil jini motamajob tsa' bʌ i tsʌnsayob jini tojo' bʌ.

Ezequiel 18:6

Jini toj bʌ winic ma'anic mi' c'ux chuqui tic'bil, ma'anic mi' majlel i ch'ujutesan jini dios tac ti Israel. Ma'anic mi' pejcʌben i yijñam i pi'ʌl. Ma'anic mi' pi'len x'ixic che' woli' q'uel i c'amʌjel.

Ezequiel 22:7

Jini ch'itoñob yic'ot xch'ocob mi' ts'a'leñob i tatob yic'ot i ña'ob. Mi la' tic'lan jini ñajt bʌ ch'oyolob yic'ot jini meba' alʌlob yic'ot meba' x'ixicob.

Levitico 19:33

Che' chumul ti la' tojlel jini ñajt bʌ ch'oyol, mach mi la' tic'lan.

Levitico 25:17

Pero mach yomic mi la' wis lotin la' pi'ʌlob. Yom jach mi la' chʌn bʌc'ñañon. Come joñoñʌch la' Yumon, la' Dioson. Jini cha'an ts'ʌcʌl yom mi la' jac' jini t'an. Che'ʌch yom mi la' chʌn cha'len, cha'an tijicña mi la' wajñel ya' ba' chumuletla.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Mateo 27:25

Tsi' jac'ʌyob winicob x'ixicob: La' c toj lojon quic'ot lojon calobilob i ch'ich'el jini winic, che'ob.

Mateo 27:4

Tsi' yʌlʌ: Tsa'ix c cha'le mulil che' bʌ tsa cʌc'ʌ ti la' c'ʌb jini mach bʌ anic i mul, che'en Judas. Tsi' subeyob: Mach c wentajic lojon. Bajñel q'uele a bʌ, che'ob.

Deuteronomio 11:28

Mi caj la' taj wocol cha'an i mich'lel Dios mi tsa' la' ñusʌbe i t'an lac Yum Dios, mi tsa' loq'uiyetla ti jini bij woli bʌ c subeñetla cha'an mi la' yajcan majlel i dios tac jini winicob parte bʌ i lumal.

Deuteronomio 24:17

Mach yomic ma' tic'lan jini mach bʌ mero anic i lumal ti la' tojlel yic'ot jini meba'o' bʌ. Mach yomic ma' ch'ʌmben i pislel jini meba' x'ixic cha'an i q'uexol i bet.

Deuteronomio 27:19

“La' aq'uentic wocol jini mach bʌ anic mi' mel ti uts'at jini ñajt bʌ chumulob, yic'ot meba' x'ixicob yic'ot alʌlob”, che'ob. Pejtelel jini año' bʌ ti tejclum mi caj i yʌlob: “Amén”, che'ob.

Deuteronomio 8:19

Mi tsa' ñajʌyi la' cha'an lac Yum Dios, mi tsa' majli la' ñocchocon la' bʌ cha'an mi la' ch'ujutesan yambʌ, isujm mic subeñetla mi caj la' jisʌntel.

Santiago 1:27

Jini mu' bʌ i ch'ujutesan Dios ti isujm, mach bʌ anic i bibi'lel ti' tojlel Dios lac Tat, jiñʌch mu' bʌ i coltan meba' alobob yic'ot meba' x'ixicob. Mi' chʌcʌ q'uel i bʌ ame i ñopben i sojquemal pañimil.