Jeremias 7:5 - Chol: I T’an Dios

⁵ Mi ts'ʌcʌl mi la' mel che' bajche' wolic subeñetla, mi mejlel la' chʌn jalijel ti la' lumal. Yom mi la' cʌy la' mul cha'an mi la' ñop chuqui wen. Toj yom mi la' cha'len meloñel cha'an mi' lajmel leto ti la' tojlel.

Chol de Tumbalá Bible

⁵ Mi ts'ʌcʌl mi la' mel che' bajche' wolic subeñetla, mi mejlel la' chʌn jalijel ti la' lumal. Yom mi la' cʌy la' mul cha'an mi la' ñop chuqui wen. Toj yom mi la' cha'len meloñel cha'an mi' lajmel leto ti la' tojlel.

Jeremias 7:5 Iomraidhean Croise

Isaias 1:19

Mi la' wom la' wʌq'ueñon la' pusic'al cha'an mi la' jac'beñon c t'an, mi caj la c'ux jini c'ax sumuc bʌ pʌc'ʌbʌl.

Isaias 16:3

Jini winicob tsa' bʌ i ch'ʌmʌyob majlel tiñʌme' ya' ti Jerusalén woli' yʌlob: A wocolic aq'ueñon lojon c puts'ib. Coltañon lojon. Mach a wʌc'on lojon ti' c'ʌb j contra lojon.

Jeremias 21:12

I p'olbalet David, ubin i t'an lac Yum: Cha'len meloñel ti toj. Se'ñun mecu. Coltan loq'uel ti' wenta xujch' jini tsa' bʌ chilbenti i chubʌ'an, ame tilic wocol i tajet che' bajche' c'ajc mach bʌ yujilic yajpel, come mich'on cha'an jontol a melbal.

Jeremias 22:15

¿Mu' ba a lon ña'tan ñuquet cha'an ñuc a wotot? ¿Mach ba ñuquic a tat? Tsi' cha'le chuqui uts'at a tat. Toj tsi' mele ti' tojlel i pi'ʌlob. Jini cha'an tsa' jal'a i yumʌntel. Dios tsi' colta, come tsi' colta i pi'ʌlob.

Jeremias 22:3

Lac Yum woli' yʌl: Cha'lenla meloñel ti toj. La' loq'uicob pejtel woliyo' bʌ ti wocol ti' c'ʌb xtic'layajob. Mach la' contrajin jini meba'ob yic'ot jini ñajt bʌ ch'oyolob. Mach la' to'ol ñusañob che' yomob i coltʌntel. Mach la' tsʌnsan jini mach bʌ añobic i mul.

Jeremias 26:13

Yomix mi la' mel la' pusic'al cha'an mi la' cʌy la' mul. Yomix mi la' jac'ben i t'an lac Yum Dios, ame i chocbeñetla tilel ili ñuc bʌ wocol che' bajche' tsi' yʌlʌ.

Jeremias 7:3

Lac Yum woli' yʌl: Mele la' pusic'al. Ñopoxla chuqui wen. Mi tsa' la' cʌyʌ la' jontolil mij coltañetla cha'an mi la' chʌn ajñel wʌ' ti la' lumal.

Ezequiel 18:17

Ma'anic mi' tic'lan jini p'ump'un bʌ. Ma'anic mi' c'ajtiben i jol i taq'uin. Mi ti pejtelel ora mi' chʌn jac'beñon c t'an, ma'anic mi caj i chʌmel ili winic cha'an i mul i tat. Cuxul mi caj i yajñel.

Ezequiel 18:5

Che' an winic mu' bʌ i mel chuqui toj yic'ot chuqui wen, mi caj j q'uel ti toj.

Ezequiel 18:8

Ma'anic mi' c'ajtin i jol taq'uin che' mi' yʌc' ti majan. Uts'at mi' ñusan q'uin ti' tojlel pejtelel winicob.

Levitico 25:17

Pero mach yomic mi la' wis lotin la' pi'ʌlob. Yom jach mi la' chʌn bʌc'ñañon. Come joñoñʌch la' Yumon, la' Dioson. Jini cha'an ts'ʌcʌl yom mi la' jac' jini t'an. Che'ʌch yom mi la' chʌn cha'len, cha'an tijicña mi la' wajñel ya' ba' chumuletla.

Zacarias 7:7

Che'ʌch ja'el tsa cʌlʌ ti oñiyi ti' tojlel jini x'alt'añob che' tijicñayob to la' tatob ya' ti Jerusalén yic'ot ti' joytʌlel yic'ot ti joctʌl am bʌ ti sur, come tsi' bajñel yajcayob i bijlel ja'el”. Che' yom ma' subeñob. Che' tsi' yʌlʌ lac Yum.

Juezob 21:12

Jumbajc' xch'oc tacob maxto bʌ añobic i ñoxi'al tsa' cʌleyob ti Jabes Galaad. Che' bʌ tsi' tajayob jini winicob, tsi' pʌyʌyob majlel cha'an mi' jijlelob ti Silo ya' ti' lumal Canaán.

Juezob 5:1

Ti jini q'uin Débora yic'ot Barac (i yalobil Abinoam) tsi' cha'leyob c'ay bajche' jini: