Jeremias 7:34 - Chol: I T’an Dios

³⁴ Mi caj c jisañob jini yujilo' bʌ c'ay yic'ot tse'ñal ti Jerusalén yic'ot ti' tejclum tac Judá. Ñʌch'ʌlix i bijlel tac. Ma'anic mi caj i chʌn ubintel i t'an xch'oc yic'ot ch'iton. Ma'anix xñujpuñijel. Jochol mi caj i cʌytʌl jini lum.

Chol de Tumbalá Bible

³⁴ Mi caj c jisañob jini yujilo' bʌ c'ay yic'ot tse'ñal ti Jerusalén yic'ot ti' tejclum tac Judá. Ñʌch'ʌlix i bijlel tac. Ma'anic mi caj i chʌn ubintel i t'an xch'oc yic'ot ch'iton. Ma'anix xñujpuñijel. Jochol mi caj i cʌytʌl jini lum.

Jeremias 7:34 Iomraidhean Croise

Job 3:7

La' cʌlec ti' bajñel. Mach yomic mi' chʌn ña'tintel ti tijicña bʌ t'an.

Salmos 78:63

Jini ch'iton bʌ winicob tsa' chʌmiyob ti c'ajc. Ma'anic tsi' cha'leyob ñujpuñijel jini xch'ocob.

Isaias 1:7

Pujch'emix a lum Judá. Tsa'ix sujti ti c'ʌnc'ʌn. Tiquinix. Pulbilix a tejclum tac. Jini ñajt bʌ ch'oyolob woli' c'uxob i wut a pʌc'bal che' tulul a wut wola' q'uelob.

Isaias 3:26

Jini xtejclumob mi' cajelob ti uq'uel. Mi caj i lʌpob i pislel meba'ob. Ch'ijiyem mi caj i cʌytʌl jini tejclum. Jejmenix i ti' tac.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Jeremias 16:9

Come i Yum Panchan yic'ot Pañimil, i Dios Israel, tsi' yʌlʌ: Q'uele mux caj c sʌc jisan winicob x'ixicob, jini tijicñayo' bʌ yic'ot jini woliyo' bʌ ti alas, yic'ot jini woliyo' bʌ ti ñujpuñijel.

Jeremias 22:6

Subeñob ja'el jini año' bʌ ti Judá: “Lac Yum woli' yʌl: I t'ojol jax mij q'uel i yotot jini rey David che' bajche' jini te'el am bʌ ti Galaad yic'ot ti Líbano. Pero mi caj c sutq'uin ti jochol bʌ lum. Ch'ijiyem mi caj la' cʌytʌl che' ma'anix la' yum.

Jeremias 25:10

Che' jini majlemobix jini yujilo' bʌ alas. Ma'anix mi caj i yubintel tijicña bʌ t'an mi i t'anic xñujpuñijelob mi i t'anic juch'bal. Mi caj c yʌpben i c'ajc.

Jeremias 27:17

Mach yomic mi la' ñopbeñob i t'an. Yom mi la' yuman jini rey ti Babilonia cha'an mi la' cuxtʌyel. ¿Chucoch mi la' lon ac' ti jisʌntel ili tejclum?

Jeremias 33:10

Lac Yum woli' yʌl: Tsi' yubiyob laj pujch'emix ili lum. Ma'anic majqui wʌ' chumul mi winic mi bʌte'el. Jocholix i tejclum tac Judá yic'ot i bijlel tac Jerusalén. Pero wʌ' ba' ch'ijiyem pañimil mi caj i cha' ubintel

Jeremias 33:11

i t'an jini tijicñayo' bʌ woliyo' bʌ ti tse'ñal. Mi caj i cha' ubintel i t'an jini xñujpuñijel yic'ot jini c'ajtibil bʌ i cha'an. Wʌ' ti ili tejclum mi caj i cha' ch'ujutesañoñob yic'ot c'ay. Mi caj i yʌlob: “Subenla lac Yum wocolix i yʌlʌ come i Yumʌch Panchan yic'ot Pañimil. Mi' pʌsbeñonla i yutslel i pusic'al ti pejtelel ora”. Che'ʌch mi' cajelob ti c'ay. Mi caj i cha' ch'ʌmbeñoñob tilel c majtan tac wʌ' tic Templo, come mi caj c cha' mel ti ñuc ili lum che' bajche' ti oñiyi, che'en lac Yum.

Jeremias 4:26

Tsaj q'uele tiquinix lum ya' ba'an pʌc'ʌbʌl ti yambʌ ora. Lu' jembilix jini tejclum tac ti' tojlel lac Yum cha'an cabʌl i mich'ajel.

Jeremias 4:27

Come lac Yum tsi' yʌc'ʌ ti jisʌntel jini lum che' bajche' tsi' yʌlʌ: Pero mach jilic i colojbal c winicob x'ixicob, che'en lac Yum. Lamital jach mi caj i cʌytʌl.

Jeremias 44:6

Jini cha'an tsa cʌc'ʌyob ti ñuc bʌ wocol ti pejtelel tejclum tac ti Judá yic'ot ti' bijlel tac Jerusalén cha'an cabʌl c mich'ajel. Jochol tsa' cʌle la' lumal. Lu' jejmenix woli la' q'uel.

Lamentaciones 5:14

Ma'anix mi' chʌn cha'leñob meloñel jini ñoxobix bʌ ti' ti' tejclum. Ma'anix mi' chʌn cha'leñob son yic'ot c'ay jini ch'iton winicob.

Ezequiel 26:13

Mi caj c jisan pejtel i tijicñʌyel a pusic'al. Ma'anix mi caj i chʌn ubintel i t'an música yic'ot c'ay.

Ezequiel 7:11

Cabʌl tsa' p'ojli i jontolil yumʌlob yic'ot wen chumulo' bʌ, pero mi caj i laj jilelob yic'ot i t'an yic'ot i chubʌ'an. Ma'anic majch mi caj i cʌytʌl i yuc'tañetla.

Oseas 2:11

Mi caj c chilben pejtel jini tijicña bʌ. Mach chʌn mejlix i cha'len q'uin che' ti' yorajlel c'aj o yic'ot i tejchibal uw.

Oseas 2:13

Mi caj cʌq'uen i toj i mul cha'an tsi' pulbe pom jini Baal dios. Tsi' ch'ʌlʌ i bʌ ti ujʌl yic'ot mʌtc'ʌb wen letsem bʌ i tojol. Tsa' majli i sʌclan i winic. Ma'anix tsi' chʌn ña'tayon. Jini cha'an mi caj i toj i mul. Jiñʌch laj cʌntesʌntel ti lac Yum.

Levitico 26:33

Mi caj c pam puquetla ti pejtelel pañimil. Mi caj cʌq'uetla ti jilel ti espada. Che' jini jochocña mi caj i cʌytʌl la' lum yic'ot la' tejclum tac.

Miqueas 7:13

Pero ñaxan mi caj i laj jisʌntel i lumal Israel cha'an ti' caj i jontolil.

Apocalipsis 18:23

Ya'i ma'anix mi caj i tsictiyel i c'ʌc'al lámpara. Ma'anix mi caj i yubintel i t'an xñujpuñelob. Come jini xchoñoñelob a cha'an jiñobʌch ñuco' bʌ ti pañimil. Tsa' loti pejtelel tejclum tac ti' caj a lot.